بشرى سارة

الفصل السادس عشر

الفصل السادس عشر

نهض .زياد بقلق بالغ.وذهب مهرولا ليوافيهم بالمشفى

وحين وصل راى الجميع يقفون بالخارج بقلق فى انتظار خروج الطبيب

ما ان لمحه فارس حتى انقض عليه وامسكه من تلابيبه واخذ يصرخ فى وجهه

_ايه اللى جابك ؟ جاى عشان تشوف نتيجة عمايلك

انت متستحقهاش عمرك ماحبيتها ولا اهتميت بيها وفى الاخر سبتها قبل فرحها بكام يوم عشان تفضحها وت**رها . لو جرالها حاجة عمرى ما هسامحك

تجاهل زياد عصبيته وحدته معه وتوجه بالسؤال الى والدته

هى عاملة ايه دلوقتى؟

عايدة ببكاء لسه الدكتور مطلعش يطمنا ..ربنا يستر لو جرالها حاجة ؛ مش عارفة هقابل اخويا ازاى فى دار الحق؟

ااقوله ايه ؟ معرفتش احافظ على الامانة اللى سبتهالى. ااقوله ابنى ضيع بنتك

ام منى بسخط ونظرات بغض موجه لزياد _ يقتل القتيل ويمشى فى جنازته

..نيرة ..قتل ايه بس يا مرات خالو بلاش الكلام ده منى بخير و ان شاء الله هتقوم بالسلامة

كان زياد يقف مذهولا مستسلم لهجومهم عليه ولا يبدى اى رد فعل فعذاب ضميره يتاكله فلو كان الامر بيده لارجع عقارب الساعة ولم يكن يفعل بها مافعله

..

.. عند سارة

جهزت سارة الحقائب وهى تبتسم بين الحين والاخر بسعادة متحمسه لرحلتهم الاولى معا

انتظرته لوقت طويل وعندما تاخر هاتفته

..ايوة يا حبيبى اتاخرت ليه انا خلاص جهزت الشنط والمفروض طيارتنا بعد ساعة

زياد باقتضاب..السفر اتلغى يا سارة وكمان يمكن مقدرش اجيلك اليومين الجاين دول

سارة بحزن ليه؟ فى حاجة حصلت؟

..فجاة وقعت عايدة مغشيا عليها

؟ ووقع الهاتف من يد زياد وهو يصرخ بهلع

_امى ..دكتور بسرعة

_______________________

..امسكت بشرى يدها واخرجتها من المطبخ

بتعملى ايه بس ياطنط؟ انا مش قلتلك اقعدى ارتاحى وانا هعمل كل حاجة

.يا بنتى انا مش واخدة على القاعدة دى وقلت اجى اساعدك شوية

..معلش طول ما انا هنا مش هسمحلك تتعبى نفسك وبعدين انا خلصت خلاص وشوية وهجهز السفرة

..يااا ده انتى طلعتى شاطرة اوى مش بس جميلة ياريتك مكنتى متجوزة كنت خطبتك للواد مازن قبل ما حد يخ*فك

بشرى بتهكم..هههه.ااه عشان تولين تقتلنى وتاخد عزايا

خديجة باستغراب ..تولين مين؟

ابتسمت بشرى .لا دى بقه مازن يبقى يحكيلك عنها

ابتسمت خديجة وقد فهمت ما ترمى اليه بشرى

..يعنى مازن بيحب ده يوم المنى يابنتى .بس مين تولين ؟

..تولين دى حتة سكرة واجدع بنت ممكن تعرفيها

خديجة _المهم تبقى بنت اصول ومؤدبة

بشرى _مؤدبة طبعا وبميت راجل كمان وانا متاكده انك لما تشوفيها هتحبيها

..طب ومستنين ايه ما خير البر عاجلة؟ وابنى مازن ما شاء الله جاهز من كله

.ياريت يا طنط .؛ للاسف كانوا متعطلين بسببى مع انى واللهى العظيم عايزة افرح بيهم النهاردة قبل بكرة

..خلاص اول ما مازن يجى هخليه يتصل بابوها وياخد منه .ميعاد

...__________________