بشرى سارة

الفصل الخامس

بسم الله الرحمن الرحيم

وبه نستعين

الفصل الخامس( بشرى سارة)

ترجلا من السيارة امام برج سكنى فاخر القى زياد التحية على الحارس ثم صعدا بالمصعد حتى الدور العاشر فتح باب الشقة وتنحى جانبا ليسمح لها بالمرور..ادخلى

توجست خيفة ونظرت اليه بريبة ..انت جايبنى فين ؟ ايه المكان ده ؟

..ادخلى يا سارة متخافيش ..

نبرته الثابتة الواثقة طمئتها

فتقدمته الى الداخل وتطلعت حولها بانبهار وفخر به فهى ليست مجرد شقه فاخرة فحسب بل فيلا صغيرة مكونة من طابقين و اثاثها الفخم يدل على ذوق ورقى صاحبه

ابتسم بخبث ده بيتى بس انا مش عايش فيه يعنى بتنقل مابين هنا وبيت والدى وعدد قليل اوى اللى يعرفوا طريق البيت ده وزى ما انتى شايفة المنطقة هادية وبعيدة عن دوشة المدينة

.تعالى اف*جك عليه

تبعته كالمغيبة وهو يريها كل مكان بالمنزل

_ الدور اللى تحت ده فى الصالون اللى انتى شايفاه ده واوضة المكتب ودى منطقة م***عة متقربيش منها ودى السفرة والمطبخ وحمام للضيوف

صعد بها الى الاعلى وهنا بقى غرف النوم وكل غرفة ليها حمام خاص بيها توقف امام احدى الغرف

.دى هتبقى اوضتك من النهاردة واللى جنبها دى اوضتى .

نظر اليها باشمئزاز وهى تنظر الى ما حولها باعجاب و انبهار

فالغرفة مجهزة بكل وسائل الراحة والترفيه هذا بالاضافة الى الاثاث الذى يلائم ماراته بالخارج من فخامة ورقى

فتح لها الشرفة

كل الاوض بتشوف البحر زى ما انتى شايفة كده

وبنبرة ذات مغزى

استطرد بتهكم مش ده بردو اللى كنتى عايزاه وبتحلمى بيه .

اخفضت بصرها بخجل وودت لو تستطيع الصراخ به واخباره انها كانت طفلة حمقاء لا ترى فى الحياة سوى مظاهر خادعة ولكنها تعلمت الان بعد ان لقنتها الحياة درسا قاسيا _تريد ان تخبره انها قد تالمت فى بعده وقد ادركت قيمتة وافتقدت وجوده بجانبها **ند ورفيق لها بالحياة ولكن السؤال هل سيصدقها او يثق بها مجددا وخاصة بعد ان اصبح ثريا لهذه الدرجة بالطبع لا

زياد بتهكم ..طبعا مكنتيش متوقعة انى بقيت فى العز ده كله. من بعدك اكيد دلوقتى بتتحسرى انك ضيعتينى من ايدك بس ملحوقة انا ممكن اعقد معاكى اتفاق

سارة باستغراب..اتفاق ايه؟

..انا مستعد اخلصك من ملاحقة الشرطة ليكى واحللك كل مشاكلك وكمان اد*كى كل الفلوس اللى تطلبيها

..وده كله مقابل ايه؟

جذبها اليه من خصرها واحكم قبضته عليها حتى شعرت ان خصرها على وشك ان يتحطم

..تبقى بتاعتى انا وبس ..وكل ما تبسطينى اكتر كل ما انا كمان هبسطك اكتر واغرقك فى العز

..حررت نفسها منه ورفعت يدها لتصفعه فامسك يدها بقسوة ثم دفعها على الفراش

..انتى نسيتى نفسك يا بت ولا اية اوعى تفتكرى الشويتين دول هيخيلوا عليا ولا تفتكرى اللى قدامك ده زياد بتاع زمان لا يا ماما فوقى ..

سارة بغضب ونبرة باكية ..انت فعلا مش زياد بتاع زمان زياد بتاع زمان عمره ما كان هيطلب منى طلب زى ده لكن انت مجرد مسخ مش*ه منه .. نهضت بكبرياء

...انا متشكرة اوى لمساعدتك بس كفاية اوى لحد كده ثم توجهت ناحية الباب

..ساعتك فاكرة نفسك رايحة فين

..همشى

..زياد بحده

تمشى تروحى فين انتى ناسية ان البوليس بيدور عليك وصورك فى كل حتة ده مش بعيد يتقبض عليكى اول ما تخرجى من هنا

..سارة بالم

..مش مهم ..الحبس اهون عليا من نظرات عينيك اللى بتدبحنى كل ما تبصلى ..اردفت ببكاء

يارب اموت واخلص من الدنيا دى كلها عشان ترتاح منى

..تبدلت نظرته القاسية الى اخرى حانية ولكن سرعان ما لبس قناع البرود مرة اخرى( عندما تردد صوت بداخله اوعى تصعب عليك وتصدقها دى حية بميت وش )

..اترزعى مكانك مفيش مرواح فى اى حته ..وريحى نفسك الحارس اللى تحت معاه اوامر اصلا ميسمحلكيش تخرجى من هنا.

..هتحبسنى يعنى ولا ايه ؟ ده مش من حقك انا مش مراتك ومينفعش اصلا اقعد معاك هنا لوحدنا

وكأنه لم يسمع ما قالته ..حاولى تنامى شوية وترتاحى انتى لسه جرحك مالتئمش كويس

سارة بحده _انا مش فاهمة انت ليه عايز تساعدنى طالما بتكرهنى ومش مصدقنى ؛ ويهمك فى ايه اصلا

اذا كنت اروح فى داهية ولا لا

ض*ب الحائط خلفه بغضب..بس انتى مش هتروحى فى داهية لوحدك هتاخدينى انا ونادر كمان معاكى

ولا ناسية اننا ساعدناكى يعنى سيادتك تقعدى كده زى الشاطرة وحدودك هتبقى البيت ده وحتى الجيران م***ع تتكلمى معاهم ولا تفتحى باب اوبلكونة والكلام ده مش هعيده تانى.وقبل ان يخرج اشار لها على الاغراض التى جلبها _الشنط دى فيها هدوم ليكى وموبايل سجلتلك عليه رقمى قبل ان يخرج .. اعتبرى البيت بيتك

سمع جرس الباب .واذا به الحارس

ايوة يا كمال فى حاجة ؟

..جبت لحضرتك الست اللى طلبتها منى للخدمة...

اتفضلى يا ام سعيد دخلت سيدة فى الخمسين من عمرها

.. على ضمانتك دى يا كمال .انت عارف اهم حاجة عندى الامانة وحفظ السر

..واضمنها برقبتى يا باشا

..تمام ..ادخلى يا ام سعيد ...

كمال ..بعد اذنك يا باشا

اطلعى للهانم فوق وساعديها تاخد شاور و تغير هدومها

وخلى بالك عليها عشان لسه خارجة من المستشفى ولما تتعشى ابقى اديها الدوا هتلاقيه فى كيس صغير مع هدوم الهانم وكل علبه عليها التعليمات

..بتاعتها وبتتاخد امتى

ولو حصل اي حاجة ابقى كلمينى

تحت امرك يابيه

..

.._____________________

منى ببكاء

**فنى وسط صحابى يا عمتو وسابنى فى نص الحفلة وقال ايه عنده شغل .. هو الشغل ده مبيطلعلوش غير لما بيكون قاعد معايا ..ده حتى مقليش اوصلك

.عايدة .اهدى يا حبيبتى طالما قالك عنده شغل يبقى اكيد صح انتى عارفة ان زياد دلوقتى محامى مشهور ومشاغله كل مدى ما بتكبر وبتكتر ولازم تعودى نفسك على كده عشان متتعبيش بعد الجواز

..لا يا عمتو دى مش حكاية شغل ..زياد مبيحبنيش تصورى انه ممكن يقعد بالاسبوع ميكلمنيش او يسال عليا ولو حتى جه على نفسه وكلمنى يكلمنى كلمتين ويقفل وكأن المكالمة تقيلة عليه .

..منى لنفسها نفسى مرة يبصلى زى ماكان بيبصلها نفسى يحسسنى بشوية حب وحنية من اللى كان مغرقها فيه

_عايدة .حبيبتى هو طبعه كده كلامه قليل والشغل عنده رقم واحد بس ده مش معناه انه مبيحبكيش

متقوليلها حاجة يا نيرة

..نيرة ااقولها ايه يا ماما ماهى عندها حق ده انا لو اكرم عمل معايا كده كت طينت عيشته ..هو الحب ايه غير اهتمام وحنية

..شوفتى يا عمتو

.نظرت عايدة الى بنتها بغيظ لت**ت .بطلى تشعلليها ياحقنة انتى مش نقصاكى

.فرفعت يدها باستسلام

.وانا مالى انا انتى سالتينى على رايى وانا بقولك الحقيقة

بت يا منى ما تسيبك منه وانا اجوزك سيد سيده

خلعت عايدة حذائها المنزلى (لا مؤاخذه الشبشب) ?والقته عليها

نيرة ببكاء مصتنع ..ايوة مانا هنا الحيطة الميلة امتى يارب بقى اتجوز واسيب البيت ده .خلعت عايدة الفردة الاخرى والقتها عليها .فتفادتها نيرة بسهولة

..نيره ..ههههه مجتش فيا ثم ركضت الى غرفتها واغلقت عليها الباب عندما رات عايدة قد نهضت لتتمكن منها .

ثم فتحت الباب مجددا

عن ابو اللى يتدخل لكم تانى ثم اغلقت الباب مجددا

.. انفجرت منى فى الضحك عليهم وتبدلت حالتها فى لحظة

نظرت عايدة لكلاهما ..عوض عليا عوض الصابرين يارب .

______________________

..قصر صلاح

...شعر عمر بمشاعر تنتابه لاول مرة وقد لاحظ والده ذلك من ارتجافة جسده وعروق وجهه التى تصلبت

ونظرات عينه التى تسمرت بالشاشة

فابتسم صلاح برضا وشعر انه قد وصل لمأربه فقد استطاع ان يوقظ المارد من ثباته وان يحرك رغبات الرجل الكامنة بداخله

فهمت بقى يا بطل هتعمل ايه مع عروستك؟

..طرقت نرجس على الباب

صلاح بيه ميعاد حقنة نادر

.10 دقايق وخارج اخرج صلاح السدى من اللاب

..ثم توجه ناحية عمر وانهضه من على الفراش وهو مستسلم له

دلوقتى بقى يا بطل تدخل تاخد دش وانا هطلعلك غيار تلبسه قبل ما تدخل نرجس تد*ك الحقنه

_______________________

منة بغضب..وهو تنكز بشرى بكتفها من الخلف وهى تعد طعام الغداء

انتى يا ختى نسيتى نفسك ولا ايه ولا تكونى افتكرتى نفسك عروسة وهتبتدى تتمردى وتشوفى نفسك علينا

_ليه انا عملت ايه ؟

انا مش قلتلك الصبح تغسليلى بلوزتى الحمرا عشان رايحة بيها مقابلة عمل

..اعمل ايه طيب ما طنط عبلة قالتلى اطلع اكل للفراخ على السطح ويدوبك نزلت بعتتنى لطنط ام حسن اجيب منها فلوس الجمعية واول مادخلت قالتلى ادخلى جهزى الغدا ..

..بس بس انتى هتحكيلى قصة حياتك ..سيبى اللى فى ايدك ده وادخلى اغسليها حالا علشان تلحق تنشف ع بالليل

..وانتى متغسليهاش ليه؟

ايوة مش بقولك شوفتى نفسك وابتدى تتمردى ..الحقينى يا ماما ..يا ماما

عبلة في ايه ياروحى ..الهانم مش عايزة تغسلى بلوذتى

..امسكتها عبلة من شعرها

..بت انتى اشترى نفسك واتعدلى وعدى اليومين اللى فضلينلك دول على خير بدل ما اض*ب كرسي فى الكلوب وابوظلك الجوازة دى كلها وانتى عارفة كويس انى اقدر .وابوكى ما بي**رليش كلمة

..بشرى ..بس الاكل

..وطى عليه ياختى هيجراله ايه ولا هى حجج فارغة وخلاص وروحى يله اعملى اللى منة طلبته منك وبعدين ابقى ارجعى كملى

.. حاضر يا طنط .وبصوت خفيض يارب قوينى وصبرنى

.. ..

._______________________

.

مكتب زياد

فتح درج من ادراج مكتبه واخذ منه اجندة قديمة واخذ يتطلع الى الوردة التى جفت بين طيات صفحاتها ثم التقطها واخذ يستنشق رائحتها مغمض العينين و هو يعود بذاكرته الى ذلك اليوم (الفلانتين)

باك

... هابى فلانتين ياروحى و السنة الجاية ان شاء الله تكونى فى بيتى

سارة بسخط..ايه ده يا زياد جايبلى ورد .حد قالك عليا طالعة الارافة

..مش عجبك؟ مع انهم بيقولوا البنات بتحب الورد والحاجات الرومانسية دى ..طب خلاص افتحى العلبة دى وشوفى جبتلك ايه كمان

..سارة بسعادة سرعان ما اختفت بعد ان فتحت العلبة

..ايه ده دبدوب ..حد قالك عليا عيلة بضفاير

..غريبة اللى اعرفه ان البنات بتحب الحاجات دى

..نحن نختلف عن الاخرون يا بيبى

_امال انتى بتحبى ايه؟

..يعنى فستان شيك ازازة برفان ويا سلام لو حتة دهب حاجة كده مش تقولى ورد ودباديب

عاد من سيل ذكرياته على صوت طرق الباب

..ادخل

ايوة يا نبيل عملت ايه قدرت توصل لحاجة

..طبعا يافندم

اللى اسمه فتحى ده طلع تاجر معروف اوى

_.واللى اسمه حامد ده مديون بمبلغ كبير اوى للراجل ده والاتنين بتوع كاس وكوباية وشغلهم كله شمال وحكاية الجواز دى فى الاصل حكاية فشنك

..ازاى يعنى؟

..البنت هربت منهم يوم الفرح وطبعا عشان يداروا الفضيحة قالوا للماذون انها وافقت وقعدوا بنت تانية مكانها كانت لابسة نقاب على وشها

زياد لنفسه يعنى كانت بتقول الحقيقة

.. كتبوا كتابها من غير ما تعرف يعنى ؟

_مظبوط سيادتك

...انا عايز معلومات كاملة عن شغلهم فى ملف يا نبيل وموثق بالدلا ئل

.حاضر يا فندم.

قولى مكنش فيه تصوير فيديو او حتى صور فوتوغرافيا فى الفرح ده؟

..ليه يا افندم هتفيد بايه

..ازاى بقى انت بتقول انهم جابوا بنت تانية قعدت مكانها وكانت مغطية وشها صحيح الصور مش هتخلينا ننفى انها سارة بشكل قاطع بس هتعطينا كمان فرضية انها ممكن تكون مش هى وخصوصا ان سارة اصلا مش منتقبة فاية اللى هيخليها تلبس نقاب ويوم فرحها .واذا اثبتنا ده يبقى معناه انها مش مراته و انه اخدها بيته غصب عنها وبعد كده نقدر نثبت بسهولة ان اللى عملته كان دفاع عن النفس

..صح يا افندم .دماغ حضرتك الماظ.

_واللى اسمها كريمة متولى عبد السلام

.. دى قدرت تعرف عنها حاجة او مكانها فين

.لسه بس بدور ومكلف ناس كتير يدورا كمان وان شاء الله هلاقيها قريب

شهادتها بردو هتكون مهمة اوى

..تمام ياافندم

..جهزلى بقى ملف بكل المعلومات ويكون عندى فى اسرع وقت يانبيل . لازم نكون مستعدين كويس ومضيقين عليهم الخناق ومنخلهومش يعرفوا يفلفصوا

..تحت امرك يا افندم

..متشكر يا نبيل تقدر تروح انت وابقى عدى على السكرتارية قبل ما تروح .فى مكافأه عشانك

..متشكر يا افندم

.__________________

بيت ابراهيم وعبلة

بارك الله لكما وبارك عليكما وجمع بينكم فى خير

صدح بها الماذون فور الانتهاء من عقد قران

عمر وبشرى

ابراهيم ..الف مب**ك يا صلاح بيه

..الله يبارك فيك امال فين عروستنا الحلوة

عبلة _بتجهز وهتيجى حالا

..تولين وهى تزين بشرى ..كتبوا كتابك يا نقاوة عينى ..

..الف مب**ك يا بيشو اخيرا هتخلصى من ام قويق وبنتها

_هههه.الله يبارك فيكى يا تولين عقبالك تعرفى انك اكتر واحدة هتوحشنى

..اكتر واحدة ده ايه يابت هو انتى ليكى حد غيرى اصلا وبعدين متخافيش مش هوحشك ولا حاجة اول ما تعوزينى قولى جزر وهتلاقينى قدامك

بشرى..هههه ههههه

تولين ..اهو على الاقل نشوف الصرايات دى شكلها ايه اللى بنشوفهاش غير فى الافلام ..بس ياخوفى تطلع الصرايا الصفرا ويلبسوكى قميص المجانين يا حبيبتى

..هههههه بس بقى يخربيتك روحى هتطلع من الضحك

قرصتها تولين فى ركبتها

.

ااه ..يخربيتك ايدك تقيلة

بقرصك فى ركبتك عشان احصلك فى جمعتك

..بشرى... كان نفسى اوى اشوف عمر النهاردة

..تولين وهى تنغزها بجانبها

.بكرة تشوفيه وتحبيه وتحضنيه وتبو .... وضعت بشرى يدها على فمها بخجل

.خلاص اخرسى بقى مبحبش الكلام ده

..بت**فى يا بيضا الله يكون فى عونك يا عمر هتاخد واحدة قفل مسوجر

.دخلت عليهم .منة ورددت بزهق ..ما تخلصى انتى وهى .بتعملوا ايه ده كله يله الناس بتسال عليكى يا سارة

_تولين ..طب غور..قصدى روحى واحنا جايين وراكى حاولت بشرى منع ابتسامتها بينما رددت

.منة بصوت خفيض ..بت قليلة ادب

______________________

..لاحظت سارة ان تلك السيدة تنظر لها طوال الوقت بنفور

تساعدها وتنفذ ما تطلبه منها ولكنها تحدثها بطريقة مقتضبة و نظرات عينيها تجرحها وكانها توبخها

وذلك منذ ان سالتها

ما صلة قرابتها بزياد واجبتها سارة بعفوية انه حبيبها السابق ثم عضت على شفتيها فجاة وقد ادركت خطأها ولكن بعد فوات الاوان

..اى خدمة تانية يا هانم

..ممكن بلاش هانم دى بتحسسنى انى خارجة من فيلم ابيض واسود انا اسمى سارة قوليلى يا سارة سارة وبس

..ولوسمحتى بلاش تبصيلى البصة دى.انا مش وحشة و اللهى العظيم ولو عرفتى ظروفى واللى حصلى فى حياتى هصعب عليكى

تاثرت السيدة بنظرات سارة الصادقة ..طب احكيلى يابنتى يمكن اقدر اساعدك او ع الاقل اخفف عنكى

..روت لها سارة حكايتها منذ ان انفصلت عن تواءمها وعاشت مع والدتها بمفردها وزيجات والدتها المتعددة الى ماحدث من زوجها الاخير وهروبها من الشرطة الان ثم خلعت لها حجابها لتريها جرح وجهها

.يالهوى يارب ايده كانت اتشلت البعيد ..يا حبة عينى يابنتى دى حياتك ولا فيلم السينما

صدقينى يا بنتى انا مش كرهاكى ولا بحكم عليكى انا بس عندى بنت قدك عشان كده حطيتها مكانك وصعب عليا بس انك تهينى نفسك كده وتيجى تقعدى فى بيت راجل عازب كده من غير جواز ايا كانت الاسباب

...دخل زياد فى تلك اللحظة عليهم الغرفة وبنظرة حادة لام سعيد

.والوضع ده هيتغير دلوقتى حالا

...سارة بلوم وغضب ..وهى تضع الحجاب على شعرها بسرعة فى حد يدخل كده من غير ما يخبط ..انت ناسى ان دى اوضة بنت

تسمر مكانه للحظات فبرغم من انها ليست المرة الاولى التى يرى شعرها فهى لم تكن ترتدى الحجاب عندما كانت معه سابقا ولكن لم يكن شعرها بهذا الطول وقتها بل كانت دائما تفضله قصير حتى انه كان يسخر منها ويناديها بالولد اما الان فقد بدت كالحورية التى خرجت من احدى قصص الاطفال ب*عرها الاسود الطويل وهذه المنامة القطنية الناعمة التى جعلتها تبدو اكثر نعومة

بلع ريقه وتحمحم .احممم .البسى بسرعة وحصلينى على العربية عشان رايحين مشوار مهم ثم خرج مسرعا من الغرفة وهو ينادى بصوت غاضب

... ام سعيد

..ركضت السيدة العجوز بخوف من صوته المخيف

ايوة يابيه

زياد بحدة ..ياريت بعد كده متدخليش فى اللى ملكيش فيه متخلنيش اندم انى شغلتك هنا

..حاضر يا بيه اخر مره ثم ركضت على المطبخ بخوف

..

. صعدت بجانبه فى السيارة وال**ت ملازم لهم حتى وصلا الى وجهتهم وكالعادة لم يخبرها شئ

..يله انزلى

فكت حزام السيارة وترجلت منها ثم تطلعت حولها ثم اتسعت عينيها عندما رات اليافطة مدون عليها مأذون شرعى

..ايه ده؟

مش قلتيلى الصبح انك مينفعش تقعدى معايا فى بيتى عشان مش مراتى دلوقتى حالا هصلح الوضع ده

.همت ان تتحدث ولكن زياد قاطعها

..وقبل ما تعترضى لازم تعرفى انى معنديش نيه انى اتجوزك ولا انتى اصلا تستحقى تنولى الشرف ده بس ده اجراء ضرورى عشان ااقدر ابطل جوازك من اللى اسمه فهمى

..هنكتب كتابنا بتاريخ قديم وبكرة تيجى معايا الشهر ال*قارى تعمليلى توكيل عشان ااقدر ارفعلك دعوة بابطال الجواز واتهمه بالتزوير عشان كتبوا كتابك بدون معرفتك وانتى اصلا متجوزة وعلى ذمة راجل

.سارة بذهول .يا نهار اسود هما جوزونى من غير ما اعرف ..طب ما كده ممكن يتهمونى انى متجوزة اتنين مع بعض ويودونى فى داهية

.. وانا بياع كفته قدامك متخافيش انا هتصرف معاهم ..المهم انتى موافقة على الجواز ولا عندك اعتراض

معقول اعترض يا

زياد .ده اليوم اللى كل بتمناه من زمان

...

زياد مقاطعا بنبرة حازمة ..زى ماقلتلك الجواز هيبقى مجرد حبرعلى ورق ولفترة معينة وفى السر كمان فبلاش تعشمى نفسك وتحلمى احلام مش هتحصل فهمانى ..

اومات بحزن ..فاهمة

زياد لنفسه ..زمان كنت بتمنالك الرضى ترضى يا سارة ورفضتينى بكل قسوة ودلوقتى عشان غنى وهحققلك اللى انتى عايزاه وافقتى تتجوزينى حتى لو فى السر اد ايه انتى حقيرة

رغم تحذيره واسلوبه الجاف معها ولكنها كانت تشعر بالسعادة فاخيرا اسمها سوف يرتبط باسمه وهى ستستغل هذه الفرصة جيدا و ستحاول بكل جهدها ان ت**به و تكتسب ثقته مجددا مهما كلفها الامر ويكفيها الان انه لم يتخلى عنها ويحاول حمايتها ومساعدتها بشتى الطرق رغم ما فعلته معه بالماضى فهو كما عهدته دائما رجل شهم لا يتخلى ابدا عن احد يحتاج اليه

..بارك الله لكما وبارك عليكما وجمع بينكم فى خير

(لولولى باركولى جوزت البنات )

__________________

ايه احلى مشهد كان فى حلقة النهاردة

ايه اكتر شخصية حبتوها لغاية دلوقتى؛ توقعاتكم للى جاى

....دمتم بخير ?بحبكم ??