THIRD PERSON'S POV
GAYA NG NAIS ni Therese, nasunod siya. Wala na ngang nagawa si Ross kundi ang sundin ang gusto ng kasama niyang babae. Hindi niya maintindihan at hindi niya mahanapan ng sagot sa katanungang, bakit siya nito pinoprotektahan?
Kung tutuusin, kayang-kaya nitong umalis sa tabi niya, maaari itong tumungo malayo sa kaniya at simulang salubungin ang ama. Alam niyang ito na ang pinakahihintay ng dalaga, ang magkaroon ng tyansang makabalik ito nang Maynila — kung saan ito nakatira — ngunit hindi iyon ang nangyari, kaya naman, labis-labis ang pagtataka sa isip ni Ross.
Para bang nandiyan na ang pagkain sa mesa, kakainin na lang pero tinanggihan pa rin iyon ng dalaga, bagay na talagang pinagtatakhan ng binata.
Ngunit gayon pa man, hinayaan niya ang dalaga sa kung ano ang gusto
