Warning
Jessica Quinn’s POV
“Good evening, Ms. Siciliano.”
Napangiti agad ako sa mga tauhan ni Klaus na bumabati sa akin pagbaba na pagbaba ko ng kotse ko. Pinapasok agad nila ang sasakyan ko dito sa loob ng bahay dahil hindi naman tinted ang kotse ko kaya mabilis nila kong nakilala.
Hindi ko na sila binati pabalik pero nginitian ko pa rin sila. Ayokong masyado silang kausapin dahil kinakabahan pa rin ako hanggang ngayon sa kanila. Hindi dahil sa malalaki ang mga baril na dala nila kundi dahil alam kong pwedeng-pwede nilang sabihin kay Kuya Jacob ang mga ginagawa ko rito sa bahay ni Klaus. Pwede silang magsumbong dahil may mga mata naman sila at nakikita nila ang ginagawa namin ni Klaus.
“Good evening po, ma’am,” bati naman sa akin ng kasambahay pagpasok na pagpasok ko ng bahay ni
