بشرى سارة

الفصل الثانى (بشرى سارة)

بسم الله الرحمن الرحيم وبه نستعين

الفصل الثانى (بشرى سارة)

عيادة دنادر

د.نادر..حمدالله على السلامة كل ده نوم بقالك يومين نايمة خضتينى عليكى

سارة بتململ ..انا فين؟ انت مين؟

انا دكتور نادر ودى عيادتى كان فى طعنه فى بطنك باله حادة وانا عالجتك

بدات تتذكر ماحدث معها فنهضت بفزع ولكن منعتها يدها المعلقة فى المحلول

..ااه

.. ثبتها نادر مرةاخرى

متتحركيش من مكانك عشان جرحك ما يفتحش تانى

.سارة.ممكن اسالك سؤال

اتفضلى

..مين اللى جابنى هنا ؟

واحد صاحبى اسمه زياد بيقول انك وقعتى قدام عربيته

....اذن لم تكن تتخيل كان هو فعلا مابين كل هؤلاء الناس اختار القدر ان تقع امام سيارته هو

نادر..ممكن انا بقى اسالك سؤال يااا

الا انتى اسمك ايه صحيح

..سارة

.ايه اللى حصلك ياسارة ومين عمل فيكى كده

..اخفضت راسها وبكت بحرقة

.خلاص خلاص لو مش عايزة تتكلمى بر احتك انا مقصدتش ابدا انى اضايقك

رفعت راسها ونظرت اليه بامتنان..متشكرة اوى يا دكتور على اللى انت عملته معايا

..بتشكرينى على ايه بس ده شغلى وعلى فكرة الجرح اللى فى وشك ده سهل اوى يتعمله عمليه تجميل ويدارى خالص

..بجد يا دكتور

..اه طبعا بجد هو واضح انه اتخيط بطريقة غلط واللى عمله شخص مش محترف لو كان اتعالج من الاول صح مكنش هيبقى واضح كده

تذكرت سارة حلاق الصحة الذى جلبه لها زوج والدتها لمعالجة جرحها حتى لا يفتضح امره وتن*دت باسى

وصل زياد ثم وقف امام غرفتها يستمع لحديثهم من الخارج

..تسمحيلى اشوفه

رفعت حجابها قليلا وهى تومابراسها

..فنهض وتفحصه عن قرب هو من قد ايه؟

..تقريبا سنة .

..سرح فى جمال عينيها الزيتونى وهو يردف

..انا شايف انك زى القمر حتى مع الجرح اللى فى وشك ده ؛استطرد بمزاح

انا رايى تسيبيه يغزى العين

ابتسمت سارة ضاحكة

...ياخبر ابيض لأ ده انا اسير الضحكة الحلوة دى ايوة كده خلى وشك يضحك ع طول وبلاش التكشيرة دى

.دخل عليهم زياد دون ان يطرق الباب والشرر يتطاير من عينيه و علامات الغضب جليه على وجهه مما ارعبهم الاثنان معا

..د.نادر ..طب استاذن انا واسيبكم لوحدكم

نظر لها بقسوة وهو يردد باتهام

. .ايه خلاص مش قادرة تمسكى نفسك لغاية ما تخرجى من هنا ..

ما صدقتى فوقتى عشان ترجعى لمواهبك القديمة وتصطادى زبون جديد .بس احب اوضحلك حاجة نادر مش غنى اوى زى ما انتى فاكرة .

..لمعت الدموع فى عينيها لاتهاماته الموجعة لكرامتها فادارت وجهها عنها حتى لا يرى دموعها التى تهدد بالسقوط ولاذت بال**ت وكأنها قد فقدت النطق

..خرستى يعنى ايه معندكيش حاجة تقوليها على العموم الموضوع ده ميهمنيش انتى حرة فى نفسك

..اللى يهمنى انى اعرف حكايتك استطرد بتهكم والصدفة السعيدة اللى رمتك فى طريقى من تانى

ردت بتلعثم ..انا ان ا .انا

..صرخ عليها بحدة

انا انا انا انتى ايه ما تنطقى مين جرحك الجرح ده

وليه مكنتيش عايزانى اخدك المستشفى .فى ايه وراكى

..حاولت ان تتماسك امامه برغم الرهبة التى باتت تشعرها نحوه

اجابته وهى تبتلع ريقها بخوف

..مفيش حاجة حصلت كل الحكاية انى كنت بقطع حتةلحمة وسرحت شوية فجرحت نفسي من غير ما احس

..زياد بسخرية

..قولى والله _ثم صرخ عليها بقسوة

.انتى فاكرانى عيل صغير هتاكليه بكلمتين فوقى لنفسك يا ماما زياد الع**ط بتاع زمان اللى كنتى بتضحكى عليه بكلمتين خلاص راح .انتهى

اخيرا اطلقت سراح الدموع التى كانت تحتبسها بمقلتيها وشهقاتها تغرس بنياط قلبه رغما عنه

زياد بحدة ..بطلى عياط _مسحت دموعها بطرف كمها

.للأسف انا مضطر امشى دلوقتى عشان عندى جلسة محكمة .اردف وهو يرفع اصبع تحزيرية بوجهها

بس اعملى حسابك ان كلامنا لسه مخلصش وياريت تفكريلك فى كلام مقنع اكتر المرة الجاية

من الهبل اللى قلتيه من شويه او تجربى مرة من نفسك تقولى الحقيقة

..تركها ورحل بينما هى تمدد على ظهرها تنظر الى سقف الغرفة وتعود بذاكراتها الى ما قبل 5 سنوات

..فلاش باك

خرجت من مدرستها تتلفت حولها حتى رات زياد وهو يستند على عربته التا**ي و يشير اليها

زياد ..صباح الورد على الورد.اعطاها قالب الشوكولاتة كادبورى التى تعود ان يجلبها لها كل يوم منذ علم انها تعشقها .

..صباح النور يا حبيبى ..ربنا يخليك ليا

..ويخليكى ليا يا قلبى

عملك مفاجاه

...بجد ايه هى ؟

..ولو قلتلك عليها هتبقى مفاجاه ازاى

بعد قليل وصل بها الى مكان على ساحل البحر

..اتفضلى يا اميرتى

..ايه ده ؟ هتودينى فين..؟

مش قلتيلى انك نفسك تركبى مركب معايا ونتغدا اكلة جمبري حلوة فى وسط البحر

بشرى بضحك .ايوه.عليك يا زياد بموت فيك انا

ربنا يخليك ليا ياحبيبى عمرك ما نسيت حاجة

بتطلبها منك

زياد بنظرات عاشق ولهان ...معقول انسي ؟.دى طلبات حبيبى واحلامها اوامر بالنسبالى

سارة بسعادة وهى تفرد دراعتها وتستنشق الهواء العليل .. الجو النهاردة تحفة اوى

اشار زياد الى المراكبى ليجهز المكان من ماكولات ومشروبات

..الف هنا وشفا يا بيه

..اخرج له زياد بعض المال من جيبه

طير انت بقى وانا نصية كده وهنرجعلك بالمركب

..تحت امرك يا بيه

كشف الغطاء عن الطعام

سارة.وايه ده كمان

عصير المانجة اللى بتحبيه

..يااا ده ايه الرضا والدلع ده كله خلى بقالك بعدين اتعود على الدلع واتعبك بعدين

زياد وهو يتلمس انفها بمشا**ة

.اتدلع براحتك يا صغنن على قلبى زى العسل . يلة بقى اقعدى كلى قبل ما الاكل يبرد

اخذ كل منهما يطعم الاخر فى جو ملئ بالبهجة والمرح قطعته سارة حين قالت

مش ناوى تفكك من شغله سواق التا**ي دى بقى يا زياد معقول واحد زيك معاه ماجستير فى القانون ويشتغل سواق على تا**ي

كشر زياد وترك الطعام من يده

... لو سمحتى يا سارة بلاش نتكلم فى الموضوع ده تانى انا ياستى مبحبش اشتغل عند حد يستغلنى وفى الاخر يضيع تعبى ومجهودى وينسبه لنفسه

..طب بلاش دى ناوى تيجى تخطبنى امتى

انت عارف انى دى اخر سنة ليا فى المدرسة وبعديها هاخد الدبلوم وجوز امى هيحبسنى فى البيت ويعد عليا النفس ومش هعرف اشوفك زى الاول ومتقوليش اقعد عندكم فى بيتكم

..انا عايزة شقة ليا لوحدى بكفيانى تعب ومرمطة بقى

.حبيبتى انا مستعد اجى اطلبك النهاردة لو تحبى واذا كان على قعدتك عندنا فى البيت دى هتبقى فترة مؤقتة بس على ما استلم الشقة بتاعتى من المحافظة

_موت يا حمار

.طب عايزانى اعمل ايه فى ايدى ايه اعمله ومعملتوش بشتغل ورديتين على التا**ى ده غير شغل النقاشة اللى بطلعه كل فترة والتانية ومش ملاحق

سارة بعصبية..

ماهو طول مانت مضيع فلوسك على مصاريف جامعة اخوك وجهاز اختك ومرض الست الوالدة احنا عمرنا ما هنشوف جواز

..كشر بغضب تانى يا سارة هترجعى تتكلمى فى الموضوع تانى ..

رفع اصبعه بتحذير

سارة دول اهلى وعيلتى وانا الاخ الكبير اللى ابويا الله يرحمه امنلى عليهم يعنى مسؤولين منى وليهم حق عليا زيك بالظبط .. وربنا بيكرمنى ويسترها معايا بدعائهم وعشانهم ..ياريت يا حبيبتى تعينينى وتحسي بيا بدل ما ت**رى مجاديفى وتحسسينى بالعجز كل شوية كده صدقينى انا لو بايدى كنت اجيبلك نجوم السما وافرشهم تحت رجليكى بس شوية صبر

.

سارة بامتعاض..تعرف يا زياد انت اكتر حد طيب و حنين انا شوفته فى حياتى لدرجة انك ممكن تضحى بنفسك عشان غيرك وده عيبك

زياد باستنكار....انتى شايفة ان ده عيب ؟

طبعا عيب ..لازم تهتم بزياد ..واللى عايزه زياد وبعد

كده اى حد واى حاجة تانية

لم تكن تدرك او تهتم بماهية العائلة واهميتها فى حياة اى شخص وهى التى كبرت وهى تشعر بالسخط والنفور من عائلتها فقد تركها والدها ولم يسأل عنها بعدها اما والدتها ف*نقلت من زوج لاخر وركضت وراء انا نيتها ولم يهمها مشاعر ابنتها ولم تلتفت لاعتراضها ابدا _ لم يهتم لها احد وهى الاخرى لن تهتم لاحد سوى نفسها وليحترق العالم بعد ذلك لا يعنيها

مسحت دمعة فرت من عينيها عندما تذكرت ذلك الشخص الوضيع الذى دمر حياتها

..لقد ابدلت الغالى بالرخيص وفور ان اخبرتها صديقتها سلوى عن عودة اخيها حازم من الخليج وعن المستوى المادى الذى اصبح فيه واخذت تثنى على سيارته الفارهة وشقته الفاخرة الكاملة من مجاميعه ورات نظرات الاعجاب لها فى عينيه وقد شعر هو ايضا بسعادتها وهى تتلقى هداياه الثمينةبدون ادنى اعتراض منها _بعدها اغلقت جميع الابواب فى وجه زياد غيرت رقم هاتفها وحظرته من كافة وسائل التواصل الاجتماعى بعد ان ارسلت اليه رسالة واضحة انها لم تعد تريده وانها ارتبطت بشخص اخر

..ضحكت بسخرية عندما تذكرت بلاهتها وسذاجتها وهى تنتظر ان

يهاتفها حازم كل ليلة ويثى عليها وعلى جمالها حتى استمالها تماما واصبحت لا تستطيع النوم الا بعد سماع صوته لقد شغلها ايام وليالى بمكالماته الليلية وبعدها لفظها وكانها مريضة بمرض معدى من اجل فتاة اخرى قبل زفافهم بليلة واسقاها من نفس الكاس الذى اسقته لزياد ولكنها تستحق فمن يرخص نفسه لمن يدفع اكثر لا يجد من يعزه هى استبدلت المحبة والحنان بالمال استبدلت الافعال بالاقوال والكلمات المعسولة الكاذبة ولعل ما يحدث لها الان هو عقاب من الله لها ولكنها لا تجد الان سوى دموعها لتذرفها والصبر على ماهى فيه حتى يقضى الله امرا كان مفعولا

_________________

منة بانبهار_صورة مين دى يا ماما

ده عريس للمزغودة اللى اسمها بشرى

شهقت منة باستنكار

يالهوى يا ماما بقى جايبة الواد المز ده للبت المعفنة دى ثم استطردت ببكاء ما انا مفيش حد بيفكر فيا ولا بيعملى قيمة حتى امى طلعت زيهم

قهقهت عبلة ضاحكة

_اصلك متعرفيش حاجة .العريس المز اللى بتقولى عليه ده يا روح امك عنده تخلف عقلى وبيتعالج فى مستشفى المجانين ومش كده وبس ده عنده ميل للعنف بس يا عينى حيلة ابوه ونفسه يشوفله حتة عيل قبل ما يموت

ابتسمت منة بشماتة_يا لهوى عليكى يا ماما وعلى دماغك طب وده هيعرف يتجوز

يعرف بقى ولا ما يعرفش المهم اننا نخلص من مقصوفة الرقبة دى اللى واقفة حالك

وهى هتوافق؟

م**صت عبلة شفتيها بتهكم..وهى دى بنى ادمة وليها راى كمان تقول اه او لا بس متخافيش انا متاكده انها هتوافق على الاقل عشان تخلص من المر اللى بشربهولها والعلق اللى بديهالها كل يوم والتانى

_طب وبابا هتقوليله ايه ماهو اكيد اما يشوف العريس هيعرف انه مش طبيعى

..لا متخافيش .سيبى الموضوع ده عليا وانا هتفق مع خالتك ام حسن وابوه على كل حاجة

_____

..