Hindi ako mapakali habang nakaupo sa malawak na kama ng hotel na kinaroroonan ko. Pinagmamasdan ko sina ate Vicky at Nanay na nag-aayos ng mga gamit namin. Isa-isa nilang inaalis ang mga dalang damit mula sa malaking bag na bitbit nila. Nandito na kami sa Quezon at bukas na ang kasal namin ni Damian. Kanina lang ay kasama ko siya at ang pamilya niya na bumyahe papunta dito. Sa isang hotel malapit sa simbahan kung saan idaraos ang kasal kami tumuloy, at dito na lang ako tinagpo nila nanay. Dahil sa mga pamahiin kaya sa magkaibang kwarto kami ni Damian tumuloy. Ayaw ko man aminin pero lalo iyong nakadagdag sa kaba ko. Sa katunayan ay nanlalamig na ang mga kamay ko sa nerbiyos.
“Sigurado ka na ba Vicky na kumpleto itong mga gamit natin? Baka bukas ay saka tayo paspasan ng pagh
