Ang sabi ni lolo Milo ay ipinatawag niya kaming lahat para magkausap at maayos ang ano mang gusot sa pamilya, ngunit sa huli ay hindi rin kami nakapag-usap ng maayos. Masyadong okupado ang isip namin ng mga sinabi ni Lucy tungkol sa pagsasama nila ni Dom. Maging si tita Maricel ay hindi na nakausap ng maayos. Nakauwi na lang kami ni Damian sa mansion pero hindi na kami nagkaroon pa ng pagkakataon na makausap ng masinsinan ang mga magulang niya. Ang mga rebelasyon ni Lucy ay labis na naka-apekto sa aming lahat. Para kaming naubusan ng lakas. Hindi na namin alam kung paano ipo-proseso ang mga nalaman. Nagkaroon lang ako ng maliit na pag-asa nang lapitan kami ng mga magulang ni Damian at sabihing isang araw ay bibisita sila sa amin.
Ang isip ko ngayon ay okupado ni Dom. Hindi ko alam kung an
