Magaan ang pakiramdam ni Ayen nang bumangon siya nang araw na iyon. Simula nang makauwi sila galing kila Thummy, tatlong lingo na ang nakakalipas, ay bumalik na rin ang kaniyang gana at pagiging masayahin. Lalo pa’t araw-araw rin namang ipinararamdam sa kaniya ni Bernie, kung gaano siya kamahal nito.
“Good morning, Ate!” nakangiting bati niya sa kaniyang ate nang datnan niya ito sa kanilang kusina.
“Aba, at ang ganda yata ng gising mo sis ah. Kain na,” tugon naman nito habang nagkakape.
“Maliligo muna po ako bago kumain Ate,” magalang niyang turan sa kaniyang ate bago siya tumuloy sa banyo upang maligo.
Matapos makapaligo’t makapagbihis ay saka siya dumulog sa kanilang mesa upang kumain. Habang sumasandok siya ng pagkain sa kaniyang plato ay inusisa naman siya ng kaniyang kapatid.
“
