Yumi’s Point of View
Naririndi na ako kay Lola at sa kanyang K-pop na mga tugtugin. Puro K-drama ang palabas sa TV. Naku, Lolo, pakihila ang paa ni Lola mamayang gabi.
Lumuwas na rin ako kinabukasan. Syempre, traffic na naman sa EDSA. Pinatugtog ko ang ever idol kong spice girls. At least naiintindihan ko ang kanta. Itong si Lola may nalalaman pang oppa. Kinikilabutan ako sa totoo lang.
Nag-ring ang phone ko dahilan para maputol ang pinapatugtog ko sa Spotify.
“Hello.”
“Yumi, Hello.”
“Redgs, bakit? Napatawag ka?” Nagtatakang tanong ko. Hindi naman kami gano’n ka-close para tawagan ako ni Redgie. To think na ilang months pa lang sila mag-on ni Merjie.
“Nasa Tagaytay ka ba?”
“Wala. Pauwi ako sa Cubao galing Bulacan. Bakit?”
“Okay, good. Can we meet? Kahit sa Gateway.”
“Bakit nga?”
