Chapter Thirteen
PAGKATAPOS ng gulo na nangyaring gulo kahapon ay umuwi si Shine sa Maynila. Wala na rin akong narinig tungkol pa sa kanya. Hindi rin naman sinundan ni Jasper si Shine para makipag-ayos dito dahil kasama ko s’ya hanggang sa pag-uwi namin. Hindi ko alam kung dapat ko ba ikatuwa ang bagay na ‘yon dahil ibig sabihin lang no’n ay talagang pinuputol na ni Jasper ang ugnayan n’ya kay Shine. Wala man akong sinabi sa kanya na ganoon pero ginawa pa rin n’ya.
Hindi ko nga alam kung dapat ba akong matuwa sa mga nangyayari. Naguguluhan pa rin ako at natatakot pero hindi ko rin naman maitatanggi na nagustuhan ko ang nangyari kahapon. Nakaramdam ako ng kaonting awa kay Shine dahil sa ginawa ni Jasper sa kanya. Hindi dapat iyon ginawa ni Jasper sa harap ng maraming tao kahit na hi
