للعشق حدود

المقدمه كم منا لايدرك خطوره مايفعله او بالفعل يدركه ولكنه يتغاضي عنه ليفعل مايريد ولا يهمه نتائج قراراته التي اتخذها حتي لو كان هو اول المتضررين للعشق حدود الحلقه الاولي هذه ليست قصتنا الاصليه ولكن لابد من معرفتها لانها قصه جدود احد ابطال قصتنا ولا بد معرفتها معرفه جيده لنعلم لم اصبح بطلنا هكذا .... في احدي قري الصعيد حيث تقطن عائله هواره وهي عائله لها قوانين غير قوانين البشر فلابد ان تتزوج الهواريه هواري مثلها والا لايمحو هذا العار الا الدم وعلي الجانب الاخر في احد القري التابعه لمحافظه قنا يقطن الحاج وهدان الهواري وولديه همام وغريب همام هو الاخ الاكبر متزوج ولكن لم يمن الله عليه بالخلف فهو لحكمه يعلمها الله ولم يعترض علي قضاء الله وقدره . لكن الحاج وهدان كبير العائله يريد ان يستمر نسله والأمل لديه متعلق بغريب لأنه فقد الامل بأخيه ... ولم يعد هناك احتماليه في وجود اي نسل له بعدما ذهب هنا وهناك بحثا عن علاج وانقطعت به السبل ورضي بقضاء الله وقدره وحمد الله علي ذلك فهو ابتلاء بجميع المقاييس اما وهدان فهو يلح علي غريب ان يتزوج اي فتاه من الاهل والاقارب او من قنا المهم عنده ان يتزوج وينجب الحفيد الذي يمتد به نسل العائله اما غريب فهذا اخر اهتماماته فهو لم يجد من تسكن قلبه حتي الان واخذ يسوف ويؤجل موضوع الزواج هذا الي ان طفح الكيل بأباه وهدده ان لم تختر اي فتاه في خلال شهر لن يصبح غريب ولدا له وسيتبرأ منه وهذا تهديد لحثه علي الزواج فقط وغريب يعلم ذلك جيدا وفي احد الايام استأذن غريب اباه ان يذهب اسيوط ليتتم صفقه ما فهم تجار ويتنقلون بين مدن الصعيد لاتمام صفقاتهم التجاريه وبالفعل ذهب غريب واتمم صفقته وتاخر به الوقت واثناء سيره يخبط بقتاه تحمل زلعه فوق رأسها لتقع الزلعه من فوق راسها وتتحطم وتقف بذهول الي تلك الزلعه المحطمه وتتخيل انها بعد ثوان معدوده سيصبح عظمها محطم مثل هذه الزلعه لتستفيق وتنهار بالبكاء ثم تنظر لغريب شذرا فهو سبب كل هذا وتنهال عليه بالشتائم والسباب ليجذبها غريب وقد استشاط غضبا من عدم احترامها له في ايه ياواكله ناسك راديو واتفتح ايه يعني زلعه وان**رت وشويه مش بدوده وجعوا ولا حتتين جبنه عامله زي مايكون الدهب نرجس :انت كمان لك.نفس تتحدت بعد اللي عيملته دا اني لو اطول زماره رجبتك كنت كلتها بسناني غريب :ياسلام تمنها كام يعني عشان كل ده خدي تمنها ع الجزمه نزجس :اني تجولي اكده ياواكل ناسك داني من بنات هواره اكبر عيله ف البلد غريب باستفزاز لاااه ماهو واضح انك.من اكبر عيله وجاعده تبكي علي زلعه مش ثم اني من اكبر عائلات قنا نرجس :طظ ماعتاجيش ف هواره شيء غريب مستشيطا تصدقي لو ماكنتيش حرمه لكنت دفستك تحت قدمي بس اني مامدش يدي ع الحريم ووجدها تجلس تبكي بجانب زلعتها فرأف بحالها وجلس بجانبها طب اني ف يدي ايه اعملهولك دلوقيت جلتلك خدي حقها مارضياش تنظر له وبغيظ انت تبعد عني السعادي اني مامحتجاش فلوسك دي اني ف امي اللي هتهزأني وتجولي ياخايبه عمري مابعتك ف مكان وتعملي حاجه عدله وهتذلني غريب وقد واتته فكره طب هجولك حاجه ايه رايك تجوليلها رحت للست وجالتلي تعالي بكره خديها نرجس باستخفاف ولما ياجي بكره يافالح ومافيش هعمل اني ايه بنأجل التهزيق فيض*بها علي راسها ماتفهمي بقي دماغ كيف البغل نرجس بضيق ماتمدش يدك علي لانت جوزي ولا بوي ولا خوي غريب بضيق افهمي يابت اني هقابلك بكره كيف دلوقيت واجبلك.زلعه كيف اللي ان**رت وتديها لامك ولا من شاف ولا من دري ففرحت نرجس بجد ...صحيح ولا بتضحك عليا فقام وقف بطوله الفاره غريب مايتكلمش غير الجد ومايخلفش وعده معادنا بكره يااااا نرجس بخجل اسمي نرجس وتضع طرحتها علي وجهها بالاذن اني بقي لحسن اتاخرت وزماناتهم بيدورو عليا غريب سلاااااام يانرجس ويخلل اصابعه في رأسه وينطلق بابتسامه لا يعرف مص*رها ولكنه القلب حينما يتحرك يظهر **عاده علي تقاسيم الوجه للعشق حدود الحلقه الثانيه ذهب غريب الي بيته وهو في قمه سعادته يكاد يطير من فرط السعاده بل هو بالفعل محلق بعنان السماء ليلتقفه والده واخيه وينزلان به مره اخري الي أرض الواقع فيساله اخيه باستغراب عن سبب تأخره... ليتلعثم غريب ويحاول الرد علي أخيه ابدا علي ماخلص الشغل فينها مرتك فاستغرب اخيه وبتسال عن مرتي ليه هي نايمه غريب مبررا ابدا كنت عاوز منها تجبلي طلب همام ويحاول الاستفسار من اخيه ايوه يعني ايه الطلب ده غريب بضيق اباااي اهو طلب وخلاص صحيها عشان اقولها اخيه وقد طفح به الكيل وذهب لزوجته يوقظها اصحي يانعمات غريب عاوزك تجيبيله طلب فتستيقظ وتفرك عينيها اباي يعني ماينفعش الصبح لازم تصحيني من النوم همام بنرفزه جومي فزي اخلصي ماهنجعدوش نرغو للصبح اما نشوفه عاوز ايه ده كومان وفعلا قامت لتخرج عليهم ليتلقفها غريب وكانها المنقذ الذي بعثه الله اليه من السماء واقترب منها وبصوت خافت لا يسمعه غيرهما عاوزك الصبح بدري تجيبيلي زلعه جبنه قديمه بالمش بتاعها فنظرت له باستغراب بتصحيني ياغريب عشان....فقاطعها محذرا وطي صوتك والحكايه دي بناتنا ماعوزش حد يعرفها واصل فنظرت اليه مستغربه هو في ايه بالظبط غريب بضيق مالكيش صالح هاتي اللي جولته بس فاستسلمت حاضر ايتها اوامر تانيه غريب :لا بس اياكي ماترجعيش بيه تلفي علي البياعين كليتاهم وتجبيه من تحت طقاطيء الارض فأومأت برسها بالموافقه ودخلت تكمل نومها وذهب زوجها خلفها ليعرف عن ماذا يتحدثان لتجيبه ان غريب يريد منها طلب ولا يريد احد ان يعرف هذا الطلب فجن جنونه انت اتجنيتي ف عجلك عاد اني جوزك ورايده تخبي عليا طرطور اني اياك نعمات مستعطفه اياه يقطعني ياخوي ماعاش اللي يجول عليك اكده بس هو أمني امانه ماجولش لحد بس اني ماجادراش اخبي عنك.شيء واصل كان عاوز زلعه جبنه قديمه فنظر لها باستغرات بتجولي ايه جبنه قديمه ليه ابيتوحم عاد دانتي ماعملتهاش اني السفريه دي مانزلاليش من زور واصل وماخبرش حوصل فيها ايه نعمات :اني جلتلك اللي اعرفه هملني ياولد الحلال اكمل نومي عشان اجوم من الفجريه اجيبله طلبه قبل البياعين مايتصرفو فيه وجلس همام بجانبها يفكر ماذا حدث لاخيه وماهي حكايه زلعه الجبن حتي غلبه النوم هو الاخر واستيقظت نعمات من الفجر كما وعدته لتشتري له زلعه الجبن وبالفعل احضرتها بعد عناء طويل كان قد استيقظ غريب وهي قادمه اتفضل زلعه الجبنه غريب بفرح اني ماخابرش اشكرك كيف نعمات :لا تشكرني ولا اشكرك هملني لحالي الله يرضي عليك اني هموت لحالي فقد جاءت مجهده من اللف علي قدميها غريب معتذرا لها واخذ الزلعه لحجرته وخرج همام من حجرته هو الاخر ليري زوجته ايه جيتي وجيبتي طلبه وهي تجلس وتهوي عليها بطرحتها ايوه ياخوي شويه بس ارتاح واحضر الفطور لا اني ماشي ورايا شغل كتير ف الارض واتأخرت عشان ماصحتنيش نعمات :معلش ياخوي لسه توك واصله وانطلق همام لعمله وكل فرد يؤدي عمله نعمات بالمطبخ ووهدان وهمام ف الارض وغريب لم يذهب اليوم وظل محدقا بزلعه الجبن ثم اخذها وسافر ليلحق موعده وف الموعد المرتقب ظل غريب منتظرا حتي تهل عليه من سرقت لبه وقلبه وفعلا جاءت تتلفت يمين وشمال وتخفي وجهها بطرحتها ليتلقفها غريب مالك يابت عامله كيف اللي عيملت جريمه نرجس بتلهف خلصني جبت الزلعه بالجبنه غريب يمد يده بها اهي الزلعه فتمد يدها لتاخذها ليتراجع بها فتضيق به ذرعا وبعدهالك ياولد الفرطوس انت بنلعبو سوا اياك فيخبطها علي راسها ماتلمي نفسك ابت وبعدهالك ف ل**نك اللي عاوز جصه ده خدي جبر يلمك واعطاها ظهره وعقد ذراعيه لتحس انها اثقلت عليه اني اسفه مااقصدش ليلتفت لها ويبتسم طب يلا عشان ماتتاخريش وهستناكي بكره ف نفس المعاد نرجس باستغراب ليه تاني عاد غريب :عشان اطمن عليكي ان الموضوع عدي بسلام وماحدش عيملك حاجه ولا مش رايده تشوفيني تاني فانطلقت بعفويه لااااه واخفضت راسها بخجل ليبتسم لها طب يلا وماتتاخريش عليا بكره فأومات براسها بالموافقه وانطلقت بالزلعه لامها واعطتها لها وهي سارحه وانطلقت لغرفتها لتنظر لها والدتها باستغراب وتتحدث اليها مالك يابتي ولكنها في عالم اخر لا تسمع من حولها وانطلقت لغرفتها لنذهب والدتها اليها اعملي حسابك ولد عمك كلم بوكي علي زواجكوا فكانها وقعت من السماء لترتطم بالارض كيف يعني اني ماعاوزاهوش والدتها :انت اتهبلتي يابت عاوزه بوكي وخواتك يشربو من دمك بنات اخر زمن وتركتها في قمه الحزن والألم بعد ان كانت في قمه السعاده اما غريب فقد ذهب كالمعتاد سعيدا ليتلقفه اخوه كنت فين ياغريب طول اليوم لاجيت الارض ولا خابرين انت فين غريب باستفزاز حوصل ايه يعني ماانت وبوي موجودين كان ورايا مشوار ف اسيوط همام :اباي مش هنخلصوا من اسيوط دي عاد مش خلصت الصفقه في ايه تاني لينا هناك غريب وكانه م**ر جلبي هناك همام :نعم ياخوي غريب وقد تدارك ماقال ابدا كان في شويه حاجات وبخلصها هناك ماتشغلش بالك ياخوي ودخل غرفته همام ويتجه لوالده عجبك حال ابنك اللي اتبدل ده وهدان :لااااه وجلجان وقلبي مش مطمن والفار بدأ يلعب ف عبي خوك مش طبيعي وخايف يكون وجع ف واحده من هواره ودي تبجي مصيبه سوده وطبلت علي دماغنا كلياتنا هواره مايفتوش بناتهم للغريب والا يبقي فيها دم همام :ماتجلجش يابوي غريب متهور شوي لكن راجل وفاهم ماعتقدش يعمل اكده يمكن كيف مابيجول كان في حاجه ناجصه ف الصفجه وخلصها وهدان :جايز ياولدي ربنا يستر ويجيب العواجب سليمه ياتري هيحصل ايه