THE DAWN OF LOVE CHAPTER 32 Best Teen Romance Novel by: Joemar Ancheta Lumabas ng classroom si Faye pagkatapos niyang kaming titigan ni Saira. Masakit ang tinging iniwan niya sa amin. Tumayo din si Saira at iniwan doon ang ibinigay kong chocolate at red rose. Naiwan ako. Palakpakan pa rin ang aking mga kaklase na may halong hiyawan. Humihirit sila ng isa pa raw na kanta. Nilingon ko ang dalawang bestfriend kong lumabas sa pintuan ng aming classroom. Mabilis na kumilos ang paa kong sumunod sa kanila. "Saira, wait!" sigaw ko. Hindi siya lumingon. Hinahabol niya si Faye at ako ay humahabol din kay Saira. Sa mga sandaling iyon, walang humahabol sa akin. Walang nagsasabing kailangan kong panindigan ang gusto ko. Nagmumukha tuloy na hinahabol ko silang dalawa. Nakatingin sa amin ang ib