بشرى سارة

الشخصيات بشرى وسارة 23 سنة . تواءم متطابق وجه دائرى بشرة بيضاء شعر اسود ناعم عيون زيتونية واسعة سارة محجبة وبشرى لا ولكنها محتشمة بملابسها زياد 32سنة حاصل على ماجستير فى القانون طويل القامة ملامحه حادة ولكن جذابة شهر **تنائي وعيون سوداء . عمر...25 سنة طول فارع قوى البنيان وسيم قمحى البشرة اكرم 32 صديق زياد منذ الطفولة وهو محامى ايضا متوسط الطول وسيم بشكل رجولى منة. 27 سنة مقبولة الشكل قصيرة القامة ممتلئة قليلا_بشرة حنطية وعيون بنى غامق ابراهيم ..والد بشرى وسارة فى الخمسينات من عمره .سلبى جدا مع زوجته الثانية التى تزوجها على زوجته الاولى من اجل انجاب ولد ذكر وقد جلبته له بالفعل لتحسن مكانتها لديه وينتهى الامر بطلاق زوجته الاولى وام بناته بشرى وسارة كريمة...والدة بشرى وسارة تزوجت بعد طلاقها من والدهم اكثر من مرة ولكنها لم تنجب مرة اخرى عبلة ..زوجة ابيهم امراءه متسلطة تكره بنت زوجها وتعتبرها نكبة عليها تود التخلص منها وخاصة لجمالها الشديد عايدة... والدة زياد عمرها 52 عام حنونة طيبة ولكن عندما يتعلق الامر بزياد طفلها البكرى وقرة عينها فهى تغار عليه بشدة ولا تتهاون فى حقه المقدمة .. هنا ش*يقتان او بالاحرى تواءم متطابق افترقا منذ الصغر لانفصال والديهم وانهيار اسرتهم الصغيرة فالاب انانى والام مستهترة لتذهب احدهن مع ابيها لتعيش بالقاهرة والاخرى بقيت مع والدتها بالا سكندرية لتواجه كل منهن مصاعب الحياة بمفردها وتعانى من قهر زوجة الاب وعذاب وتسلط زوج الام فهل سيلتقيان مجددا لتكون كل منهما درع وحصن للاخرى؟ بسم الله الرحمن الرحيم وبه نستعين اللهم اعنا على طاعتك وحسن عبادتك (الفصل الاول ) (بشرى سارة) قبل 15 سنة فى ليلة شتاء ممطرة تبرق فيها السماء ويدوى فيها صوت الرعد وكأنها تعترض على ما يحدث الان من تشتت لهذه الاسرة الصغيرة الماذون ..راجعوا نفسكم يا جماعة ان ابغض الحلال عند الله الطلاق .. ام كريمة فكرى لاخر مرة يا حبيبتى وحاولى تديله فرصة تانية حتى عشان خاطر بناتكم ..كلمة مطلقة دى مش سهلة على اى واحدة وكفاية نظرة الناس للست المطلقة ..كريمة بتجهم وحدة اديته فرص كتير ومفيش فايدة ديل الكلب عمره ما يتعدل ...ابراهيم ..لمى نفسك يا كريمة وخلى ليلتك تعدى . انتى ليكى عين تتكلمى كمان مش كفاية مش عايزة تخلفيلى الواد اللى نفسي فيه. ._اهه ابوظ انا صحتى وجسمى عشان واحد جاهل ومتخلف زيك ابراهيم بغضب ..ما تخلصنا يله يا عم الشيخ انت كمان خلينى اغور من هنا . الماذون ..لا حول ولا قوة الا بالله ..ارمى عليها اليمين يا استاذ وتعالى امضيلى هنا _انت طالق يا كريمة ..بالداخل تعانقت الش*يقتان بقوة بشرى وسارة تواءم متطابق عمرهم 7 سنوات سارة ببكاء.يعنى انا خلاص مش هشوفك ولا هشوف بابا تانى ..مسحت بشرى لها دموعها براحة يدها متخافيش يا حبيبتى ا نا مش ممكن ابعد عنك ابدا وهبقى اذن على بابا كتير عشان يخلينى اجى اشوفك انتى وماما .سحب ابراهيم ذراع بشرى من يد سارة المتعلقة بها بشدة بينما جذبت كريمة يد سارة والفتاتان يداهم متعلقتان ببعضهم لا يستطيعان فصلهم حتى اخيرا انتزعاهم من بعضهم والفتاتان تبكيان وتنادى كل واحدة منهم على الاخرى بشرى ....سارة وكانت هذه هى المرة الاخيرة التى تلتقى بها الش*يقتان الوقت الحاضر .المكان..عمارة فخمة باحد احياء الاسكندرية الراقية الزمان ..منتصف الليل ..مسحت يدها من الدماء العالقة بها باشمئزاز بعد ان القت السكين من يدها على الارض وهى ترتعد بخوف ثم لفت وشاحها على وجهها وركضت بكل ما اوتيت من قوة رغم جرحها وادماء التى تتساقط منها بغزارة حتى وصلت الى الطريق العام ذياد..ايوة يا ست الكل انا فى الطريق اهو 10 دقايق واكون عندك -طب خلى بالك من الطريق يا حبيبى ومتسوقش بسرعة حكم انا عارفاك .خلاص بقى يا امى حفظت الوصايا العشر انا هقفل بقى عشان مينفعش اتكلم وانا سايق ..لا اله الا الله ...محمد رسول الله حاولت ان توقف اى سيارة ولكن لم ينتبه لها احد وضعت يدها على جرحها تحاول وقف سيل الدماء التى تدفق من جانبها الايمن بلا جدوى وقد انهكها التعب من الركض حتى اضطرت ان تقف بمنتصف الطريق فى محاولة اخيرة منها لتجبر السيارة القادمة نحوها على التوقف كبح مكابح السيارة فجاه عندما ظهرت له من اللامكان ثم صرخ عليها بحدة ...انتى مجنونة يا ست انتى وسعى من طريقى .ايه البلاوى اللى بتتحدف دى على المسا ..اصبحت الرؤية مشوشة امامها .واستسلمت اخيرا للدوار الذى يض*ب براسها زياد بحدة... ..لو ليكى مزاج تنتحرى روحى انتحرى بعيد عنى انا مش ناقصنى مصايب . .فجاه سقطت امامه على الارض فترجل من السيارة بسرعة وعندما اقترب منها ونظر الى وجهها اتسعت عيناه بصدمة وردد بذهول سارة معقول؟ ___________ _زحف على بطنه حتى باب الشقة الذى اغلقه بالمفتاح منذ قليل ممنيا نفسه بليلة عشق مع صغيرته الحسناء انتهت بمأساه و قد كانت تركته مفتوح بعدما اخذت المفتاح من جيب سترته وهوممدد على الارض خرج الى الخارج وبصوت ضعيف طلب المساعدة ..ساع دونى.. ساعدووونى حتى بالاخير فقد وعيه وماهى الا لحظات حتى تجمع كل من بالعمارة على صراخ المراءه المسنة حين رأت جسد فهمى الملقى على الارض بلا حراك والدماء تضرج منه ..الحقونا .قتيل قتيل ..على الفور اتصل مالك ال*قار بالشرطة والاسعاف التى نقلته الى المستشفى بعد محاولة اسعافه التى نجحت فى عودة النبض اليه _____________ حملها زياد الى السيارة وهو ينظر الى الدماء التى تتساقط منها بهلع ثم وضعها بالمقعد الخلفى و التفت ليجلس مكانه خلف عجلة القيادة بسرعة وهو يردد _متخافيش ياسارة دقايق وهنكون فى المستشفى جاءه صوتها الضعيف لأ.... ارجوك ...مستشفى ..لأ مستشفى لأ ثم غابت فى عالم اخر ________________ مستشفى النور للأمراض النفسية والعصبية ممرضة تهانى. الحق يا دكتور.شبراوى عمر جتله النوبة ومحدش قادر عليه ونازل ت**ير فى كل حاجة ركض سريعا الى غرفته وهو يامرها .. جهزى حقنة عمر بسرعة وزودى فيها الجرعة وابعتى حد ينده كرم وبسيونى وخليهم يحصلونى ..زمجر عمر بغضب وهو يرفع المنضدة ويلقيها عليهم ولا احد يتجرأ على الاقتراب منه ...اقترب منه شبراوى بحذر ..طب اهدى بس وانا هعملك اللى انت عايزه ..اشار لتهانى ان تقترب بحذر لتعطيه الحقنة المهدئة ولكنه لمحها ونظر اليها بشرر فتقهقرت الى الخلف بهلع وهى تمد لها يدها بالحقنة ليأخذها منها ثم القاها على الارض ثم امسكها ورفعها للاعلى وكأنها ريشه لاوزن لها و القاها على شبراوى ليقعا الاثنين فوق بعضهم على الارض ثم انخفض بجذعه وامسك شبراوى من عنقه ورفعه من على الارض وضغط على عنقه بقوة حتى كادت ان تزهق روحه وفى تلك اللحظة دخل كرم وبسيونى وكبلوه من الخلف وهو يزمجر ويصيح بغضب _هموتكم ..هموتكم ..شبراوى وهو يضع يده على عنقه ويسعل بقوة يخربيتك جايب الصحة دى كلها منين _ كتفوه وخدوه على اوضة الكهربا بسرعة .واوعوا يفلت منكم ..صرخ عمر بعلو صوته ..لأ كهربا لأ ..كهربا لأ ______________ نظر اليها نظرات خاطفة وهو يقود السيارة لقد تغيرت كثيرا عن الماضى صارت ملامحها اكثر نضجا و لكن نحف جسدها اكثر وشحب لونها حتى شفاهها التى كانت تضج بالدماء اصبحت مائلة للزرقة كمن هم يدخنون بشراهة رجح ذلك لربما لكمية الدماء التى فقدتها .شعر بالشفقة لاجلها ثم نعت نفسه على ذلك ا.نت غبى يا زياد انت ناسي هى عملت فيك ايه دى كلبه حقيرة واللهى لولا الظرف اللى هى فيه ماكنت سامحتلها تركب عربيتى مرة تانية ولا حتى كنت بصيت فى وشها تململت فى نومها فسقط وشاح راسها حتى كتفيها فصدم من منظر الجرح الغائر بوجهها والذى يمتد حتى منتصف عنقها .._ايه الجروح اللى فى وشها دى . نظر اليها بكره قبل ان يستطرد .الظاهر انى حكايتك حكاية يا سارة هانم توقفت السيارة امام عيادة تابعة لاحد اصدقائه واستغرب نفسه انه قد استمع اليها ولم يذهب للمستشفى ولكنه اقنع نفسه انه فعل ذلك حتى لا يدخل نفسه فى استجوابات واسئلة لا يملك الرد عليها حاليا د .نادر ...مين دى يا زياد ؟ لاقيتها فين ؟وايه الدم ده ؟ _مش وقت اسئلتك يا نادر _اكشف عليها الاول وشوف مالها وبعدين ابقى حقق معايا بعد فترة عاد اليه نادر وهو يصرخ البنت فقدت دم كتير يا زياد ولازم ننقلها المستشفى بسرعة والا ممكن تضيع مننا ..هى فصيلتها ايه ردت الممرضة A زياد ..طيب انا فصيلتى Oسلبى يعنى بدى الكل تقدر تاخد منى الدم اللى انت عايزة .اشار نادر للممرضة ان تاخذه ..طب اتفضل حضرتك معايا استطاع نادر ان يسعفها وقام بتخييط الجرح وتعقيمه لها ثم وضعت لها الممرضة بذراعها المحلول المغذى ركض عليه زياد ..طمنى عليها ؟ هى كويسة ..الحمد لله الجرح مش غويط اوى انا خيطهولها وضمدته وحطيتلها مسكن ومضاد حيوى فى المحلول وهتفضل نايمة للصبح ..تن*د زياد براحة ..الحمد لله ..جذبه نادر من ذراعه ممكن بقى تيجى تفهمنى ايه الحكاية ..البنت مضروبة بسكينة فى جنبها وممكن تجر وراها بلاوى علينا ...تخللت يده خصلات شعره الكثيف .انا معرفش حاجة يا نادر بمجرد ما وقعت قدامى جبتها على هنا لما تصحى ان شاء الله ابقى استجوبها براحتك ومتخافش لو حصل حاجة انا متحمل المسؤولية كاملة .._________________ صباح يوم جديد بمكان اخر وبالتحديد (القاهرة) فى حى شعبى بمنطقة القلعة الشهيرة سطعت شمس يوم جديد مشرقة للبعض وملبدة بالغيوم على البعض الاخر ومنهم بطلتنا بشرى التى استيقظت من نومها فزعة بعد ان القت عبلة( زوجة ابيها )كوب من الماء البارد على وجهها ..احححح ..فى ايه يا طنط حد يصحى حد بالطريقة دى ..قومى فزى ناموسيتك كحلى ولا ايه انتى ناسية ان فى عريس جاى لمنة النهاردة ولازم البيت يبقى على زنجة عشرة تطلعت سارة على ساعة الهاتف الموضوع على الكومود بجانبها ..الساعة لسه تسعة يا طنط والناس هتيجى 7بالليل جذبتها عبلة من ملابسهاوبدأت فى جرها امامها ..انتى كمان لسه هتردى عليا وتقاوحينى اخلصى يله وقومى حضرى الفطار لابوكى واخواتك وبعدين ابقى نضفى الشقة وامسحيها وبعد ما تخلصى طلعى المفارش الجديدة من الدولاب وافرشيها كلها ورشى معطر جو انا راحة السوق دلوقتى وعايزة لما ارجع الاقيكى خلصتى وكل حاجة تمام .فاهمة اومات لها براسها وهى تتن*د حاضر يا طنط وفى نفسها..ربنا يتوب علينا من العيشة دى .. ____________________ اخذ يتأمل وجهها البرئ التى يبدو عليه ملامح القلق حتى وهى نائمة وذراعها الموصل بالمحلول بجانبها وهو يتن*د بعمق و يتسائل بينه وبين نفسه كيف تكون ملامحها بتلك البراءة بالرغم من قساوة قلبها _مد يده ليتلمس وجهها النائم وبشرتها الناعمة .ثم اخذ يقترب منها رويدا رويدا ليقتطف منها قبلة فربما لن تسنح له الفرصة مرة اخرى ليفعل ذلك وقبل ان يلتقط شفاهها استيقظت فجأه وقد اتسعت عينيها بصدمة وحينها استيقظ هو من نومه بهلع ووجد نفسه مستلقى على الكرسي بجانبها كما هو منذ ليلة امس بينما هى مازالت على حالها ولم تفق بعد ..دخلت الممرضة لتطمئن عليها صباح الخير زياد _ صباح النور.اشار على سارة هى هتفضل نايمة كده كتير .. اومات له برأسها جسمها شكله مرهق اوى ويمكن تكون منامتش بقالها فترة..بس اطمن حضرتك هى وظائفها الحيوية بقت كويسة ومسالة وقت وهتفوق. ان شاء الله اتفضل حضرتك شوف شغلك وانا هفضل جنبها ..حمل جاكيته من على ظهر الكرسي ثم اخرج منه كارت واعطاه لها _ده الكارت بتاعى فيه كل نمر تليفوناتى لو حصل حاجة او فاقت كلمينى ارفق كلامه بمبلغ من المال واعطاه لها خاللى بالك منها مش هوصيكى عليها الممرضة بابتسامة من المبلغ الذى وضعه بيدها _اطمن حضرتك انا هحطها فى عينيا ارتدى جاكيته ثم القى عليها نظرة اخيرة وذهب . ____________ ابراهيم ..الساعة بقيت 6.5 بنتك فين يا هانم والعريس هو واهله خلاص على وصول ..الغايب حجته معاه ياحبيبى يمكن البيوتى سنتر كان زحمة ولا حاجة ..وكان لازمته ايه الهباب ده هى كانت هتجوز دى كله مقابلة تعارف ولا هو زيادة مصاريف وخلاص ..يا اخويا ما البنات كلها بتعمل كده هى جت عليها خليها تفرح وتتبسط ..طب والبيه ابنك مش المفروض يبقى واقف جنبى فى يوم زى ده هيفضل صايع ومستهتر كده لحد امتى ..يا اخويا الواد لسه صغير خليه يفرح وينبسط مع صحابه وانت فى وسطينا ربنا يخليك لينا ويديم علينا حسك فى الدنيا رن جرس الباب اهى منة جت اهى ذهبت بشرى لتفتح الباب ..عبلة..استنى انتى انا هفتح روحى انتى لمى الغسيل وطبقيه واياكى اشوف خيالك برة والعريس هنا انتى فاهمة ملحوظة. عبلة كانت تغير على ابنتها من بشرى لانها جميلة جدا وذات بشرة بيضاء صافية بينما ابنتها ذات بشرة داكنة وجمال عادى ووجهها مغطى بحبوب الشباب لذلك كانت تتعمد اخفائها عن الناس وحبسها دائما بالمنزل حتى لا توقف حال ابنتها كما تظن وبالكاد سمحت لها ان تنهى دراستها الاعدادية رغم تفوقها بالدراسة معللة لوالدها انها جميلة وجسدها يوحى بانها اكبر من عمرها وستكون مطمع للشباب والافضل لها ان تبقى حبيسة المنزل الى ان يأتيها ابن الحلال الذى يقدرها ويصونها و حتى لا تسول لها نفسها ان تقدم على فعل مشين يسبب له العار دخلت منة وهى تتخايل ..ايه رايك يا ماما قمر يا حبيبة ماما. والفستان هياكل منك حته ..كانت ترتدى فستان موف يلتصق بجسدها وكانه جلد اخر لها خلاف فتحة الص*ر السافرة التى اظهرت مقدمة ص*رها والكثير من مساحيق التجميل وكريم الاساس الذى جعل وجهها يبدو كمان اخذ ت وش دهان بوية ? ... توقفت عربة التا**ي امام باب العمارة وترجل منها رجلين وامراءة احدهم شاب فى بداية الثلاثينات من عمره والاخر فى الخمسين من عمره وهو نفس عمر المراءة تقريبا ..تسمر الشاب مكانه عندما لمح بشرى وهى تجمع الثياب من الشرفة و رغم ملابسها الرثة اثر اعمال المنزل وشعرها الاشعث التى جمعته على هيئة ديل حصان تناثرت بعض خصلاته السوداء الناعمة بتمرد على وجهها المستدير كانت تبدو بمظهر طبيعى جذاب جعله لا يستطيع ان يخفض بصره من عليها _______________ (بشرى سارة) بقلم امانى عمر . استقبل ابراهيم وعبلة العريس وعائلته بحفاوة ثم ادخلوهم الى غرفة الصالون دخلت منة وهى تتخايل وتحمل بيدها صينية موضوع عليها بعض الحلوى والعصائر ..عبلة ..خشى يا حبيبة ماما وقدمى لحماتك الاول انتفض العريس فجأه من مكانه ثانية واحده هى حضرتها تبقى العروسة ..ابراهيم باستغراب..ايوة يابنى هو فى ايه؟ .طب بعد اذنك ياعمى هو حضرتك عندك بنت تانية؟ ابراهيم ..ايوة بنتى بشرى . ممكن اشوفها ؟ نظر كل من ابراهيم وعبلة لبعضهم البعض باستغراب بينما لكزته والدته .بتسال على اختها ليه ؟ .استنى بس يا ماما ..استطرد العريس .بصراحة انا شوفت بنت وانا طالع فى البلكونة بتاعتكم وحسيت ان هى دى البنت اللى كنت بدور عليها من زمان وبعد اذنكم وموافقتكم طبعا هى دى اللى عايز اخطبها خرجت منة من الغرفة وهى تبكى بقهر ثم ركضت على غرفتها نادت عليها بشرى...منة....منة زغرتها منة بحدة ولم تجيبها مبترديش عليا ليه؟ فى ايه مالك؟ .نظرت اليها منه بكره وغيظ ثم اغلقت باب الغرفة بقوة فى وجهها _استغفر الله العظيم يارب مالها دى ؟ بالداخل عبلة بغضب عارم وصوت حاد _ايه قلة الذوق دى انتوا جايين تهذروا وتلعبوا بمشاعر بنات الناس ولا جايين تنقوا خضار وبلاها نادية خد سوسو..اما ناس قليلة ذوق صحيح اابراهيم..اهدى يا ام تميم الناس فى بيتنا ثم نظر الى والد العريس هو جرى ايه ياحاج نعمان انت مش مكلمنى فى الشغل على اساس بنتى الكبيرة منة اخفض نعمان وجهه بخجل بعد ان رمق ابنه بنظرة لوم .بابا ملوش علاقة يا جماعة احنا فعلا كنا جاىين على السيرة وكنت عايز اى عروسة من بيت واصل طيب عشان اتجوز بسرعة واخدها معايا وانا راجع شغلى فى الكويت بس بصراحة لما شوفت بنت حضرتك التانية اتشددت ليها ومكنتش قادر اشيل عينى من عليها ...والد العريس بخجل من الموقف الذى وضعه به ابنه ..احنا اسفين واللهى يا جماعة الظاهر انه حصل سوء تفاهم بس اكيد مش مقصود ..قاطعه ابراهيم بلهجة حازمة .. لو سمحتوا دلوقتوا تتفضلوا وانا ان شاء الله هفكر فى طلبكم واشاور اهل بيتى وابقى ارد عليكم ..بعد ان ذهبوا انفجرت عبلة فى وجه زوجها ..يعنى ايه هتفكر فى طلبهم وترد عليهم ده بدل ما تطردهم قللات الذوق دول استطرد ببكاء مصتنع ولا انتوا عايزين تقهروا بنتى وتدى العريس بتاعها لبنتك ولا كمنها مش بنتك يعنى واللهى العظيم لو ده حصل يا ابراهيم لاخد ابنى وامشى ومش هتعرفلنا طريق جرة ابراهيم بحدة ...عبلة بلاش غضبك يخليكى تقولى كلام تندمى عليه بعدين.وانتى عارفة كويس اوى انى عمرى ما فرقت بين بنتك و بنتى واطمنى ياختى انا عمرى اصلا ما هجوز البنت الصغيرة قبل الكبيرة عبلة بكره _كله من مقصوفة الرقبة ركضت بغل الى غرفة بشرى وامسكتها من شعرها ..بشرى بفزع والم ..فى ايه يا طنط هو انا عملت ايه ..ركض ابراهيم خلفها وفك خصلات بشرى من بين يديها ..انتى اتجننتى يا عبلة بتض*بى البت وانا واقف .ممكن تقوليلى هى ذنبها ايه اصلا فى اللى حصل ده عشان تطلعى غيظك فيها .ماهى اللى واقفة تتقصع فى البلكونات واكيد قاصدة انها تلفت نظر العريس ماهى مابتقبلنيش لا انا ولا بنتى ثم تصنعت البكاء ابراهيم..لاحول ولا قوة الا بالله. انتى اللى يريحك ايه دلوقتى اننا نرفض العريس حاضر هتصل بابوه واقوله طلبك مرفوض وكل شئ قسمة ونصيب ممكن تهدى بقى تركتهم عبلة بوجه يشع بالغضب والغيظ وصفقت الباب خلفها بغضب ..معلش يا بنتى متزعليش منها هى بس اتضايقت عشان خاطر بنتها . سارة ببراءة .هو ايه اللى حصل مع العريس ؟ ده حتى منة خرجت من جوا منهارة وناديت عليها مرديتش عليا ._مفيش يا حبيبتى روحى انتى بس اعمليلها كوباية ليمون تهديها اخرج من جيبه كيس صغير يحتوى على بودرة بيضاء ومد يده به الى تميم ..تميم.. يخربيتك صدق اللى سماك حمادة المجنون لا يا عم انا مليش فى الصنف ده ..انا اخرى البانجو على قد دماغى وجيبى وتبقى كده ميت فل واربعتشر تميم..ش*يق منه وبشرى الاصغر عمره 19 سنة وبيعيد الثانوية العامة للمرة التانية .(يعنى فاشل وصايع?) حمادة.اسمع كلامى بس متبقاش جبان ده مزاج تانى خالص و هيخليك فى السما ومتخافش حسابك عندى ..عبده.بسخرية .ما بلاش تميم يا حماده ده لسه صغير ومش قد الصنف ده الصنف ده للرجالة اللى بجد مش النونو اللى لسه بياخد مصروف من بابا وماما ..خ*ف منه تميم الكيس وانا راجل وهوريك بس هو بيتاخد ازاى عبده ...ههههه هههه مش بقولك نونو ..تحطه كده على ايدك يا حيلتها وتقفل فتحة من مناخيرك وتشد بالتانية نفذ امامه عملى .واستنشق المسحوق كده يا صغنن.ثم ارتخى فى كىسيه بمتعة ..يا لهو بالى ده حاجة جنان اوى تحمس تميم برغم بعض الخوف الظاهر على وجهه فوكزه حماده ليقضى على ماتبقى من تردد بداخله .خد ومتع نفسك دى الدنيا فانية ولازم ننبسط وناخد منها كل اللى نقدر عليه قبل ما تضيع من ايدينا ونتحسر عليها .اخذ منه تميم المسحوق اخيرا و.فعل مثل ما فعلوا ليضع قدمه على اول طريق الرجوع منه شبه مستحيل _____________________ ذهبت عبلة لتشكى همها الى جارتها وصديقتها ام حسن ..شوفتى البت الكهينة عايزه تقهر بنتى وتتجوز قبلها ..وعملالى فيها قدام ابوها بريئة ومتعرفش حاجة وهى ماية من تحت تبن . استطردت بغيظ _.اه يانارى اعمل فيها ايه اكتر من كده حبساها فى البيت ومبنزلهاش حتى تشترى حاجة ومع ذلك واقفة حال بنتى مفيش غير انى اموتها واخلص منها ..طب واللى تخلصك منها؟ عبلة بحماس .ايدى على كتفك ياختى .ازاى ؟ انا ليا ابن عمى مكلمنى بقاله فترة على عروسة لابنه وانا شايفه ان بشرى قاطعتها عبلة بسخط ..اخص عليكى يا ام حسن بقى انا بقولك ايه وانتى بتقولى ايه ده بدل ما تقولى اجيبه لمنة تقوليلى بشرى مكنش العشم .. ياولية اسمعى بس وبلاش تتسربعى كده وانتى فاكراه عريس زى بقيت العرسان _امال ايه ياختى ؟ اسمعينى بس للاخر وانتى هتفهمى ..فهمينى يا اختى ؟ الاول خدى صورته اهى وريها لبشرى اكيد هطير بيه من الفرح .نظرت عبلة للصورة وشهقت بغيظ ..ده عريس زى القمر يا ام حسن اخص عليكى وتقوليلى هتفهمينى هتفهمينى ايه ياختى ؟ ام حسن بضحك وتهكم ..ههههه هو وسيم صحيح بس بنص عقل .وبيتعالج فى مصحة نفسية اديله يجى 12 سنة _مجنون يعنى ؟ -مش بس مجنون لا وايه عنده ميل شديد للعنف يعنى قليل اما موتها وخلص عليها فى ليلة الدخلة وهتبقى جت منه وانزاحت من طريقك ..ابتسمت عبلة بشر ..يبقى ربنا يتمم بخير _____________________