"Hanggat kaya ko, magtitiis ako at iintindihin ko si Ethan."
Mayamaya ay nag-text na naman daw si Ethan kay Dominic.
"Tinatanong niya kung saan daw tayo pupunta. 'Wag daw kitang dalhin sa bahay ko at hindi na ako aabutan ng umaga." Humagalpak ng tawa si Dominic. "Seryoso pala talaga siya sa pagseselos. Nawala na nga memories niya, pinagseselosan pa rin niya ako. Tulad noong una tayong nagkita."
"Pati nga 'yong pag-comfort mo sa'kin, pinagselosan din niya." Mapait na napangiti si Zoe. "Kaya hindi ako nawawalan ng pag-asa. I know na nasa puso pa rin ako ni Ethan. He still loves me."
"Oo. Nakikita ko naman iyon. At mukhang effective ang pagseselos niya, mas napansin ka niya. What if pagselosin pa natin siya?" Dominic chuckled. "Mahirap lang 'yon sa kaniya dahil ni hindi niya alam kung bak
