Napatigil ako sa paghakbang nang mamataan ko si Jona sa lobby ng hotel. Maging si Damian naman ay napahinto at nilingon ako. Nagtataka na sinundan niya ng tingin ang babae na pinagmamasdan ko. Sakto naman na napalingon sa akin si Jona at nanlaki ang mga mata niya pagkakita sa akin. Napanganga pa siya at halata ang pagpa-panic niya. Balak ko sana siyang kausapin pero mabilis siyang humakbang paiwas. Hindi pa man siya nakakalayo ay narinig ko ang boses ng isang lalaki na tumawag sa kaniya.
“Babe, let’s go!”
Naagaw ng lalaki ang atensyon ko, maging ni Damian na rin. Alumpihit na lumapit si Jona dito habang manaka-nakang sumusulyap sa amin. Sa tantya ko ay malaki ang pagitan ng edad ni Jona at ng lalaki na kasama niya. Siya nga ba ang boyfriend ni Jona? Muli kon
