Tulala at wala sa sarili. Iyan ngayon ang kalagayan ni Laureta sa loob na kaniyang silid. Wala pa siyang tulog at hindi pa rin siya kumakain mula kagabi. Wala siyang gana. At sa unang pagkakataon, tila nawalan din siya ng gana pa na mabuhay.
Kung hindi lang siguro kasalanan na kitilin ang sariling buhay ay ginawa niya na. Sa unang pagkakataon, naramdaman niyang pagod at ubos na siya. Sa unang pagkakataon, sumagi sa isip niya na sumuko na lang.
Kinapa niya mula sa itaas ng kama ang cellphone. Balak niya sana itong ihagis sa pader, kaso naisip niyang wang pala siyang pambili at pamalit. Pinatay niya ito saka kinalas ang baterya at pati na rin ang kaniyang sim card. Kanina pa kasi ito walang sawang tumutunog. Hindi niya mawari kung alarm niya ba o ang makulit na si Carla.
Matapos n'on, ak
