Lihim kong pinagmasdan sa harapang salamin ang mag-inang Jona at Jordan na nakaupo sa may bandang likuran ng sasakyan.
Napangiti ako nang maalala sa isipan ang mga nangyari. Sa kagustuhan ko kasing huwag mawala si Jona sa aking paningin, nakalimutan kong isa nga pala akong guro sa eskwelahan.
Alam kong ang pagnguso ng labi ko ang dahilan kung bakit ako nasampal ng dalaga. Ewan ko rin naman sa sarili ko kung bakit naisipan kong ngumuso. Nakatikim tuloy ako ng sampal.
Nakatutuwang pagmasdan silang mag-ina. Sa kabila kasi ng pagiging busy ni Jona sa trabaho ay nagagawa pa rin niyang mapalapit ang kalooban ni Jordan sa kaniya.
Hindi madaling maging magulang lalo na kung ikaw lang ang tumatayo bilang ama't ina sa iyong anak.
Nasaksihan ko ito kay Mama noong panahon na nawala si Papa. Al
