ISABELLA
Hindi ko maigalaw ang mukha ko habang nagda-drive sa tabi ko si K. Hindi rin ako makatingin sa gawi niya dahil pinipigilan ko ang mga mata kong sulyapan ang naka-flex niyang triceps habang nakahawak siya sa manibela. Pero para na akong magkaka-stiff neck sa pagmamatigas ko.
“Is the AC giving us the silent treatment?” Makahulugang biro nito at itinutok sa akin ang aircon.
Mula nang makasakay ako sa kanyang kotse ay pinangpapaypay ko na ang cellphone ko sa aking leeg. Hindi ko mawari pero parang walang talab ang buga ng aircon sa nag-iinit kong katawan. Hindi ko rin siya kinikibuan kaya siguro niya sinabi iyon.
Pero paano ako magsasalita kung nalulusaw ako sa madalas niyang paglingon sa akin? Kada kanto yatang madaanan niya ay sumusulyap siya sa aking mukha at katawan. At ang n
