"ANO ang ginagawa mo rito? At paano mo nalaman na nandito ako?" muling tanong ni Zoe kay Ethan nang sa wakas ay pagbuksan siya nito ng pintuan. Dire-diretso naman siyang pumasok sa hotel room nito at inihagis ang leather jacket at sombrero sa kama.
"Saan kayo galing ni Dominic at ano ang ginawa n'yo rito sa hotel?" hindi maipinta ang mukha na tanong din niya rito.
Kanina pa siya halos mabaliw-baliw kakahanap sa dalawa. Kulang na lang ay libutin na niya ang buong Lucban. Mabuti na lang at t-in-ext siya ng isa niyang kaibigan na receptionist sa hotel na iyon. Nakita raw nito roon sina Dominic at Zoe. Parang gulat na gulat ito. Na para bang may milagrong ginagawa ang dalawa.
Nang matanggap ang message na iyon ay agad na sumugod dito si Ethan. Ang kaibigan din niyang iyon ang nagsabi sa ka
