Matapos ang halos magdamag na party sa mansyon, dahan-dahang naglaho ang ingay at halakhak ng mga bisita. Ang mga kristal na chandelier ay nagbigay ng huling kislap, at ang mga lampara sa hardin ay tila nagmumungkahi ng katahimikan. Ang hangin sa terrace ay malamig, may dalang halimuyak ng mamahaling alak at bulaklak na naiwan sa paligid.
Tahimik si Jessica, nagliligpit ng mga baso at tray, habang may bahagyang panginginig ang katawan. Ang pagod at emosyon ng buong araw ay sumanib sa kanya—mula sa mga maingat at mahinahong utos, hanggang sa mga halatang pang-aalipusta ng ilang bisita. Bagamat inabisuhan na sila ng head servant na puwede na Slsilang magpahinga ngunit ipinagpaunang mas maaga silang gigising kinabukasan para iligpit ang natitirang kalat ay minabuti parin ni Jessica na iligpi
