CHAPTER 31
"Saira, God bless daw sa exam saka ipinamimigay ni Philip ito sa'yo," bulong ng kaklase naming si Glory. Sabay kaming lumingon ni Saira sa kinaroroonan ni Philip. Kumindat pa ito saka ngumiti kay Saira. Kinutuban ako ng hindi maganda. Ito na nga ba ang sinasabi ko e.
"Nagpapacute lang ang putcha!" Bulong ko sa aking sarili.
Hindi na puwede ito.
Hindi ako makapapayag.
Kailangang may gagawin na ako bago mahuli ang lahat.
"Thank you." Sagot ni Saira kay Glory nang tinanggap niya ang ibinigay ni Philip.
"Tatanggapin mo talaga?" tanong ko. Halatang naiinis.
"Bakit hindi, chocolate lang ito. Kahit sino dito sa mga kaklase natin, puwede akong magbigay ng chocolate na walang malisya.”
“Sa iba oo, sa kanya alam mong may malisya ‘yan. Gusto ka no’n e.”
“Bakit ka ba kasi nagkakag
