"Asyanna! Huwag mo akong pagtaguan! Harapin mo ako! Huwag kang duwag!" nanggagalaiting sigaw ni Necós.
Nanlilisik ang mga mata nito sa galit at nag-uumapaw ang itim na usok sa katawan. Para itong masamang espiritu dahil nag-iba ang wangis nito. Hindi na ito katulad ng dati na ordinaryo lang tingnan.
"Asyanna Puerre! Kapag hindi ka pa nagpakita. Iisa-isahin ko lahat ng malalapit sa iyo. Mula sa kaibigan, kakilala, kinalakihang pamilya, at sa tunay mong ama!"
Naglakad si Necós at tinungo ang direksyon ng Gemium Keeper young Ladynne. Malapit lang ang pinuno ng Rebellion dito. Nakatali ang mga kamay ng Gemium Keeper young Ladynne kaya hindi nito magamit ang mga brilyante.
"Huwag mong hintayin na mawalan ka ng isa pang kaibigan!"
"Duwag ka na ba, Necós? Ginagamit mo ang iba para lang makuh
