Matapos ang masayang bakasyon namin ni Damian sa probinsya ay kinailangan na naming bumalik sa Manila. Kailangan na naming harapin ang reyalidad namin. Hindi maalis sa akin ang kaba sa bawat araw. Takot ako na baka bigla na lang dumating si tita Maricel at mga magulang ni Damian at ipagtaboyan ako. Ang tangi ko na lang pinanghahawakan ay ang pangako ni Damian na aayusin niya ang sitwasyon namin.
Sa pagbalik namin ay masaya kaming sinalubong nila aling Neng at Jessica. Ang totoo ay nahihiya ako sa kanila pero napansin kong wala namang nagbago sa pakikitungo nila sa akin.
Hanggang sa lumipas ang ilang linggo pero wala akong naging balita sa pamilya ni Damian. Hindi din siya masyadong nagkukwento tungkol sa kanila kaya hindi ko maiwasang mag-alala. Paano kung tuloyan na silang nagkaroon ng
