الفصل الثامن عشر

2359 Words

بسم الله الرحمن الرحيم وبه نستعين (الحلقة 18) بشرى سارة قد حوى السرور في لقاك والهنا يا أماني العمر يا احلى المنى كلّ أحزاني تذوب لحظة ً لا دموع لا بكاء لا ضنى والوجود بالأغاني صادحاً والطيور زقزقت حبّاً لنا والزهور والورود رقصت والنسيم فاح عطراً حولنا وإلتقينا وأندمجنا برهة قد غدونا واحداً بعد مرور عدة ايام لم يكفا الش*يقتان عن التسامر والمرح باليومين المنصرمين كانا يفعلان كل شئ معا النوم ؛الطبخ؛مشاهدة التلفاز والذهاب الى السوق تحدثا بكل شئ وكل ما سار لهن ف تلك السنوات المنصرمة .تريدان تعويض تلك السنوات التى افترقا فيها قدر المستطاع ولا يكلا او يملا من الحديث عن ذكرياتهم القليلة معا قبل ان تفترق دروب طرقهم .خديجة ..تحبوا اعملكم ايه على الغدا النهاردة ياولاد ؛نفسك فى ايه يا نادر شكلك هفتان ياحبة عينى من الاكل الجاهز والمعلبات ..لا اعفنى انا يا خالتى كفاية كده اوى عليا لازم ارجع اسكندرية؛ الاسبوع ده كله مشغول اوى وعندى كذا عملية ..مازن بتذمر ..هو مين ده اللى هيمشى انت مش هتمشى من هنا غير بعد شبكتى انا وتولين وبعد الفرح كمان؛ مش كفاية محضرتش الفاتحة وقلتلى دى مجرد قاعدة تعارف ومش لازم اجى ..ايوة يا مازن ..بس مبسش انا متحفظ عليك هنا ومش هتروح فى اى حته خديجة ؟طب وانتوا هتعملوا ايه النهاردة يا بنات ؟ ..بشرى بحماس ...الاول هنروح نزور قبر بابا وبعدين هنروح لتميم المستشفى سارة عايزة تتعرف عليه . وبعد كده ممكن نلف شوية على المولات او ندخل سينما لسه مقررناش ..مازن ..لو مكنتش رايح اجيب الشبكة النهارده انا وتولين كنت جيت معاكم ؛ البركة فى نادر بقى يروح معاكم وياخد باله منكم؛ .وبعد كده ممكن نبقى نتقابل كلنا وندخل سينما . ..نادر ..Ok بعد الغدا اجهزوا و اعتبرونى النهاردة السواق بتاعكم _____________________ يجلس بمكتبه شعره مشعثا وملابسه غير مرتبة كعادته والسواد يحيط بعينيه وكانه لم ينم منذ عدة ليالى رن جرس هاتفه ظفر بضيق ثم اجاب ..ايوة ياامى عايدة بعتاب _بكلمك مبتردش عليا زياد بنافذ صبر .مانا برد اهوو.. طب مش هتيجى تشوفنى ؟ انت عارف انى بقيت لوحدى وانا مش متعودة على كده زياد ببرود _بكرة تتعودى . ..انت لسه زعلان منى يازياد ..زياد بتهكم ..لا وهزعل ليه ؟هو حضرتك عملتى حاجة تزعل ؟ ده انتى يادوبك بس ضحكتى عليا وطلعتينى مغفل وبسبب كدبتك دى سكت ولم يكمل خلاص بقى ياحبيبى حقك عليا انت عارف انى مبقدرش على زعلك طرق نبيل على الباب ثم دخل .خلاص ياامى هجيلك ابات معاكى النهاردة ؛هقفل دلوقتى عشان مشغول عايدة بفرح .طب ياحبيبى هستناك ماشى سلام زياد.. عملت ايه؟ نبيل ..اخر اشارة لقطناها لموبايلها كانت فى المستشفى ..فز من على كرسيه بفزع مستشفى ليه ؟ جرالها حاجة ؟اخذ مفاتيح سيارته ليذهب اليها مسرعا استنى بس يافندم هى خلاص خرجت .بس .للاسف عرفت من السجلات اللى هناك انها فقدت الجنين وضع يده على راسه بحزن لم يكن ينتظر اويتوقع ان يصبح ابا بهذه السرعة ولكن منذ ان علم به وشعوره انه سيصبح ابا ملئ قلبه بالسعادة ولكن اتت الرياح بما لا تشتهى.السفن وفقده قبل ان يتعود على ذلك الشعور بعد زياد بقلق..طب وهى كويسة ؟ على حسب كلامهم ايوة ؛ وبعد ماخرجت من المستشفى قفلت موبايلها ومعرفناش نوصلها ..طب والفيزا ..لسه مستعملتهاش ..ازال الملفات من على مكتبه بذراعيه فى فورة غضب وهو يردف بعصبية ..غور من وشى ..ومتجليش تانى غير وانت جايبلى اخبار عدلة ..فر نبيل من امامه خوفا من بطشه فلاول مرة يراه على هذه الحالة ______________________ نادر..اطلعوا انت شوفوا اخوكم وانا هستناكم فى الكافتيريا ولما تخلصوا ابقوا تعالولى _ماشى غرفة تميم بشرى.ازيك يا حبيبى النهاردة .الحمدلله احسن كتير من الاول ..فى حد عايزه اعرفك عليه حد مين ؟ دخلت سارة بشرى_دى تبقى... قبل ان تكمل تميم..انتى سارة.صح؟ بابا كان دايما بيكلمنى عنك و بيوصينى عليكى كان نفسه الاقيكى واكون سند ليكى انتى واخواتى اردف بحزن بس انا خيبت امله فيا ومنفعتش لحاجة ابدا بشرى ..وبعدين ياتميم مش قلنا اننا هنخف وهنرجع نعوض اللى فات وتحقق لبابا حلمه وتدخل كليه الهندسة ..ان شاء الله ..قربى يا سارة واقفة بعيد ليه فتح لها ذراعيه فذهبت اليه سارة والقت نفسها بين احضانه وهو ضمها اليه اكثر وقبل جبينها ثم فرد ذراعه الاخرى لتنضم اليهم بشرى تميم..من النهاردة مش هنفترق عن بعض ابدا وهكون ليكم الاخ اللى بتتمنوه.. .سارة...متتصوروش انا فرحانة بيكم قد ايه . اخيرا بقى ليا اخوات ومبقتش لوحدى فى الدنيا .بشرى .وعمرنا ما هنبعد عن بعض تانى سارة وتميم .اللهم امين بعد قليل جاءت اليهم عبلة و عرفتها بشرى على سارة وعرفت سارة عليها ورحبت بها عبلة بحفاوة عبلة ببكاء.المرحوم كان نفسه اوى يشوفك قبل مايقابل وجه كريم بس القدر بقى سبقه الله يرحمه سارة..الله يرحمه وانا كمان كنت بتمنى اوى اشوفه بشرى..اقروله الفاتحة .قرا.الجميع الفاتحة وبعد ان انتهوا ..امييين ورد لعبلة اتصال من منة ..وبعد لحظات صرخت عبلةبفزع .منة ردى عليا ياحبيبتى ..تميم .فى ايه ياماما ..منة كانت بتصرخ وتقولى الحقينى يا ماما. وسمعت صوت حمادة وهو بيزعق ويقولها انتى لسه شوفتى حاجة ده انا هموتك الليلة وبعد كده الخط اتقطع تميم .بندم..انا السبب انا اللى دمرتها ودمرت حياتها مع الزفت اللى جوزتهولها جنيت عليها زى ماجنيت على نفسى قبلها وبسببى ابويا مات وهو مقهور عليا سارة .ده عمره ياتميم وقدره ومفيش حد بيعيش اكتر من عمره عبلة بقلق ..انا لازم اروحلها حالا قلبى مش مطمن ..بشرى وسارة ..استنى يا طنط احنا جايين معاكى ___________________ فرد امامهم الصائغ العديد من الموديلات اشارت تولين على احدى الاساور ..الله حلو ةاوى دى يا مازن خلاص ياروحى ناخدها ولكن مان علمت سعرها من الصائغ ..لبستها بيدها ثم تصنعت الضيق ..لا بس تقيلة اوى على ايدى ومضايقانى خلينا نشوف حاجة غيرها ..ابتسم لها وهو يقبل كفها .حبيبتى اختارى اللى انتى عايزاه متخافيش انا عامل حسابى ثم اشار للصائغ خلاص هناخدها وشوفلنا كمان خاتم حلو ومعاه دبله والمحبس بتاعها تولين ..نقيلى انت بقى الخاتم على ذوقك .اختار لها خاتم ذهب على شكل فراشه صغيرة مطعم بفصوص صغيرة من الذهب الابيض مشكلا جناح الفراشة ..حلو اوى يامازن ذوقك يجنن ياحبيبى مازن بمشا**ة وهو يغمز لها بعينه..اكيد طبعا لازم ذوقى يبقى حلو عشان كده اخترتك .ابتسمت تولين بخجل ربنا يخليك ليا .ويخليكى ليا ياقمر حياتى ..اخذ له هو دبلة فضة ثم طلب من الصائغ ان يكتب على الدبل اسمائهم وهمس له فى اذنه عن شى اخر يريد كتابته على دبلة تولين فابتسم له الصائغ تحت امرك يافندم ..ثوانى واحضرهملك ..تولين ..انت قولتله ايه خليته يضحك كده ..لا ده سر بقى هتعرفيه يوم الفرح رن جرس هاتفه ..ايوة يانادر _______ طب خلاص ماشى نعوضها مرة تانية اغلق معه الخط والتفت لتولين مشوار السينما اتاجل عشان بشرى وسارة رايحين يزوروا واحدة قريبتهم غمزلها بعينه وهو يبتسم بس احسن عشان نروح انا وانتى لوحدنا ____________________________ . ذهبا نادر وبشرى مع عبلة وتركا سارة بالسيارة ولكن رفضا اهل حمادة ان يفتحوا لهم باب المنزل الرئيسى ولكن مع صراخ عبلة عليهم وتهديد نادر لهم انه سوف يبلغ الشرطة اضطروا لفتح البوابة صعدوا مهرولين لشفة منه وحمد الله ان الباب كان مواربا ولم يكن مغلقا نادت عليها عبلة بعلو صوتها منه حبيبتى انتى فين ؟ بالاخير وجدوها ملقاة على الارض بغرفة النوم فاقدة الوعى ولا تبدى اى ردفعل عبلة بصراخ وعويل .. فوقى ياحبيبتى الله يخليكى متوجعيش قلبى عليكى ؛.يالهووو ى ياخرابى بنتى ضاعت منى خلاص تطلعت فيها بشرى بشفقة فقد شحب لونها وانخفض وزنها كثيرا ولكن للامانة فقد نغعها فقدانها للوزن واصبحت اكتر جاذبية .فحصها نادر.كان .نبضها ضعيف للغاية وهناك كدمه كبيرة فى راسها لازم نطلبلها الاسعاف بسرعة حالتها مطمنش امسك هاتفه واتصل بالاسعاف وعبلة تردد..منكم لله ربنا يورينى فيكم يوم بحق جاه النبى كانت ام حمادة تقف على الباب تتنصت عليهم وهى تبلع ريقها بخوف الحق ياحاج دى البت قاطعة النفس خالص وطلبولها الاسعاف وشكل الواد هيروح فى داهية ..اتصلى بابن الكلب ده خليه يجى وانا هتصرف معاهم ؛ جاتكوا الهم مبيجليش منكم غير المصايب ..حملها نادر الى الاسفل ولكن ابو حمادة اعترض طريقه وبيده عصا غليظة على فين يا حيلتها هى زريبة.؟ انت مين سمحلك تشيل مرات ابنى وتخرج بيها كده من غير ما تعمل احترام لحد... ده احنا نلبس طرح بقى ؟ ..ابعد من وشى يا راجل انت ..انت راجل كبير وانا مش عايز اغلط فيك ..تغلط فى مين يابن........رفع عليه العصا ولكن عبلة اعترضت طريقه فوقعت العصا على راسها هى وسالت الدماء من راسها على وجهها وجبينها قبل ان تسقط مغشيا عليها وبشرى تصرخ بذعر فر الر جل هربا من امامهم عندما تجمعت حولهم الناس ومن ضمنهم سارة التى ركضت عليهم فزعة عندما سمعت صوت صريخ بشرى وفى خلال هذا كانت الاسعاف قد وصلت واخذت منه وعبلة الى المشفى الطبيب...بالنسبة للست الكبيرة فدى اصابتها بسيطة غرزتين تلاتة بالكتير بس الصغيرة فالواضح ان دى مش المرة الاولى اللى تتخبط فيها فى دماغها بس المرة دى كانت الاصابة جامدة شوية وعملتلها رشح فى المخ ده غير ان فى كدمات وجروح كتير بجسمها واعذرونى انا بلغت البوليس دى فيها شبهة جنائية ولازم اخلى مسؤوليتى ..نادر..اه طبعا يا دكتور ده الصح اردف الطبيب احنا حطنها دلوقتى فى العناية بس محتاجة عمليه فورا و للاسف مفيش ولا جراح متوفر حاليا فهنستنى للصبح ..قال نادر وهى يخرج له كارنيهه الطبى انا جراح ممكن اعملها انا العمليه لو مكنش فيه مانع طب كويس اوى .اتفضل معايا اوريك الاشاعة بتاعتها على ما نجهزها للعمليه دخلت بشرى وسارة ليطمئنا على عبلة ..سارة اطمنى ياطنط ..منه هتبقى كويسة ان شاء الله عبلة ببكاء ..انا السبب لو جرالها حاجة عمرى ما هسامح نفسي كانت كل ما تشتكيلى من معاملته ليها هو واهله ااقولها استحملى وعيشى وبكرة يتغير سارة بالم ...مفيش حد بيتغير ياطنط للاسف اهل كتير بيدمروا بناتهم بالكلمة دى وهما مش حاسين بمعانتهم والقهر والذل اللى بيبقوا عايشين فيه. لحد ما روحهم من جوا بتدمر و يتعودوا على الظلم وميبقاش فارق معاهم حاجة ويقولوا اهى عيشة والسلام والراجل بياخد من ضعفهم هما واهاليهم ذريعة عشان يستقوى اكتر ويفضل يدوس عليها ويظلمها اكتر واكتر بشرى ..الرك على التربية؛ الاب والام اللى بيعاملوا ابنهم الذكر على انه ملاك ما بيغلطش .ملك يامر فيطاع وان الست دى مخلوق درجة تانية ميحقلهاش تعترض او تبدى رايها من الاساس ومهما يعمل فيها فغلطه مبرر وهى المفروض تستحمله وتغفرله ....والله معاكم حق يابنات انا كمان لو كنت شددت على تميم بدل الدلع اللى كنت مدلعاله انا وابوه كان طلع بجد راجل يعتمد عليه ومكنش كل اللى جرى ده حصل بس نقول ايه قدر ومكتوب . تجمعت الشرطة بالمشفى واخذا اقوال سارة وبشرى وعبلة الى ان تفيق منة وتسمح حالتها بالاستجواب .ولكن هروب حمادة ووالده ثبت عليهم التهمة وجارى البحث عنهم ________________________ وقفت منى بشرفة الفندق تستنشق الهواء العليل وتتطلع على جمال الطبيعة حولها فقد اختار فارس بالفعل مكان خلاب بداءا من جمال مياه البحر الاحمر الساحرة التى تراه للمره الاولى و الحديقة الواسعة التى تمتد على مرآى البصر برائحة الورود التى تعبق المكان و جبال البحر الاحمر الرائعة التى اخذها فى جولة لها اول امس كما اصر عليها فارس ان يعلمها الغطس لترى جمال الحياة وروعة المناظر تحت الماء كانت فى البداية خائفة لكنها ما لبثت ان اندمجت بعد تشجيع فارس واحتوائه لها لترى حياة كاملة وعالم اخر شيق تحت الماء ورغم ظروف زواجهم التى فرضت عليها واحساسها بالرفض من قبل زياد الا انها بالفعل استمتعت بكل لحظة معه فقد اتضح لها بالفعل انه مغرم بها وانه خير رفيق لها. كما اخبرها بليلتهم الاولى معا .وادركت انها تكن له مشاعر حقيقيه لم تكن تدركها من قبل فهو ومنذ ليلة زفافهم يمطرها بوابل من اللطف والغزل واللمسات والهمسات الرقيقة رغم انه لم يحاول لمسها قط او اجبارها على اى شئ لا تريده عودة الى ليلة الزفاف دخلا الجناح المخصص لهم الذى حجزه فارس من خلال الهاتف وما ان دخلا حتى تقوقعت هى على الا الاريكة ودموعها تسيل على وجنتيها ب**ت ، جلس هو امامها الق*فصاء وضم كفيها بين راحتيه وهو ينظر داخل عينيها بعمق ..انا عارف ان جوازنا كان مفاجاه ليكى مكنتيش متوقعها ويمكن تكون مفاجاة وحشة بالنسبة لك .بس اللى عايزك تعرفيه انى عمرى ما هجبرك على حاجة انتى مش عايزاها.اعتبرينى ياستى رفيق سكن ؛ صديق ممكن تشاركيه همومك وسند يقف جنبك وقت ما تحتاجيه .ووقت ماتحسى ان فى مشاعر جواكى ليا وعايزة تقربى هتلاقينى فتحلك درعاتى و قلبى وروحى طايرين عليكى قبل كفها برقة وهو يستطرد ؛مش هنكر انى بعشقك من زمان وبستنى اليوم اللى اقرب فيه منك وتندمج ارواحنا واجسادنا برباط ابدى مع بعض ؛ لكن مش مستعجل على حاجة وهتلاقينى معاكى اكتر راجل صبور فى العالم طبع قبلة على جبينها وانهضها برفق قومى يله غيرى هدومك وتعالى عشان نصلى مع بعض مان انتهيا من الصلاة حتى وضع يده على راسها داعيا الله ان يكرمه بها وفيها وان يوفقهم بحياتهم الجديدة معا ويكون لها خير زوج وتكون له خير زوجة وان يعين كل منهما الاخر على طاعة الله وحسن عبادته وقد شعرت هى بعدها بالراحة والالفة معه كما لم تشعرها من قبل ذهبا ليناما _لو مش عايزانى انام جنبك انا ممكن انام على الكنبة؟ .لا عادى نام على السرير احسن ضهرك يوجعك ابتسم لها وقبل وجنتيها بعد ان اضجع بجانبها على الفراش .تصبحى على خير يا اميرتى همساته الشغوفة ولمساته الرقيقة الحانية جعلها تشتاقه وتتمنى قربه دون ان تشعر فاقت من شرودها على لمست يده وهو يضع الشال على كتفيها ..الجو برد عليكى . وضعت راسها على كتفه وهى تلقى بالشال جانبا وتستبدله بذراعه التى لفتها حولها ثم قبلته على وجنته ضمنى ليك واحضنى جامد وانا مش هحس بالبرد .اتسعت عينيه بفرح وذهول فلاول مرة تبادره هى ..نظر فى عينها ليتاكد فابتسمت له واومات براسها وكانها بابتسامتها هذه اعطته ضوء اخضر لما تهفو له نفسه فما كان منه سوى ان سحبها للداخل واجتاح شفتيها بقبله جامحة شغوفة اودع فيها كامل رغبته بها وهى ايضا ازالت اى رهبة بداخلها واطلقت العنان لمشاعرها واستقبلت شغفه بشغف موازى له حتى حملها بين ذراعيه واندس بها فى الفراش ليبدا معا رحلتهم الخاصة __________________________ خرجت منة من العمليات ولكنها لم تغادر غرفة العناية بعد فحالتها مازالت بخطر تخفى حمادة وذهب لها المشفى وانتظر حتى اصبحت بمفردها وتسلل اليها بغرفتها كانت نائمة ثم مالبثت ان فتحت عينيها لتشهق بفزع عندما راته امامها وقد كانت راسها ملفوفة بكاملها بالشاش الطبى وجسدها موصل بالاسلاك ..اقترب منها والشرر يتطاير من عينيه .. تفتكرى لو شيلت الفيشة دى دلوقت مثلا او شيلت المخدة دى وكتمت بيها نفسك حد هيحس بيكى منة بخوف وصوت ضعيف جدا .انت عايز ايه منى مش كفاية اللى عملته فيا _عايزحاجة بسيطة اوى انا عرفت ان الشرطة لسه مخدتش اقوالك فانتى زى الشاطرة كده هتنفى التهمة دى من عليا خالص وتقولى مثلا انك وقعتى من على السلم او اتكعبلتى فى السجادة اللى يطلع من ذمتك بقى وتعرفى امك هى كمان انها لو متنازلت عن المحضر اللى عملاه لابويا انى هرميها بره شقتى وهشردها فى الشوارع وهى ست كبيرة ومش حمل البهدلة دى ..انت ايه يا اخى مش بنى ادم ..من غير طولة ل**ن انا عارف انك عاقلة وعارفة مصلحتك ومصلحة عيلتك كويس ..مش هتنازل يا حمادة واعلى مافخيلك اركبه ..اقترب منها بشر ومد يده وخنقها هتتنازلى يامنة والا هقتلك ..صرخت بصوت مخنوق الحقونى .الحقونى

Free reading for new users

Scan code to download app

App Store Google Play

Facebookexpand_more