عشقتكى يا عهدى

الفصل الثالث

وذهب ليث أيضا إلى منزله بينما على الجهة الأخرى فى منزل عهد دخلت عهد غرفتها وبدلت ملابسها وتوضت وادت فريضتها وذهبت إلى البلكونة وجلست على الارجوحة التى تشبة الكرسى وشردت فى الماضى قطع أفكارها رنات هاتفها عهد بسعادة وتفتح الفديو كول : يوسف وحشتنى اوى .

يوسف : وانتى كمان يا حبيبتى انتى عاملة اية .

عهد : تمام واية أخبار إيمان واحمد .

يوسف : كويسين وبيسلموا عليكى .

عهد : أن شاء الله قريب هترجع بلدك يا جو انا انتهيت من حازم الاسيوطى خلاص وقريب اوى هرجعك .

يوسف : كنت واثق انك هتنهى كل حاجة تلمذتى بأه هههههه .

عهد بضحك : اه مهو باين صحيح فى مهمه جديدة انا خدتها وشكلها صعبه اوى علشان جيبين معايا رائد اسمه ليث وبيقولوا قوى بردك .

يوسف : تمام ابقى قوليلى على المهمه وانا هعرفلك اية الثغور إلى فيها .

عهد : تمام ابقى سلملى على ايمى وحمادة .

يوسف : ماشى يا حبيبتى وخلى بالك من نفسك سلام .

عهد : سلام .

أغلقت عهد هاتفها وذهبت لنوم بينما ليث جالس على سريرة ويفكر فى من سلبت تفكيرة منذ الوهلة الأولى.

ليث محدثا نفسة : عملتى فيا أية يا عهد بقيتى مسيطرة على افكارى شكلى وقعت ولا أية ويا رب تنسى إلى انا عملته . وذهب فى ثبات عميق ليحلم بها .

فى صباح يوم جديد استيقظ كلا من عهد وليث وذهبوا إلى المقر .

وصل ليث وذهب إلى مكتب اللواء وبينما هو فى طريقة وجد اشرف يرسم ابتسامه إلى شخص ما خلفة التفت ليجدها عهد وهى فى كامل اناقتها وهيبتها تتجه نحوة بينما ذهب إليها اشرف .

اشرف : أهلا يا انسه عهد انا اشرف رائد هنا واعتبرينى صديقك من دلوقتى .

نظر عهد له وقالت : وانا مبحبش أصاحب حد والتزم حدودك .

اشرف : طب لية دا انا ممكن اخدمك فى اى وقت .

عهد بإشمئزاز من كلامه : انا قولت قبل كدا انى مش محتاجة حاجة عن اذنك . وذهبت عهد من امامه وهذا الحديث كان تحت أنظار ليث الذى كان يود لو يقتل اشرف . بينما اشرف بعدما ذهبت عهد : هتبقى ليا قريب اوى يا عهد انتى خلاص دخلتى دماغى وذهب .

دخلت عهد إلى المكتب ودخل ليث بعدها والقوا التحية .

اللواء : اتفضلوا على الطربيزة علشان اوريكم المهمه على الشاشة .

اللواء : دا راغب مهران من كبار تجار المافيا وفى عملية خطيرة هيعملها قريب ومحدش عارف ليه اى نقطه ضعف المطلوب منكم معرفه معاد العملية والقبض على راغب .

عهد : تمام يا فندم دلوقتى انا وليث باشا هندرس العمليه .

وذهب ليث وعهد من مكتب اللواء ليث ينظر إلى عهد وهم يسيرن وقال : تحبى تيجى مكتبى ندرس المهمه .

عهد : تمام موافقة .

ذهبت عهد إلى مكتب ليث وجلسوا .

ليث : تحبى تشربى ايه .

عهد : قهوة لو سمحت .

طلب ليث القهوة وبدئوا فى دراسة المهمه .

ليث : طب احنا هنوصله اذاى اما ملهاش فى السهر ولا النسوان .

عهد : اكيد راجل شكله مبيحبش السهر ولا النسوان يبقى فى حاجة منعاه .

ليث معجبا بتفكيرها : هايل انتى ذكيه جدا .

عهد : شكرا طب دلوقتى انا لازم امشى وبكرا نتجمع وهكون عرفت السبب .

ليث : اذاى هتعرفى .

عهد : دى حاجة تخصنى بأه سلام .

ذهب ليث وعهد إلى سيارتهم ليث : عهد ينفع اعزمك على الغدا .

عهد : انا مبتغداش مع حد .

ليث : طب ينفع رقم تليفونك .

عهد : ليه .

ليث : احطياطى يمكن اعوز حاجة .

عهد بتفكير : تمام واعطته الرقم وقالت : سلام .

ذهبت عهد إلى المنزل وذهب ليث .

عهد بعد وصولها للمنزل وارتدت بيجامه جميله جدا عليها ذهبت إلى البلكونة وامسكت تليفونها واتصلت بيوسف وأخبرته عن المهمه .

يوسف : عرفته لية نقطه ضعف .

عهد : تمام قول . وأخبرها يوسف بكل شئ .

عهد : شكرا يا يوسف .

يوسف : عهد خلى الخاتم فى ايد*كى متقلعهوش ابدا فاهمه

عهد : حاضر انا بلبسه فى كل وقت متخافش سلام .

يوسف : سلام .

الخاتم إلى فى ايد عهد لونه احمر يوسف اداه لعهد فى اول زيارة لها له فى اسبانيا الخاتم فيه ميكروفون و GPS للإطمئنان عليها فى المهمات .

تانى يوم ذهبت عهد إلى المقر وليث أيضا اجتمعوا.

ليث بإعجاب من اناقتها : صباح الخير .

عهد : صباح النور .

ليث بجديه : عرفتى حاجة عن المهمه .

عهد : اه عرفت راغب اتجوز قريب من بنت اسمها ليلى بنت فقيرة وبيحبها جدا واتجوزها غصبن عنها علشان هوة خ*ف أبوها وامها وبيهددها بيهم فدلوقتى هنخلى ليلى تساعدنا فهمنى طبعا .

ليث : تمام معلومات هايلة طب احنا اذاى هنوصل لليلى .

عهد : ليلى وراغب هيروحوا النهاردة مطعم اسمه ...... وفى الوقت دا احنا هنبقى هناك وانا هتنكر فى لبس جرسونه وهحاول اتكلم مع ليلى وانت هتبقى قاعد بتراقبنى علشان لما اخلص هتوصلنى تمام .

ليث : خطه ممتازة انتى بجد كينج .

عهد ببتسامه لأول مرة : شكرا .

نظر لها ليث كثيرا والى الإبتسامه التى خ*فت قلبه .

عهد : انا هقوم ادرب شوية قبل ما نروح المطعم عن اذنك .

ذهبت عهد لتدريب فى قاعه مخصصه لها نظرا أن كل المقر ضباط .وذهب ليث أيضا للتدريب .

فى أثناء التدريب اتجه اشرف إلى مقر تدريب عهد . وليث يتابعه وشعر بنار تغلى فى عروقة وكاد أن يذهب إلية لكى يقتله ولكن امسكه كرم : انت شكلك واقع يا ليث .

ليث :قصدك اية.

كرم : انت شكلك بتحب عهد .

ليث : ايوة بحبها يا كرم من اول مرة شوفتها فيها .

كرم : طب مستنى اية متقولها .

ليث : مينفعش هيا اصلا مش مش طيقانى .

كرم : اذاى يعنى . قص عليه ليث ما حدث .

كرم : اه علشان كدا خلاص حاول فى المده إلى هتخليها معاك فى المهمه تخليها تحبك .

ليث : وانا هعمل كدا .

عاد ليث تفكيرة وتذكر اشرف .

ليث : انا رايح اقتل اشرف اذاى يدخل عندها كدا ودا م***ع .

كرم : اصبر يا ليث هضيع نفسك علشان واحد شكل دا اصبر وشوف عهد هتعمل ايه دى فى الاول والاخر الكينج .

ليث : تمام بس يطلع بس وانا هشوف حسابى معاه .

دخل اشرف عند عهد .ونظر إليها وانبهر من شكلها كانت ترتدى ترينج اسود مكون من بنطال اسود وبلوزه بكات وربطه شعرها ذ*ل حصان .

اشرف بإنبهار : انتى جميلة اوى .

نظرت عهد له بغضب وارتدت الجاكت الخاص بترينج وذهبت له .

عهد بغضب : انت اذاى تدخل المقر بتاعى .

اشرف : كنت جاى اشوفك عاوزة حاجة .

عهد : وانت مالك بيا .

اشرف بإبتسامه خبيثة : معجب .

عهد نظرت له وجاءت فى بالها فكره : انا حاليا بلعب بو** وكنت عاوزة ادرب فى حد قصدى مع حد ينفع تلعب معايا .

أشرف : موافق بس انا العب معاكى براحه علشان انا بحترم البنات الحلوين إلى ذيك .

عهد بإبتسامه نصر : تمام نبتدى بأه.

خلع اشرف الجاكيت خاصته وبدأ فى الهجوم وعهد تصد بعد مرور خمس دقائق من هجوم اشرف لاحظت عهد أن اشرف تعب ودا إلى هيا عاوزاه فبدلت من وضع الصد إلى وضع الهجوم وبض*بة واحدة سقط اشرف على الأرض وبدأت بض*بة فى اماكن متفرقة من جسدة لتشل حركته وبالفعل لم يعد اشرف قادر على النهوض فسحبته عهد وقذفته خارج منطقة التدريب خاصتها ليجتمع حوله الضباط .

أحد الضباط بإستغراب : هوة حصل أية يا عهد باشا .

عهد موجهه كلامها للجميع : دا جزات إلى يخالف أوامر الكينج ولو مش عارفين مين الكينج اسألوا عليا فى اى دوله . وتركتهم وغادرت .

بينما على الجانب الآخر كرم ببعض الخوف : مش قولتلك دى الكينج برده وملقتش غير عهد وتحبها انت اكيد مجنون .

ليث بحب : ايوة بحبها وهخلينى احبها اصدق انا كنت هربى اشرف بعد ما يخرج بس مش لاقى فية حته سليمه .

ضحك كرم وليث .

ليث : انا ماشى بأه علشان ورايا مهمه باليل .

كرم : تمام .

بدلت عهد ملابسها وخرجت من المقر إلى سيارتها وفى نفس الوقت خرج ليث إلى سيارته أيضا.

ليث : عهد هو اشرف ضيقك فى حاجة .

عهد : اكيد امال انا عملت فيه كدا ليه .

ليث : دا ممكن يشتكى اهله مش شوية فى البلد .

عهد : يعمل إلى هوة عاوزة ولا اهلة ولا اى حد يعرف يعمل حاجة للكينج .

ليث بحب : يعنى قمر وكمان كينج دا كتير عليا .

عهد بإبتسامه سلبت قلبه : انا ماشية بأه سلام .

ليث بهيام : سلام .

ذهب كلا منهما إلى البيت . عهد جالسة على سريرها وتفكر فى المهمه قطع تفكيرها رنات هاتفها .

عهد : الو مين معايا .

ليث : انا ليث هوة انتى مش مسجله رقمى .

عهد : حاضر هسجلة كنت عاوز حاجة .

ليث : هوة انتى هتروحى المطعم الساعة كام .

عهد بإستغراب : على الساعه ٩ .

ليث محاولا أن يطول فى الكلام : طب وانا اجى الساعه كام .

عهد : برحتك.

ليث : يعنى على كام كدا .

عهد : الساعة ١١ مثلا .

ليث : خلاص ماشى شكرا ابقى سجلى رقمى بأه .

عهد : تمام سلام .

ليث : سلام .

وبعد خمس دقائق رن هاتف عهد .

عهد : الو .

ليث : كنت بتأكد سجلتى الرقم ولا لأه .

عهد وعرفت ما يحاول أن يفعله ليث : اقفل بس وانا هسجله علطول .

ليث : ماشى سلام يا كينج .

عهد : سلام .

وبعد عشر دقائق رن الهاتف مرة أخرى عهد وعرفت أنه ليث .

عهد : ايوة يا ليث عاوز حاجة .

ليث : هوة الاكل حلو فى المطعم دا .

عهد : معرفش .

ليث : طب انتى هتنامى .

عهد بإبتسامه : اه هنام شوية .

ليث : ماشى تصبحى على خير .

عهد : وانت من اهلة سلام .

ليث : سلام .

بعد أن أغلق ليث الخط شرد فى أفكاره وقال : انا شكلى عديت مرحلة الحب معاكى يا عهد ويا ترى هتعملى فيا أية تانى .

فى المساء ذهبت عهد إلى المطعم وارتدت لبس الجرسونه بينما ليث ذهب بدرى إلى المطعم وجلس قريب من طربيزة راغب ووضع سماعه فى أذنه مثل عهد لتواصل معها .

وبعد مدة وصل راغب وليلى إلى المطعم وحولهم حراسة .

عهد فى طريقها إليهم وعندما رأها ليث نظر لها بهيام وفتح السماعه وقال : انتى جميلة حتى وانتى جرسونه .

عهد على الجهه الأخرى ابتسامت ابتسامه خفيفة وسرعان ما اخفتها وذهبت إلى راغب وليلى .

عهد : تحبو تشربوا أية.

راغب : اتنين عصير .

ذهبت عهد وحضرت العصير وأعطت راغب كوباية وتوجهت بالأخرى إلى ليلى واوقعتها عليها .

ليلى وقفت فجأه . راغب : انتى كويسة يا حبيبتى راغب موجها كلامه لعهد : انتى مبتشوفيش .

عهد : آسفة يا فندم تعالى معايا يا مدام وانا هنضفهولك .

ليلى : حصل خير مش مشكله .

راغب : انتى كويسة .

ليلى : ايوة .

عهد : شكل الباشا بيحبك اوى .

راغب وقد اعجبه ما تقوله الجرسونه لانها تعبر عن حبه لليلى .

راغب : قومى معاها يا ليلى الحمام وهيا هتنضفلك كل حاجة .

ذهبت ليلى مع عهد واول ما دخلم .

عهد : ليلى انا الرائد عهد وجاية علشان انقذك من راغب .

ليلى : بجد بس المشكله انوا واخد اهلى وانا معرفش فين مكانهم .

عهد : متخافيش انا هعرف كل حاجة بس اسمعى كدا المكرفون دا حطيه فى هدومك وانا هسمع بيه كل حاجة .

ليلى : حاضر بس انا هوصلك اذاى .

عهد : متخافيش أول ما تعوزينى هتلاقينى عندك .

واخذت عهد ليلى إلى راغب مرة أخرى .

عهد : مراط حضرتك قمر يا فندم حافظ عليها .

راغب بحب : طبعا دى فى عنيا صحيح انتى شغاله هنا علطول .

عهد : لأه دا اول يوم ليا .

راغب : طب ما تيجى تشتغلى عندى .

عهد : معلش يا فندم مينفعش انا هتخطب قريب وكدا كدا انا هسيب الشغل بس لو حضرتك عاوزنى فى اى حاجة رقمى اهوة .

راغب : تمام شكلك طيبه وهكلمك .

عهد : تمام يا باشا .

خلصت السهره وودعت عهد ليلى وراغب وبدلت ملابسها وذهبت فى الطريق وظلت تمشى إلى أن تأكدت ان لا أحد يمشى وراءها اتصلت بليث وبعد دقائق وصل ليث بسيارته وركبت عهد .

ليث : تمام عملتى كل حاجة تمام .

عهد : الحمد لله اطلع يلا .

اوصل ليث عهد . عهد لسه هتنزل مسك ليث يدها .

ليث : عهد هوة انتى لسة زعلانه من إلى انا عملته . وطرق يدها .

عهد : لأه خلاص يا ليث مسمحاك .

ليث بسعادة : بجد حيث كدا بأه هعزمك على الغدا امته .

عهد : انا اه سمحتك بس انا قولتلك انى مبتغداش مع حد معرفهوش .

ليث : طب فكرك فى المستقبل ممكن ترضى .

عهد بابتسامة: يمكن سلام .

وذهبت عهد إلى منزلها وذهب ليث

بعد مرور ايام وعهد وليث يستمعون إلى راغب وليلى وفى أحدى الأيام .

عهد وهى تسمع راغب وليلى .

راغب : ليلى انا بحبك جدا انا عارف انى اتجوزتك غصب عنك بس انا مصورش نفسى من غيرك .

ليلى : بس انت خ*فت اهلى .

راغب : اهلك كويسين وانا مخبيهم فى مكان وبجبلهم إلى هما عاوزينوا .

أطفأت عهد جهاز الاستماع وظلت شاردة فى حب راغب لليلى .

أمرت عهد أحد الضباط بمراقبة راغب طول اليوم وجاء لها الاتصال .

الضابط : عهد باشا انا لقيت أهل ليلى .

عهد : طب قولى العنوان .

أخذت عهد العنوان واتصلت بليث .

ليث : الكينج ذات نفسة بيتصل بيا .

عهد : ليث عاوزة اقبلك .

ليث بسعادة : اى وقت تحبيه تحبى دلوقتى انا موافق .

عهد : اوك ماشى نتقابل بعد ساعة قدام بيتى .

ليث : مسافة السكه.

انتهى ليث من ارتداء ملابسه وذهب إلى منزل عهد وكانت عهد فى انتظارة وركبت سيارته .

عهد : ليث انا عرفت مكان أهل ليلى .

ليث : تمام طب هنعمل أية دلوقتى .

عهد : اطلع على واملته العنوان ،

ليث : طب هنعمل أية هناك دلوقتى .

عهد : لازم اشوفهم وادرس المكان علشان نعرف اذاى هنهربهم .

ليث : تمام يلا .

انطلق ليث إلى العنوان ونزل من سيارته ونظر بصدمه إلى المكان، فكان المكان عبارة عن فيلا كبيرة ويوجد عليها حراسه فى كل مكان وبرج كبير يوجد عليه حارسان وقناصة وسور كبير حول هذة الفيلا .

ليث : عهد متقوليش انك هتدخلى المكان دا لوحدك .

عهد : اكيد لازم ادخل يا ليث أهل ليلى جوا وانا لازم اشوف المكان علشان اعرف اهربهم وقت العملية .

ليث بجديه : طب خلاص هدخل انا .

عهد : بس انا لازم ادخل يا ليث لازم اتكلم مع أهل ليلى .

ليث : بس دا خطر عليكى هتدخلى اذاى دا محصن اوى ممكن يحصلك حاجه .

عهد : ليث انا حاليا مش عهد البنت الرقيقة الجميلة انا الكينج يا ليث ودخلت قبل كدا أماكن محصنه اكتر من دى .

ليث بحب : طب خلى بالك من نفسك ولو حصل حاجة اتصلى بيا علطول .

عهد بابتسامة: حاضر .

وذهبت عهد قفذت عهد من على السور بحتراف وعدت من البرج ودخلت الفيلا من دون أن يراها أحد ودخلت على أهل ليلى .

والد ليلى بإستغراب : انتى مين .

عهد : انا الرائد عهد جيت هنا علشان اخركم من هنا .

والده ليلى : بس ليلى يا بنتى دى عند راغب .

عهد : عارفة وههربها هيا كمان بس عاوزة اسألكم سؤال هو راغب بيعاملكوا اذاى .

والده ليلى : الكدب خيبه يا بنتى هوة بيعاملنا كويس جدا وكل إلى هنا بيعملونا ذى الملوك ومش ناقصنا اى حاجة .

عهد : متأكدة .

والد ليلى : ايوة يا بنتى وبيجى كمان يشوفنا كل اسبوع ويطمن علينا .

عهد بتفكير : خلاص ماشى انا وقت العملية هقبض على راغب وههربكم من هنا انتوا وليلى معاكوا متخافوش انا لازم امشى دلوقتى سلام .

والد والده ليلى فى نفس الوقت : سلام .

خرجت عهد من الفيلا كما جاءت ولم يشعر بها أحد ووصلت سيارة ليث وركبت وانطلق ليث إلى منزل عهد .

ليث عند وصولهم المنزل : عملتى اية .

عهد : كله تمام ووقت العملية هبعت فريقى يهربوهم .

ليث : بس اعترف انتى مش حلوة بس انتى كمان رائعة فى الدخول .

عهد : علفكرة انت لسة مش مستوعب أن انا الكينج .

ليث : بصراحة انا اول مرة اشوف كينج بالحلاوه دى .

عهد بخجل : شكرا سلام بأه نجتمع بكرا فى المقر علشان نسمع التسجيل .

ليث : ماشى سلام .

نزلت عهد من السيارة وذهبت إلى المنزل وانطلق ليث إلى منزله .

فى الصباح ذهبت عهد إلى المقر وليث أيضا ، وصلت عهد إلى المقر فى وقت وصول ليث .

ليث بإعجاب : صباح الخير .

عهد : صباح النور .

ودخلت عهد وليث إلى المقر وفى طريقها رأت اشرف .

اشرف : هدفعك التمن غالى يا عهد .

ليث بغضب : انت اذاى . عهد مقاطعه ليث : اولا انا مش عهد انا الكينج يا اشرف الكينج إلى بيخافوا منه والى بيعملولو الف حساب وانا مبتهددش .

وذهبت عهد ، نظر ليث إلى اشرف نظرة استحقار وذهب هو أيضا إلى عهد ، دخلت عهد غرفه التسجيلات وايضا ليث .

ليث : انتى اضيقتى ولا حاجة يا عهد .

عهد : لأه عادى يلا نسمع التسجيلات بأه .

ليث : يلا .

وعلى الناحية الأخرى عند قصر راغب .

صعد راغب إلى غرفة ليلى ودق الباب وسمع صوت ليلى تأذن له بالدخول .

راغب بحب : ينفع اقعد اتكلم معاكى شوية .

ليلى بإيماء : اتفضل .

راغب : ليلى انا بحبك جدا مش بحبك بس انا بعشقك انا اتجوزتك غصب عنك علشان انا مقدرش اتخيل انك تكونى لواحد غيرى و مقدرش اصور نفسى من غيرك انا اسف على كل إلى عملته فيكى ونفسى تدينى فرصة تانية وتحاولى تفتحى قلبك ليا ومش هتندمى اسمعى يا ليلى انا عندى عمليه كبيرة هعملها قريب وهخلصها وهخدك ونسافر برا وهعيشك احلى حياه .

ليلى : راغب هوة انتى ينفع تسيب شغل المافيا علشانى

راغب : انا مش عاوز حاجة من الدنيا دى كلها غيرك .

ليلى : هوة العملية امته .

راغب : بعد بكرا .

ليلى : وانت هتعرف ردى بعد العملية هوة ينفع اطلب منك طلب .

راغب بحب : اؤمرينى .

ليلى : فاكر البنت إلى قبلناها فى المطعم .

راغب بتذكر :ايوة الجرسونه مالها .

ليلى : كنت عاوزة اشوفها هيا تنفع تيجى هنا اصل انا حبيتها اوى و عاوزة اتكلم معاها هيا بنت حكيمة وانا حابه اتكلم معاها ينفع .

راغب بإيماء : حاضر من عنيا هتصل بيها وهخليها تيجى .

وعلى الناحية الأخرى ليث وعهد يستمعون إلى كلام راغب ليلى .

ليث : دى عاوزاكى .

عهد : كنت عارفة .

ليث بإستغراب : طب هيا عاوزاكى فى ايه .

عهد : انا عارفه انا لازم اوضب نفسى علشان ارحلها سلام .

ليث : طب ابقى كلمينى لو حصل حاجة .

عهد : تمام سلام.

ليث : سلام . ذهبت عهد نظر ليث إلى أثرها وقال فى نفسة : نفسى تحسى بيا يا عهد انا قربت اتجنن بحبك .

وصلت عهد إلى المنزل وجاءها اتصال من راغب .

راغب : الو انا راغب باشا يا انسة انا إلى كنت فى المطعم فكرانى .

عهد : اه فكراك يا باشا حضرتك عاوز حاجة منى .

راغب : اه انا هبعتلك عنوانا فى رساله وعاوزك تيجى عندنا ليلى عاوزة تشوفك.

عهد : حاضر يا باشا مسافه السكه .

ذهبت عهد لإرتداء ملابس بسيطه لذهاب إلى قصر راغب ، وصلت عهد إلى القصر ودخلت وكان فى استضافتها راغب .

راغب : أهلا يا انسه .

عهد : اسمى عهد .

راغب : اسم جميل اتفضلى فوق الخدامة هتوصلك عند ليلى.

عهد : تمام يا فندم .

صعدت عهد إلى ليلى وأغلقت الباب ورائها فور وصولها .

ليلى : كويس انك جيتى يا عهد انا محتجالك اوى و محتارة.

عهد : عارفة يا ليلى انتى حبيتى راغب ومش عاوزة تخنيه .

ليلى ببكاء : ايوة ومش عارفة اعمل اية .

عهد اقتربت منها ومسحت دموعها : اسمعى يا ليلى انا عندى الحل وبعد العمليه هتعرفية .

ليلى : انا واثقة فيكى انك هتلاقى حل .

عهد : تمام العملية بعد بكرا وأن شاء الله هنقبض على الخلية وههربك انتى وعيلتك .

ليلى : ماشى .

عهد : انا ماشية بأه عاوزة حاجة .

ليلى : لأه سلام .

خرجت عهد من غرفه ليلى ونزلت وكان فى انتظارها راغب .

راغب : ليلى كويسة يا انسه عهد .

عهد : اه كويسه .

راغب : طب هيا كانت عاوزاكى فى أية.

عهد بتفكير فى مبرر : كانت بتستشرنى فى موضوع وكانت بتفضفض بالكلام عادى يعنى احنا شكل الصحاب .

راغب بإيماء : تمام لو عاوزة حاجة يا انسه عهد اتصلى بيا علطول .

عهد : حاضر يا فندم سلام .

ذهبت عهد إلى المنزل وبدلت ملابسها وظلت تفكر فى حل إلى أن توصلت إلى حل واتصلت بيوسف

عهد : الو اذيك يا جو .

يوسف : تمام يا قمر اكيد عاوزة منى حاجة .

عهد : اه عاوزة اطلب منك طلب .

يوسف : عارف انتى عاوزة أية وبتفكرى فى ايه وحاضر هعمله .

عهد : عرفت اذاى .

يوسف بإبتسامه : انتى نسيتى انى عارف تفكيرك كويس وكمان الخاتم إلى فى ايد*كى سمعت وعرفت منه العمليه كلها

عهد : فعلا احلى رزق انك عندك صاحب بيفهمك نعمه ولهى ههههه .

يوسف بضحك : عارف وهعمل إلى انتى عاوزاه .

عهد :شكرا يا يوسف علشان بتوقف دايما جنبى وبتثق فى قراراتى .

يوسف : طبعا يا حبيبتى انا بثق فيكى اكتر من اى حد انتى اختى واهلى كلهم قبل ما تكونى صحبتي.

عهد بضحك : احنا هنقلبها دراما ولا أية أخبار إيمان واحمد أية.

يوسف بضحك : كويسين بيسلمو عليكى كتير .

عهد : سلملى عليهم كتير وقريب اوى هترجعوا مصر انا وضبت كل حاجة .

يوسف : تمام .

عهد : سلام بأه عاوزة انام .

يوسف : روحى اتخمدى يا اختى سلام .

بعد استيقاظ عهد من النوم جلست لتشرب النسكافية فى البلكونة وشردت فى مهمتها قطع افكارها رنات هاتفها .

عهد : الو .

ليث : صباح الفل .

عهد بضحك : صباح النور يا حضرة الرائد .

ليث : ولهى احلى صباح سمعته .

عهد : شكلك متحمس لعمليه بكرا .

ليث : اكيد علشان هبقى معاكى .

عهد : تمام .

ليث : ينفع اعزمك على الغدا بعد المهمه عاوزة اقولك حاجة مهمه .

عهد : هفكر .

ليث : برحتك لحد ما العمليه تخلص بس كدا كدا انتى هتتغدى معايا علشان لو رفضتى هخ*فك .

عهد : تخ*فنى لدرجادى لأه خلاص انا هفكر .

ليث : انتى بتعملى ايه .

عهد : قاعدة فى البلكونة بشرب النسكافيه بتاعى وبفكر فى عملية بكرا وانت .

ليث بشرود : قاعد بفكر فيكى .

عهد : ايه .

ليث بوعى : قصدى بفكر احنا هنعمل ايه بكرا فى العمليه مع بعض يعنى .

عهد : اوك سلام دلوقتى علشان راحه افطر .

ليث : سلام .

جاء يوم العمليه ذهبت عهد وليث إلى مكان العمليه منتظرين وقت وصول الهدف وكلفت عهد فريقها باقتحام قصر راغب ليحضروا ليلى وأهلها.

مر بعض الوقت وجاء وقت العمليه وهنا انطلقت عهد وليث وتبادل الطرفين طلقات النيران وأصيب راغب بطلق نارى فأغمى عليه وانتهت العمليه واستسلام الباقى بينما ذهب ليث وعهد إلى راغب وجاءت الإسعاف وكشفوا على راغب .

رجل الإسعاف: دا مات .

ليث : مات !

رجل الإسعاف: ايوة يا فندم عن اذنكوا هنخده المشرحه .

وذهبت سيارة الإسعاف بينما ليث وعهد .

ليث : يا خسارة مات عهد بتفكري فى ايه .

عهد : لأه مفيش ليث عاوزاك تيجى معايا مكان .

ليث : ماشى بس فين .

عهد : هتعرف لما نوصل .

وعلى الجانب الآخر عند يوسف وايمان .

إيمان: عهد بتطلب حاجات غريبه اوى يا يوسف .

يوسف : عارف بس دماغها حلوه اوى تربيتى .

إيمان بضحك : اه عارفه ما انت غريب .

يوسف نظر إلى ضحكتها وشرد بها واقترب منها .

إيمان: فى ايه يا يوسف مالك .

يوسف بحب : تعرفى انى بحبك اوى .

إيمان: وانا كمان يا حبيبى بموت فيك .

يوسف بخبث : هوة احمد فين .

إيمان: فوق لسه نايم .

يوسف شال إيمان .

يوسف : طب كنت عاوز اقولك انا بحبك قد ايه . وذهبا فى عالمهم الخاص عالم يجتمع فيه قلوبهم فقط .

عند فريق عهد انقذ فريق عهد أهل ليلى وليلى .

ليلى بتساؤل : انتوا فريق عهد صح .

نبيل : اه احنا انتوا كويسين .

ليلى : الحمد لله هو راغب فين .

محمود : العمليه تمت الحمد لله بس راغب خد رصاصة ومات .

ليلى بصدمه : انت بتقول ايه ؟

وسقطت ليلى مغشيا عليها .

ماذا سيحدث لليلى ؟؟

وما المكان الذى ستأخذ فيه عهد ليث ؟؟؟

يا رب يكون البارت عجبكم ومتنسوش تقولولى رأيكم وتتابعونى سلام