Napakuyom ng mga kamay si Onaeus. Kumulo ang dugo niya at uminit ang ulo. Gusto niyang pumatay ng mga oras na iyon. Gusto niyang patayin ang pinuno ng Rebellion.
"Halika na, Necós. Puntahan na natin si Asyanna," ngising sabi ni Sanara.
"Hanggang sa muli," paalam ni Necós.
Nang makalabas na ang mga rebelde, kaagad na tumakbo si Onessa sa kapatid. Tinulungan niya itong makabangon. Ngunit, hindi na nito kaya. Namumutla na rin ito at nanghihina.
"Desi, nandito na ako. Ligtas ka na. Wala na sila. Desi, Desi, tumingin ka sa'kin," sabi ni Onessa habang walang tigil sa pag-iyak.
"Desi, patawad. Patawad kung hindi kita nailigtas," iyak ni Onaeus at lumuhod sa tabi nito.
"Nes...sa, Na...eus, sala...mat ka...si sinu...bu...kan niyo pa...rin a...kong ilig...tas. Pero, sa...na hin...di niyo na gi
