CHAPTER 24
Huminga ako ng malalim. Nakaramdam na din ako ng pagod. Umalis ako sa umpukan nila at umupo sa di kalayuan. Hindi ko pa rin kasi talaga kayang makipagsabayan sa ganoon. Mahiyain pa rin ako at mas gusto ng tahimik. Nakikita ko pa rin ang tingin ng tao sa pamilya namin ni Faye. Tama na siguro na naipapadama ko ang pagmamahal at pasasalamat ko sa kabutihan ng mga magulang ko ngunit hindi ko pinangarap na magiging ganoon kagulo ang buhay ko. Gusto ko pa rin yung simpleng buhay. Hindi artista, hindi kakaiba. Gusto kong ordinaryong pamilya lang. Ayaw ko yung ibang-iba na klase ng pamilya tulad ng pamilya ni Faye at pamilya ko. Kung magkakapamilya ako, gusto ko yung simple at karaniwan lang. Tinignan ko si Saira, ang kagaya niya ang gusto ko at pinapangarap kong makasama ngunit na
