Minasdan ni Huge ng maigi ang maamo at mala-anghel na mukha ni Laureta habang ito ay payapang natutulog sa couch. Natulugan kasi nito ang pinapanood na series sa netflix.
Kaya pala kahit anong daldal niya ay hindi ito kumikibo. Iyon pala'y mahimbing na ang tulog at siguro'y narating na ang mundo ng mga panaginip. He silently wished a sweet dream for her. Para sana kahit sa panaginip niya lang ay masaya siya.
Tinuyo niya muna ang kamay bago ito lapitan. Basa pa kasi ito dahil kakatapos niya lamang hugasan ang mga plato, at ginamit kanina sa pagluluto. Hinubad niya ang t-shirt na basang basa ng pawis at isinampay iyon sa upuan upang matuyo kahit papaano.
"Kahit tulog ay masungit ka pa rin," mahina niyang sambit. Iniwasan niyang lumikha ng ingay sa bawat kilos na ginagawa. Maingat siyan
