رواية ارحم قلبي

الفصل الثاني

رواية ارحم قلبى

البارت الثانى

كريم / مليكة جاية حالا ويارا بنت اخويا فى الكافيه وجاية فى الطريق

مليكة بتدخل الصالون وكان الشمس هى اللي دخلت دخلت ببشرتها البيضاء والشعر الاسود الحريرى الطويل والعيون العسلية

وفستانها الطويل شبه فستان سندريلا الازرق فى الحفلة

مليكة بابتساة / السلام عليكم

جمال وكريم / وعليكم السلام ورحمة الله وبركاته

جمال بانبهار / اكيد دى مليكة ما شاء الله شبه نور اوى

كريم بيبص لمليكة بابتسامة / ايوااا فعلا هى شبه نور الله يرحمها

مش بيقولوا البنت تطلع لامها

جمال بصراحة / انا هطلب مليكة لابنى يا كريم

كريم بابتسامة واتسعت عيونه فرحة واتصدمت مليكة من اللي سمعته

مليكة / بس يا عمى انا مش عايزة اتجوز انا فى اخر سنة من كلية الفنون جميلة وعايزة استغل

وكمان انا معرفش ابن حضرتك غير واحنا صغيري

جمال مقاطع / مفيش مشكلة تقدرى تشوفيه الاول تمام

مليكة بمزاح / عمى على فكرة انا عندى بنت عمى مصطفى الله يرحمه احلا منى ميه مرة

جمال / تؤ تؤ مفيش احلا منك انتى نسخة تبقى الاصل عن والدتك نور

كنا بنتخانق عليها انا وابوكى واحنا صغيرين ههههه

كريم ومليكة بحزن / الله يرحمها

جمال بحب وتلطيف الجو / بقا عندى فضول مميت ااشوف بنت عمك دى ههههه

مليكة بابتسامة ولسه هتتكلم لاقتصوت

انا جيييييت

الكل بيبصوا بيلاقوا يارا

مليكة بتروح عليها وبتقول / حمدلله على سلامتك تعالى اقعدى معانا ده عمى صاحب بابا من زمان ولسه راجع من امريكا

يارا / هطلع بس اغير هدومى وانزل

يارا بتذكر / اه صحيح احنا معزومين بالليل على العشا

مليكة بتساؤل / مين اللي عازمنا

يارا / تعالى معايا وهقولك

مليكة / لا قولى هنا محدش غريب ده عمى وده ابويا

يارا / خلاص انا هطلع اغير هدومى وهروح جميلة عازمانا على العشا فى مطعم كده شكله راقى فقالتلى اقولك

مليكة / ما انتى عارفة انى مبخرجش بالليل غير على البحر برسم الغروب وارجع تانى

واحيانا بخرج لما يكون عندنا حفلة بس كده

يارا / انتى حرة براحتك انا هخرج

مليكة ابقى اعتذريلى منها تمام

يارا / تمام وسابتهم وطلعت

مليكة باستاذان / بابا عن اذنك انا هخرج هروح البحر دلوقتى عشان متاخرش بالليل

كريم / تمام

مليكة بتبوس ايديه / حاضر يا بابا وبتسيبه وبتروح تبوس ايدين عمها وبتمشى

كريم وجمال / ربنا يبارك فيها

كريم / يارب

جمال / مينفعش كده يا كيمو انت عارف من زمان ان مليكة لمازن ومازن لمليكة عايزين نحاول نقربهم من بعض شوية

كريم بمزاح / كيمو احنا مش كبرنا على الدلع ده ولا ايه يا جيمى ههههه

جمال / ههههههه مش هتتغير هتفضل طول عمرك مضحك هههههه

فى الشركة

مازن بامضاء الورق / انا عايز ورق اخر صفقة اتعملت يا سها تمام

سها / حاضر يا فندم تحت امرك

مازن / تمام

سها / تامرنى بحاجة تانية يا فندم

مازن لا شكرا انا نازل همشى بقا

سها / تمام اتفضل

وخرج من الشركة

عند يارا

يارا بتجهيز لعزومة العشا / انا كده بقيت تمام بس ناقص حاجة واحدة

يارا بتفكير / اه خاتم من حاجات مليكة لانى عايزة حاجة تليق على الفستان ده

ومفيش غير الرقيق بتاع مليكة

وبتروح اوضة مليكة وبتفتح دولابها بتلاقى صندوق المجوهرات بتفتحوا بتلاقى خاتم فضة شكله رقيق اوى

فيه فصوص فضية وفيها لمعان

اخدته لبسته وخرجت بره

كريم / انتى ماشية يا بنت الغالى

يارا / ايواا يا عمى ومش هتاخر

كريم / تمام

يارا / انا هخرج مع السواق مش لوحدى عشان متقلقش عليا

كريم / تمام

وخرجت وسابته

على البحر

قاعدة على كرسيها بترسم الغروب وقدامها بورتريها الخاص بالغروب

ومش واخدها بالها من اللى واقف بعيد ومراقبها

مازن / يا سبحان الله اد ايه مليكة جميلة قاعدة وكانها عروسة البحور

مازن لنفسه / هى مش ناوية تروح بقا المعاد فاضل عليه نص ساعة لازم امشى

وساب عروسة البحر ومشى فى طريقه للمطعم بعد جاله امل انه هيشوفها فى نفس اليوم ده وفى نفس المكان

فى المطعم

يار قاعدة بملل وكل شوية تبص فى الساعة / ايه قلت الذوق دى

لا انا كده همشى بقا

مازن بينهج / معلشى اسف اتاخرت عليكى امال فين الانسة مليكة

يارا بزهق وبتقول لنفسها / يووووه كل شوية مليكة مليكة

يارا لمازن / مليكة تعبت فجاااة ومقدرتش تيجى

مازن بامل ولنفسه / انا حاسس انها جاية مش عارف ليه

عند البحر

مليكة بيجى على بالها جمية فجاااة وبتقول / انا لازم اعتذرلها على عزومة العشا

مليكة باتصال / يلا يا جميلة ردى عليا

جميلة / السلام عليكم

مليكة / وعليكم السلام ورحمة الله وبركاته انا اسفة جدا جدا عشانة مجيتش

مع يارا بس انتى عارفة انى مبخرجش غير عشان الحفلات والبحر والكلية بس

جميلة / انا مش فاهمة حاجة يارا مالها

مليكة / مش انتى قلتى ليارا انك عازمانا انهاردة على العشا

جميلة / محصلش والله

مليكة بتقوم من مكانها بقلق / ايه امال هى راحت فين

جميلة / استنى انا هتصل بيها وهقولك

مليكة / تمام متتاخريش

جميلة / تمام ومتتصليش بيها انتى

وقفلت

عند يارا

يارا بشكر / شكرا جدا على العشا الجميل ده ده حتى الاكل شكله يفتح النفس

مازن بابتسامة / بالهنا والشفا

يارا بتبص على موبايلها بتلاقيه بيرن معلن اتصال من جميلة فبتقفل

مازن / مرديتيش ليه يمكن تكون حاجة مهمة

يارا / لا عادى دى صديقة مليكة معاها فى الكلية

مازن / اه تمام

وبيرن تانى

يارا بزفر / اووف عن اذنك لازم ارد

مازن / اه طبعا اتفضلى

يارا بتطلع بره بق*ف / ايه يا بنتى انا معزومة بره وانتى نازلة رن رن بتتصلى ليه صاحبتك على البحر

جميلة / انتى فين

يارا / انا فى مطعم اسمه

واديتها العنوان ويارا قفلت وجت تدخل خبطتت فيه شاب

يارا / مش تحاسب

الشاب / انا اسف مكنتش اقصد

يارا من غير ما تبصله / طب ابقا خد بالك بقا يا استاذ

الشاب / حاضر

ولفت عشان تشوفه ملقيتهوش شافته من دهره

مليكة / قليل ذوق

عند مليكة

جميلة بتتصل على مليكة وقالتلها العنوان وهى فى طريقها للمطعم

مليكة باتصال / بابا انا مع عم ابراهيم هروح اجيب يارا وهنرجع على البيت

كريم / تمام متتاخروش انتى عارفة انى مقدرش انام من غير ما اشوفكوا

مليكة / حاضر

وراحتلها المطعم

السؤال

مليكة هتعمل ايه

ورد فعل يارا ومازن

مين الشاب اللي خبط فى يارا وهل عن طريق الصدفة ولا قصدا

وايه اللي هيحصل بعدها

استنوا البارت الثالث باذن الله