Maagang bumangon si Ayen dahil pang-umaga siya ngayon. Naligo at nag-ayos na siya ng kaniyang sarili habang hinihintay maluto ang kaniyang sinaing. Eksaktong nakapagbihis na siya at nakapag-ayos ng kaniyang sarili, nang maluto ang kaning kaniyang sinaing. Isinunod niya agad ang pagtitimpla ng kape, at pagpi-prito ng itlog at hotdog para sa kanilang agahan.
“Sis, aga mo ah! Pang-umaga ka ba ngayon?” Nilingon niya ang kaniyang ate saka nginitian ito.
“Opo Ate, pang-umaga ako for the entire week.” Hinango na niya ang niluluto saka inilapag sa mesa at nag-umpisa ng kumain.
“Hmmm, kumusta ka naman na? Kumusta iyang puso mo?” maya-maya’y tanong nito sa kaniya na nakapangulumbaba sa mesa habang nakatingin sa kaniya.
“Okay na ako Ate. Sabi mo nga, babalik din naman siya. Nag-over reaction la
