Jessica Quinn’s POV
“Ano kayang magandang bilhin para sa babaeng ‘yon?”
Hawak-hawak ni Sharon ang braso ko habang naglalakad-lakad kami rito sa mall at halatang problemado ang boses niya. Nandito na kami pero hindi pa rin namin napagdedesisyunan kung ano ang ibibigay namin kay Yeri.
“Bakit hindi na lang natin siya bilhan ng ticket papuntang Siargao?” suggest ko.
Wala na rin talaga kong maisip na ibigay kay Yeri pero alam ko naman na ang hilig niya ay ang dagat. Gustong-gusto niyang nag-be-beach kaya siguradong matutuwa siya roon.
“Tapos bilhan na lang din natin siya ng mga swimsuit.”
“Yeah! Good idea! Pagbakasyonin natin si Yeri ng dalawang linggo sa Siargao para mahiwalay rin siya sa boyfriend niyang hilaw kahit pa paano.”
Napantig ang tenga ko dahil sa sinabi ni Sharon sa akin.
