CHAPTER 17
Inilahad niya ang kamay niya. Naisip ko ang itinuro ni Saira sa amin na goodbye handshake. Tinanggap ko ang kamay niya. Hinila namin ang aming palad habang nakakuyom ang mga daliri. Nang maglapat ang mga daliri naming nakakuyom ay saka namin pinagtagpo ang aming mga hinlalaki. Naramdaman ko ang panlalamig ng daliri niya ngunit may namumuong pawis sa kaniyang noo. Pinagdadaanan ba niya ang madalas na nararamdaman ko?
Laging ganoon kami ni Faye kung dadalawa lang kaming magkasama. Nagkakahiyaan. Ngunit kapag nandiyan si Saira, buo ang saya. Walang ilangan sa pagitan namin. Malaya naming naihahayag ang gusto naming sabihin at naikikilos ang gusto naming gawin.
Bago ang graduation namin sa Elementary at pagkatapos ng dalawang magkasunod na araw na absent si Saira ay naging mas
