بشرى سارة

الفصل السابع

بسم الله الرحمن الرحيم

وبه نستعين

بشرى سارة(الحلقة 7)

..اتصل صلاح ب د _شبراوى وهو فى قمة غضبه وبعد وصله لابأس بها من السب والقذف .

د_شبراوى .اهدى بس وفهمنى فى ايه؟

.. عمر جاتله نوبة وكان هيموتنى انا ومراته ولولا ستر ربنا كان زمانك طالع عليا القرافة الصبح .؛

انت مش قايلى يا زفت انت انه طول ما بياخد الدوا بيبقى هادى والنوبات معدتش بتجيله

..ما انا قلتلك يا صلاح متطلعوش من المستشفى انت اللى **مت ..على العموم انا هزودلك جرعة الدوا اكتر اكيد الجرعة الحالية اتعود عليها ومعدتش بتاثر فيه

.... بكره الصبح تكون عندى وتشوفلك حل معاه فاهم

..حاضر حاضر

.

______________________________

ظل يتقلب بفراشه لا يستطيع النوم يانب نفسه على كلماته القاسية لها ولكن ماذا يفعل فعقله ينبهه دائما الا يضعف تجاهها ويقع فى فخها مرة اخرى؛

وانها من جنت على نفسها بيدها وتستحق هذا واكثر .لكن بعد قليل لم يتحمل وذهب الى غرفتها ليطمئن عليها فلم يجدها

..راحت فين دى ؟

..بحث عنها وبالاخير وجدها تنام على الاريكة بغرفة السفرة كما تركها ومازالت بنفس اللبس ايضا

..نايمة كده ازاى فى عز البرد ده ومن غير غطا كمان

..اقترب منها وجثى على الارض امامها ووجدها تهلوث باسمه فى نومها

..ما تسبنيش يا زياد ...ارجوك سامحنى

ملس على شعرها بحنان .اه لو تعرفى انتى بتعملى فيا ايه يا سارة انا بضيع كل ماببص فى عمق عينيكى الحلوين دول _ الدنيا وانا جنبك بتدور بطريقة تانية ..مش قادر اكرهك ولا عارف اسامحك

..تقلبت فى نومها واقتربت بوجهها من وجهه اكثر حتى صارا يتبادلا الانفاس معا ؛ لفت ذراعها حول رقبته بلا وعى

..فابتلع ريقه بتوتر..الله يخليكى بلاش كده انا على اخرى

. .امتقع وجهها اثناء نومها ووضعت يدها على بطنها تتاوه فى الم._ اااه

زياد بقلق..سارة مالك ؟ نظر الى موضع يدها فلاحظ وجود بعض الدماء

.سارة اصحى .اصحى

.استيقظت بفزع

..فى ايه؟

الجرح بينه اتفتح تانى .حاول رفع ثيابها ليرى الجرح فحاولت هى منعه بحركة ضعيفة من يدها

..ميصحش

_هششش .استرخى متتعبيش نفسك

..رفع الجزء العلوى من ملابسها وهى تنظر الى الجهة الاخرى بخجل

.... الحمد لله طلعت حاجة بسيطة حملها الى غرفته ثم جلب علبة الاسعافات الاولية ونظف لها الجرح وعقمه ثم ضمده لها مرة اخرى..

ثم ردد بنبرة مؤنبة .كل ده عشان المجهود اللى عملتيه النهاردة فى المطبخ مش قلتلك ارتاحى مبتسمعيش الكلام ليه

..تلالات الدموع داخل عينيها ورددت بطفولة وهى تضم شفتيها التى تثيره

..لا ده عشان انت زعلتنى اوى ؛ و سيبتنى لوحدى وطلعت وخليتنى اقعدت اعيط كتير

..استغفر فى سره ..البت دى ناوية تجيب اجلى

..اخذت كفه الضخم ووضعته على قلبها

بص بيدق ازاى ..كل دقه فيه بتنادى باسمك بس انت قلبك حجر مش عايز تسامح رغم انى متاكده انك لسهبتحبنى

.زياد بضعف من قربها .ياسلام وجبتى منين التاكيد ده.

اقتربت منه اكثر تنظر فى عمق عينيه وتبعها هو الاخر كالمغيب يشعر انها تجذبه بداخلها كالمغناطيس

..من عينيك دى اللى بضمنى وتحتوينى كل اما بتبصلى

وضعت كفها الاخر على قلبه

من دقات قلبك اللى بدق بالعنف ده كل ما تكون قريب منى

همست بضعف..خلاص يا زياد انا اتعلمت درسى كنت طفلة وقتها عندى 18 سنة شايفة الدنيا كلها فلوس ومظاهر لكن دلوقتى كبرت وعقلت ولا يمكن هزعلك او اضايقك منى تانى منى . ثم امطرت وجهه بقبلاتها الناعمة الرقيقة _ بحبك اوى والله

.الى هنا ولم يتحمل اكثر اقترب منها ليلتقط قبلته الاولى من هذه الشفاه المثيرة التى طالما حلم ان يقتنصها متغافلا بارادته عن صوت عقله الذى ينهره

لحظات مرت عليهم تنعما فيها بقربهم المحبب لنفسهم حتى رن جرس الهاتف ليفقهم من نشوتهم

..نظر الى هاتفه وانزعج عندما راى اسم المتصل

..خرج من الغرفة وهو يلتقط انفاسه بصعوبة ليفتح الهاتف

..ايوة يا منى فى حاجة حصلت بتتصلى ليه فى نص الليل كده

..ايه م***ع اكلم خطيبى واطمن عليه ..لاقيت مش جايلى نوم قلت اتصل ادردش معاك شوية

..وضع كفه على وجهه يملس عليه بغضب من نفسه فلو لا اتصالها هذا لربما فعل شئ من المؤكد انه كان سيندم عليه لاحقا ..يجب ان يبتعد عنها فوجودها بقربه اصبح يشكل خطر عليه ومقاومته لها على وشك ان تضعف نعم هو يريدها وبشدة ولكنه لا يريد التورط معها اكثر وخاصة ان جرح قلبه منها لم يلتئم بعد ؛ و يعلم جيدا فى قرارة نفسه انه اذا لمسها مره فضميره لن يسمح له بتركها مجددا

.._____________________________

استيقظت بشرى ووجدت نفسها نائمة على الارض مستندة بجزعها على حافة الفراش وعمر يستلقى على ركبتيهاويغط فى النوم

وضعت اناملها تتملس شعره الناعم لاتعلم لما ينتابها شعور بالعطف والشفقة تجاهه وكأنه طفلها وليس زوجها

..عمر ..عمر

..امممم

..قوم نام على سريرك

.تقلب على ركبتيها

..تؤ تؤ.انا مرتاح كده

..ابتسمت له بشرى بمحبة طب ماشى خليك نايم

..

__________________________

...عايدة ..فيه ايه يا زياد جمعت الكل وقلت عايز تعلن عن حاجة مهمة وقاعد ساكت مبتنطقش

زياد بسرعة حتى لا يتسنى له العدول عن قراره.. انا قررت اعمل فرحى انا ومنى مع فرح اكرم ونيرة بعد امتحانات نيرة يعنى بعد شهر

طارت منى من الفرح عندما سمعت هذا الخبر

..والقت نفسها داخل احضانه

..حبيبى يا زياد وايه اللى غير ايك كده كنت لسه من يومين بتقولى نستنى سنة

زياد بشرود..وهو..يتذكر سارة

عايزك فى ااقرب وقت تبقى فى بيتى وفى حضنى

وفى نفسه ..مش عايز اضعف تانى

عايدة..الف مب**ك يا حبايبى اهو كده ..شقتكم فوق جاهزة ومتربين مع بعض من وانتوا صغيرين وحافظين بعض يعنى ملوش لازمة الانتظار

..اكرم وهو يعلم ما يدور بخلده ..طب وليه الاستعجال ده ؟

..عايدة ..والنبى يا اكرم تسكت ده انا ما صدقت

..نيره ..مب**ك يا ابيه مب**ك يا منى

..الاثنان ..الله يبارك فيكى

منى..طب مش هنحتفل يا حبيبى .ايه رايكم يا جماعة نخرج كلنا نتعشى بره

نيرة.لا اعفونا انا واكرم من الخروجة دى انا عندى امتحان بكرة وهو هيقعد يذاكرلى ولا ايه يا حبيبى

اكرم وهو يضع يده على رقبته بمعنى خنقة ..طبعا يا روحى وانا ااقدر اتاخر عليكى بردو

نيرة بتحذير..بحسب يعنى

..طب وانتى يا عمتى

..عايدة ..لا يا حبيبتى انا ماليش فى السهر والكلام ده روحى انتى وخطيبك اتبسطوا لوحدكم

..زياد محاولا رسم ابتسامة على وجهه_تحبى تروحى فين يا حبيبتى؟

..اى حته المهم ابقى معاك

زياد.. .فى كازينو على البحر لسه فاتح جديد بس اكله تحفة والاطلالة بتاعته حلوة

_تمام

..اعطاها مفاتيح السيارة ..استنينى فى العربية وانا هجيب حاجة من جوا واحصلك

..ارسل رسالة لسارة ..اخبرها انه سيكون مشغول لبضعة ايام ولن يستطيع القدوم وفى اخر الرسالة طلب منها الاعتناء بنفسها جيدا

..نزلت منى تنتظره بالسيارة ولكنها فوجئت بشئ يلمع تحت كرسيها على الارض مدت يدها والتقطته فاذا به دبوس شعر

..اتسعت عينيها بصدمة..معقول تكون بتخونى يا زياد ؟

.._____________________

بعد اسبوع

وقفت فى منتصف الطريق تبحث فى حقيبتها عن هاتفها النقال ولم تنتبه للسيارة القادمة نحوها اما هو فقد نفذ صبره من اطلاق

زامور السيارة وهى لا حياة لمن تنادى

مازن بغضب وصوت عالى ..انتى يا بنى ادمة انتى انتى طرشه مبتسمعيش

..ايه ياعم انت ما بالراحة شوية هى الدنيا طارت ولا كمنكم راكبين عربيات يعنى تتكبروا على مخاليق ربنا اللى ماشية على الارض تلاقى امك اللى جيبهالك يا توتو

..وكمان بتبجحى ده بدل ما تعتذرى تصدقى بالله لو مكنتيش بنت كنت عرفت اربيكى كويس على قلة ادبك دى

..هههه هههه قال اعتذر قال؟اتكل على الله يا بابا روح شوف وراك ايه

.. ذهب مازن وهو فى قمة غضبه منها ومن وقاحتها ثم نظر لها من بعيد من مراة السيارة فوجدها تمشى بجانب بركة ماء فابتسم بخبث وعاد اليها مرة اخرى وسار بالسيارة بسرعة على بركة الماء ف*ناثر الماء القذر على ملابسها وشعرها

...هههههه تعيشى وتاخدى غيرها ده بس عشان بعد كده تبقى تعرف تتكلمى مع الناس كويس

..اه يابن المفكوكة واللهى ما هسيبك

مازن بقهقهة ..ابن المفكوكة ده ايه البت دى

...امسكت طوبة من على الارض والقتها على زجاج السيارة فانشرخ الزجاج الخلفى للسيارة وانطلقت هى هاربة منه بعدما لمحته يترجل من السيارة وقد احمر وجههه من الغيظ والغضب

.._________________________

..اتت الخادمة لبشرى وهى تلعب مع عمر الغميضة

واحد ..اتنين ...تلاتة هلف يا عمر

هنية ..فى واحد عايزك برة يا مدام

بشرى باستغراب...عايزنى انا ؟

.هو سال على صلاح بيه الاول قلتله انه مسافر فطلب يقابل حضرتك ومستنيكى بره فى الجنينة

.طيب ماشى ..خدى انتى عمر لاوضته غيريله هدومه

..حاضر

..مازن مصافحا

..انا دكتور مازن كنت بعالج عمر فى المصحة

مدت يدها له لتصافحه ..اهلا وسهلا اعتقد سمعت اسمك قبل كده من عمر ..اتفضل حابب تقولى ايه ؟

مازن..انا منكرش انى استغربت جدا لما عرفت ان عمر اتجوز بس فى نفس الوقت فرحت جدا يمكن تكونى حضرتك اخر امل ليه

..مش فاهمة تقصد ايه؟ ..فى الحقيقة انا جاى وعارف ان صلاح بيه مسافر وقصدت انى ااقابلك انتى شخصيا

..فيه ايه يا دكتورما تتكلم ع طول بجد قلقتنى

مازن بتوتر _بجد مش عارف ابدا منين ..عمر كان بياخد علاج غلط فى المستشفى علاج بيلعب فى الكيميا بتاعة المخ وخاصة فى مركز التذكر وبيسبب النسيان وطبعا هو بياخده بقاله سنين طويله زى ما عرفت وده اللى خلى حالته تسوء

..يعنى ايه ؟قصدك ان فى حد كان قاصد انه يخليه كده

..طبعا ....انا قريت الملف بتاعه ..عمر كان طفل طبيعى جدا حصلتله حادثة وهو عمره 13 سنة تقريبا

ووقع على دماغه وقعد فترة فى غيبوبة ولما فاق كان بيحصله تشنجات وهما شخصوها على انها صرع مع انها مكنتش كده وبعد كده دخلوه المصحة وبداوا يعالجوه بالصدمات الكهربائية وده خلى حالته تسوء اكتر واكتر وبعد كده بدات رحلة من العلاج الغلط ..انا قابلته فى المستشفى وابتديت اديله العلاج الصح وفعلا بقى يستجيب معايا والتشنجات قلت خالص وبعد ما كان ساكت طول الوقت وبيتجنب الناس قدرت اخليه يتجاوب معايا و بدا يتكلم طبيعى الى حد ما بس للاسف اول ما مدير المستشفى عرف انى بعالجه سببلى مشاكل كتير فى الشغل وبدا يزود جلسات الكهربا اكتر لعمر ومع مواجهتى المستمرة ليه رفدنى وكتب فيا تقرير انى طبيب فاشل وهدمر سمعة المصحة

وحتى ....**ت قليلا

بشرى بقلق__ما تتكلم ع طول يادكتور بجد قلقتنى اوى

_لماروحت لصلاح بيه شركته وحاولت افهمه وضع عمروعلى اللى بيحصله فى المستشفى رفض يسمعنى وطردنى من مكتبه

ودع اللى خلانى اتاكدت انه اللى بيحصل ده خطة مدبرة مش صدفة او تشخيص غلط عشان كده بقولك انتى اخر امل ليه واتمنى متخذلنيش

....وضعت بشرى يدها على فمها بخضة

..ومين ليه مصلحة يعمل حاجة زى كده فى طفل ؟

ايه الناس معدومة الضمير دى

وفى نفسها اكيد الزفت ابوه انا متوقعة من الراجل ده اى حاجة

..مش هقدر اجاوبك على سؤالك ده دلوقت بس كل اللى بطلبه منك انك تساعدينى انى اواصل مهمتى مع عمر واديله العلاج الصح صدقينى بعد فترة وجيزة هتشوفى تحسن ملحوظ فى حالته وممكن بعدها نجهزه للعملية

..بشرى بفزع .عمليه عملية ليه؟

..دى عمليه ضرورية عشان عمر يقدر يرجع شخص طبيعى زى الاول متنسيش انه بقاله سنين بياخد علاج غلط

بشرى بفرح بجد يا دكتور يعنى عمر ممكن يخف ويبقى انسان طبيعى

..رن جرس هاتفها فاعتذرت منه

..الو ايوة يا بنتى كله ده لسه فى السكة انتى روحتى فين ؟

........

توهتى فين؟ده المكان ما يتو هشى خالص طب انتى فين وانا اوصفلك

......

..طب خلاص انتى كده

وصلتى ..القصر اللى على يمينك اللى لونه اصفر

.......

هههههه ايوة ياختى السرايا الصفرا

..راتها بشرى وهى تدخل من باب القصر

..بعد اذنك لحظة ..

.اتفضلى

امرت الحارس ان يسمح لها بالدخول ثم ركضت عليها لتعانقها وحشتينى موت

تولين .استنى متقربيش

...شهقت بشرى بخضة عندما راتها.

..ايه يا بنتى اللى بهدلك كده وخلاكى عملة زى الكتكوت المبلول

..واحد سيس كده غرقنى مية وسخة بعربيته ابن المبقعة

..بس متخافيش عملت معاه الجلاشة

..هههه عملتى ايه ماانا عارفاكى ؟

..زقلت طوبة على ازاز عربيته فشفشتهاله .وطلعت اجرى .ههههههه

بشرى ..هههههه ههههه

_اه لو شوفتيه كانت ودانه بطلع دخان ..يا لهوى لو كان مسكنى كان هيفرتكلى فخادى

بشرى وتولين...هههههه هههههه

..فجاه سمعا صوت قهقه رجالية تقترب منهم

..اتسعت عين تولين بخوف وهى تشير عليه باصبعها

.ايه ده؟ انت .انت هو

..ايوة ياختى انا العيل السيس اللى عملتى معاه الجلاشة واللى هيفرتكلك فخادك باذن واحد احد

..ركضت تولين وتخبت خلف بشرى

..الحقينى يا بيشو انا فى حمايتك

مازن.. تعرفيها منين دى يا مدام بشرى

..دى صاحبتى واكتر من اخت ليا

_دى مجنونة رسمى فهمى نظمى

.. تولين واضعة يدها فى خصرها

.هى مين دى اللى مجنونة يا بتاع انت ما تحترم نفسك

..انا بكلمك بالامانة انا دكتور مجانين وبعرف المجنون من نظرة عينيه اول ما بشوفه بس متقلقيش خالص انا مستعد اعالجك مجانا على حسابى

تولين بتهكم _وهى تقلد احمد السقا فى فيلم صعيدى فى الجامعة الامريكية

امانة ..يا عم روح ده اكتر ناس مجانين هما دكاترة المجانين اصلا

.انفجرت بشرى بالضحك عليهم حتى اتاهم صوت عمر وهو يصيح من شرفة غرفته

..مازن ..مازن

..ركض عمر عليه وارتمى بين ذراعيه

.مازن_ وحشتنى اوى يا عمر عامل ايه ؟

..كويس

.بشرى..تعالى معايا انتى على اوضتى اما اشوفلك حاجة تلبسيها من عندى بدل الق*ف ده ..بعد اذنك يا دكتور مازن

اتفضلى طبعا

تولين..اه والنبى يااختى غيريلى احسن ابويا لو شفنى كده هيعلقنى

..ضحك مازن عليها وقبل ان تبتعد رفع لها اصبع تحذيرية

..لسه الكلام بنا مخلصش وياريت تفكرى تانى فى موضوع العلاج

.اخرجت لها ل**نها لتغيظه

.ليقهقه مازن بقوة

..ايه البت دى

مازن..عامل ايه يا حبيبى اوعى تكون بتاخد العلاج اللى بيدهولك ياعمر

_لا كنت بخبيه وبرميه فى التواليت زى ما قلتلى

.برافو عليك

ثم استطرد وهو ينظر لعمر بغيرة .بقى اتجوزت يا عمر وانا لسه مش لاقى معزة تعبرنى

___________________

صاحت عبلة بصراخ ..الحقنى يا ابراهيم

.بتصرخى ليه يا وليه فزعتينى

.الحقنى يا اخويا السلسلة والاسورة التعبان بتوعى مش لاقياهم

منة ..ايه ده وانا كمان يا ماما الموبايل بتاعى من امبارح مش لاقياه

..عبلة وهى تجلس وتض*ب بيدها على ركبتيها بحسرة

..يبقى السنيورة بنتك قشططنا قبل ما تمشى عايزة تنتقم منى انا وبنتى ..حسبى الله ونعم الوكيل فيها الحرامية

ابراهيم بغضب..اتلمى يا عبلة انا بنتى مش حرامية وعمرها ما مدت ايدها على حاجة مش ليها وبعدين بنتك بتقول موبايلها ضايع من امبارح وبشرى متجوزة اديلها اكتر من اسبوع يبقى ازاى بقى سرقته ها

..مش عارفة مش عارفة امال راحو فين انا هتجنن

...دخل عليهم تميم وهو يترنح

..فامسكه ابراهيم من ياقة قميصة

..انت كنت فين يا واد انت ومالك واقف مش على بعضك كده اجابه تميم وهو يرشف

.انا ااا ؛مفيش حاجة ما نا كويس اهو

ابراهيم بتهكم ..كويس؟ طب اصلب طولك الاول وانت بتتكلم

اردف بصراخ..فيك ايه ياواد انت انطق بقالك فترة حالتك مش مريحانى وشك اصفر ولا بتاكل ولا بتنام وعينيك ع طول حمرة وتحتها سواد

..انت بتحشش يا واد؟

.تميم بتو تر..انا للاا

تشكك ابر اهيم منه اكتر عندما راى توتره وعينيه الزائغة

عبلة بدفاع ..ايه الكلام ده يا ابراهيم انت عايز تفتح عين الواد ...

_اسكتى انتى

..فتش ابر اهيم جيوبه

..ووجد بها كيس البودرة اللعينة التى تمكنت منه فما كان منه سوى ان صفعه صفعة قوية اوقعته على الارض

ابراهيم بصراخ..بقى دى اخرة تربيتى ليك يا ابن.الك. لب.بتشم سم هارى على دماغك ودماغ امك

عبلة بشهقة ..يوه طب وانا مالى يا ابر اهيم

..ماهو ده اخرت دلعك واستهتارك .ياهانم ازاى مخدتيش بالك من حالته وشكله ده

وكل ما سالك الواد فين تقوليلى بيذاكر مع صحابه ما تسيبه ياخويا

هو بنت خايف عليها ..اخذ يركله بقدمه

..وعبلة تحاول منعه

..الله يخليك سيبه؛ الواد هيموت فى ايدك

وهو مستمر بصراخه

.عاجبك منظره دلوقتى واللى وصله عرفتى دهبك ياختى راح فين اللى تهمتى فيه المسكينة اللى ربنا نجدها منك ومن بنتك

..انت بتقول ايه يا ابراهيم؟

بقول الحقيقة اللى فكرانى مكنتش عارفها بس للاسف كنت بعمل نفسى مش شايف ولا فاهم وسيابكم تطلعوا فيها غيظكم وكرهكم ..

نهض تميم نحاولا الهرب فامسكه ابراهيم من قميصه

....رايح فين انت هتتعالج وهتبطل السم الهارى اللى بتاخده ده وهتبقى راجل .. فاهم

دفعه تميم بقوة فسقط على الارض

و بسرعة فتح باب الشقه وهرب

..فجلس ابراهيم مكانه يبكى بحسرة

..بقى ده ياربى الواد اللى كنت بسترجاه من الدنيا اللى خربت بيتى وشتت بناتى عشان اخلفه لا نفع فى تعليم ولا شغل والاخر ضيع نفسه بالسم الهارى اللى بياخده .يارب كنت خدتنى ولا شوفت اليوم ده

..عبلة وهى نحاول انهاضه

. قوم يا اخويا متعملش فى نفسك كده واللى ات**ر يتصلح

.ابعدى عنى انتى بلا انتى وباء انتى ..انتى طا.

لتسقط عبلة عند قدميه..لا ياسي ابراهيم اوعى تقولها ..انا ماليش غيرك يا اخويا .اوعدك انى هتغير

ومن هنا ورايح اللى تقولى عليه يمين يبقى يمين شمال يبقى شمال

..ليرد ابراهيم بحسرة .بعد ايه __بعد ايه ليدخل غرفته ويصفق الباب فى وجهها

..

________

.

وقفت سارة شاردة فى الشرفة وتطلع كل حين على هاتفها وتظفر بضيق فزياد لم ياتى منذ تلك الليلة ولا حتى اتصل بها

..جلست على الارجوحة الموضوعة بالشرفة ثم فكرت ان تفتح مواقع التواصل الاجتماعى فهى منذ فترة طويلة وهى لم تفتحه وعلى الاقل تجد ما يشغلها علها تكف قليلا عن التفكير به

.شهقت بفرح عندما وجدت عدة رسائل من والدتها

..ماما اخيرا

..بعثت لها رسالة

.ماما حبيبتى انتى فين قلقتينى عليكى

..انتى اللي فين يا حبيبتى وحشتينى اوى

...عايزة اشوفك

.

...سارة بفرح ..ام سعيد ماما بعتتلى رسالة وعايزة تشوفنى

..اتاكدى يا بنتى الاول لا يكون فخ خليها تسمعك صوتها

.اه فعلا معاكى حق

....ماما

..كلمينى واتس هبعتلك الرقم

. حامد بفرح

واخيرا القط ابتلع الطعم ..

..ثم وجه فوهة المسدس على راس كريمة الواضح من معالم وجهها انها قد تلقت ض*با مبر حا

.كلميها واوعى يبان عليكى حاجة فاهمة ........

..انتو ا هتعملوا فيها ايه

..ملكيش فيه اخلصى يله وردى عليها واياكى حاجة تبان عليكى

___________________

تفاعل فضلا وليس امرا