KAHIT naninibago sa paligid ay masarap pa rin ang tulog ni Zoe. Sa sobrang himbing ay tanghali na siya nagising. Malinis at maayos din naman kasi ang hotel room kahit hindi iyon mamahalin. Parang katulad lang ng mga resort na pinuntahan nila noon ni Candice sa Laguna. Although it had the smell of an old hotel that she didn't like very much.
Tinatamad pa sanang bumangon si Zoe nang makaramdam na siya ng gutom. Wala namang problema sa pagkain dahil kahit hindi iyon kasama sa accomodations, may buffet breakfast naman ang hotel.
But wait. Paano nga pala siya makakalabas kung wala siyang pamalit na damit? Naiwanan nga pala niya iyon sa kotse niya.
Kahit kumakalam na ang sikmura ay dismayado na bumalik sa higaan si Zoe. Hinding-hindi siya lalabas ng kuwarto na hindi nakapagpalit ng damit
