Invisible String

Montague Padireon University, isang pribadong paaralan na tanging mga may katayuan lang sa buhay ang kadalasang nakakapasok at mayroong isang napakalaking sikreto. Ang paaralang ito ay nagpapatupad isang beses sa isang dekada ng entrance exam para sa mga nais maging scholar at makapasok dito. Louis Demeter, ang maswerteng nakapasok dito. Ang kaniyang angking talino ang dahilan kung bakit siya ang nanguna sa entrance exam. Siya ay isang babae na hindi kagandahan ngunit ang kaniyang kalooban ay isang purong buhangin. “Nerdy Princess” kung tawagin, siya ay pinalaki mag-isa ng kaniyang ina. Sa hirap ng buhay ay nagawa pa ring mairaos ng kaniyang ina ang kanilang pamumuhay. Ang pagpasok niya sa paaralang ito ang makakapagpabago sa takbo ng kaniyang buhay at pati na rin ang kaniyang pagkatao ay maaapektuhan, tila ba’y siya ay magiging isang bagong tao dahil sa isang lalaki. Habang tumatagal siya rito sa paaralang ito, patong-patong na sikreto ang kaniyang matutuklasan. Isang nakatagong sikreto na tanging mga nasa loob lamang ng paaralang iyon ang nakakaalam. Ano kaya ang mangyayari kung sakali mang malaman niya ang mga sikretong ito? Ibubunyag niya kaya ito sa iba o mananahimik na lamang siya para sa kaligtasan niya at ng kaniyang ina kagaya ng mga nagdaang scholars bago siya?