BANDANG alas-siete ng gabi nang magkayayaan silang mag-dinner. Boodle fight ang peg. Hirap kumain si Brian dahil first time niyang kumain nang nakakamay.
"Gayahin mo 'ko," sabi ni Irish. Pinanood niya ang ginagawa nito sa kanin at ulam. Iniipon nito ang kanin saka papatungan ng ulam bago isubo sa bibig.
Ginaya niya nga ang ginagawa nito. Sa una'y inis na inis siya dahil nalalaglagan siya ng pagkain, ngunit nang makuha niya ang tamang tiyempo ay saka siya naka-relate sa kaniyang mga kasama.
Mayamaya ay naglabas ng isang case ng beer ang isang tiyuhin ni Irish. Binigyan sila ng tig-iisang baso at pinatagay mapuwera lang sa mga batang kasama. First time rin niyang makatikim ng mumurahing alak.
"Pass na ako," sabi ni Irish nang muling umikot ang tagay. Isang baso pa lang ang naiinom nito
