رواية غلطة أخي

الحلقه الثامنة و العشرون

الحلقه الثامنة و العشرون من رواية

غلطة أخي

بقلمي : عبير سليم

♥️♥️♥️♥️♥️♥️♥️

هل للمحب سطوة له على قلبه الذي يود ان يعيش حياته مع محبوبته و لكن اذا كان المحبوب ظروفه تمنعه من ذاك الحب فماذا عساه ان يفعل

فريده : حياتنا طب و بالنسبه لحياة الناس المسئوله مني دي ايه ملهاش لازمه ملهمش حق انهم تكونلهم حياه هما كمان

حياتهم اعمل فيها ايه ارميها ورا ضهري و اقولهم خلاص شوفوا لكم حد يكمل معاكم المشوار غيري عشان انا خلاص قررت اعيش حياتي و اسيبكم و انتوا لسه في نص الطريق

عبد العزيز : حياة مين يا فريده اللي بتتكلمي عنها دي هي مش فريال اتجوزت و معاها ولدين و فرح مش دخلت الكليه خلاص و فريد خلاص اهوه داخل المدرسه يبقى فاضل ايه تاني لسه

فريده : فرح لسه يا دوب داخله الكليه يا عبد العزيز محتاجه اني اقف جمبها و اساعدها الكليه مصاريفها مش شويه

و فريد لسه حيدخل السنه دي المدرسه و محتاجني جمبه ماما تعبانه اوي خلاص مبقتش بتقدر حتى تخرج من البيت الا نادرا مين اللي حيهتم بيه و يطمن على مذاكرته

عبد العزيز : ايه اللي انتي بتقوليه ده انا مش مقتنع بالكلام ده يا فريده

انتي بتدوري على حجج يا فريده عشان نبعد عن بعض مش كده خلاص يا فريده قولي انك مش عاوزاني قولي انك مش بتحبيني و خلاص بدل ما نتي عماله توجعي في قلبي بالشكل ده

فريده : انت بتقول ايه يا عبد العزيز ايه الكلام ده انا مبحبكش لما انا مش بحبك امال ححب مين ده انا من يوم ما وعيت على الدنيا و انا محبتش حد غيرك و لا اتمنيت حد غيرك انت ليه بتظلمني بالشكل ده حرام عليك مش كفايه الدنيا اللي جايه علية حتيجي علية انت كمان يا عبد العزيز

عبد العزيز : انا اجي عليكي يا فريده و جالك قلب تتهميني بالشكل ده

فريده انا لو عاوز اجي عليكي كنت جيت عليكي من زمان من سنين من وقت ما اتخرجنا كنت شفت مصلحتي لكن انا طول الوقت مستنيكي و بصبر نفسي لكن الظاهر خلاص انتي بقيتي مبسوطه باللي انتي فيه و مستسلما له

فريده : طب قللي عاوزني اعمل اي يا عبد العزيز قللي و انا اعمل

عبد العزيز : نتخطب و نتجوز يا فريده

فريده : و الهموم اللي ورايا و قدامي و محاوطاني من كل ناحيه أعمل فيها إيه

عبد العزيز : حتتحل كله حيتحل انا عمري ما حمنعك عن اهلك يا فريده عمري ما حبعدك عنهم و انا مستعد اساعدك و أقف معاكي جمبهم لحد ما تطمني عليهم

فريده : و انا مش حقدر اقبل منك مساعده يا عبد العزيز انا اخواتي محدش حيتحملهم و لا يتكلف بيهم غيري

عبد العزيز : و انا كمان مش حقدر استحمل اكتر من كده يا فريده

فريده : محدش طلب منك تستحمل يا عبد العزيز

عبد العزيز : بقى كده يا فريده بقى ده جزاء حبي ليكي تقوليلي كده

فريده : طب اعمل ايه مش بايدي غصب عني افهمني الله يخليك افهمني و قدر موقفي

عبد العزيز : بعد ده كله بتقوليلي اقدر موقفك كل ده و طلعت مش حاسس باللي انتي فيه و لا مقدر موقفك

انا اللي والله ما عارف مين يقدر موقفي فريده حرام عليكي انا من يوم ما اتخرجت و انا ابويا و امي عاوزين يفرحوا ابية شغلوني و وضبولي الشقه و انا قاعد مستنيكي تقدري تقوليلي حنفضل مستنيين لحد امتى

فريده : مش عارفه

عبد العزيز : بس انا عارف انتي عندك استعداد تفضلي كده العمر كله متاخديش و لا خطوة لادام لحد ما حتلاقي العمر جرى بيكي و كل واحده بقى ليها بيتها و حياتها و انتي لوحدك يا فريده وقتها بس حتعرفي عرفتي حتعرفي امتى

حتعرفي وقت ما حتندمي يا فريده انك ضيعني عمرك

فريده : بس على الاقل حيكون ضميري مستريح

عبد العزيز : يعني هو ده آخر كلام عندك

فريده : عبد العزيز شوف مصلحتك متعطلش نفسك عشاني اكتر من كده فرح مامتك و باباك بيك و انا سيبني في الدوامه اللي انا فيها

عبد العزيز : أسيبك في الدوامه لحد ما تغرقي مش كده

حتبقي راضيه وقتها حتبقي مبسوطه

فريده : انا راضيه بكل اللي ربنا كاتبهولي

عبد العزيز : ماشي يا فريده براحتك اعملي اللي يريحك و انا كمان حعمل اللي يريحني

يفيق من تلك الذكريات و يتن*د من قلبه على حب خائف عليه أن يضيع بين طيات الزمان

و بجواره اغنية وائل جسار التي تختم كلامها بجملة ريحني و قللي اواي البعد حقدر عليه

فيتفاجا بأمه بتفتح عليه الباب : انا اللي حريحك و اقولك تقدر على بعد فريده عنك ازاي يا حبيبي

عبد العزيز : مفيش حاجه ممكن تريحني يا ماما من اللي انا فيه و لا تقدر تبعدني عن فريده ابدا

والدته : عبد العزيز يا بني ممكن تسمعني بقى

عبد العزيز : اتفضلي يا ماما اتكلمي انا سامعك

والدته : انا عارفه انك طول عمرك بتحب فريده و انا عمري ما اعترضت عليها برغم ظروفها الصعبه لكن ربنا يعلم انها بتصعب علية و كنت اتمنهالك و ربنا العالم

لكن اهي بقالها سنين مدوخاك و مش مرسياك على بر

و اخرة المتمه قالتلك روح شوف حالك و متعطلش نفسك

و احنا عاوزين نفرح بيك يا حبيبي احنا معندناش غيرك يا بني محيلتناش غيرك نفسي اشوفك و انت عريس نفسي اشوف ولادك حرام عليك تقطعنا كده من الدنيا انت كده بتظلم نفسك و بتظلمنا معاك يا عبد العزيز ده ايه الق*ف ده

عبد العزيز : طب اعمل ايه بس يا ماما انا بحبها و مش متخيل اني ارتبط بواحده غيرها

والدته : طب حتعملها ايه قوللي حتعمل معاها ايه حتتجوزها غصب عنها يعني ما هي مش راضيه و انت حتفضل قاعد مرهون جمبها كده لحد امتى العمر بيجري و انا و ابوك بنكبر و نفسنا نفرح بيك بقى قبل ما نقابل وجه كريم

عبد العزيز : ألف بعد الشر عنك يا ست الحبايب

والدته : عشان خاطرنا يا عبد العزيز عشان خاطرنا يا حبيبي فرحنا هو احنا ملناش خاطر عندك

عبد العزيز : خاطركم فوق راسي يا ماما

والدته : يبقى تريحني و تيجي تشوف بنت اخت ام زياد جارتنا

انا شفتها عندها و ربنا البنت زي فلقة القمر و لسه متخرجه من الكليه

عبد العزيز : حرام اظلمها معايا يا ماما

والدته : ان شاء الله مش حيكون في ظلم لحد اسمع من امك يا حبيبي مفيش حاجه تنسي الست غير الست اللي زيها مش بيقولك لا يفل الحديد الا الحديد

و يا عالم مش يمكن البنت تعجبك و و ترتاحلها و تحبها و تقدر تنسيك فريده و تنسيك الايام السوده دي

ادي لنفسك فرصه تشوف و تعرف غيرها يا بني و لو ما رتحتش خلاص

عبد العزيز : خلاص يعني بعد ما اخطب و اعشم واحده اقولها خلاصادي لنفسك فرصه تشوف و تعرف غيرها يا بني و لو ما رتحتش خلاص معلش اسف مش حقدر أكمل معاكي و ا**ر بخاطر بنت ملهاش ذنب و ا**ر قلبها ترضيها على بنات الناس يا ماما

والدته : لا طبعا مرضهاش يا عبد العزيز بس حنعمل ايه قللي ما نا كمان ام يا ناس ام و نفسها تفرح بابنها الوحيد حرام عليك يا بني نفسي افرح بيك بقى هو كتير علية يا ناس افرح بابني

منك لله يا فريده روحي منك لله يا فريده يا بت فايزة انتي كمان وقفتي حالك و موقفالي حال الواد اللي حيلتي هو كمان جمبك

اعمل ايه بس يا ربي اروح فين و اجي منين بس يا ناس

ما نا لو كان ينفع اخلف تاني كنت خلفت حد يريحني و يعمللي اللي نفسي فيه لكن حخلفه ازاي ده و اللا اقول لابوك روح اتجوز و خلف ولد عشان يشيل اسمك عشان ابنك خلاص مفيش منه رجا قاعد جمب اللي، حسبي الله ونعم الوكيل فيها على اللس هي عاملاه فينا ده

عبد العزيز : خلاص خلاص يا ماما خلاص حاضر حعملك اللي انتي عاوزاه بس متدعيش عليها الله يخليكي لو بتحبيني متدعيش عليها حرام عليكي هي مش ناقصه كفايه اللي هيا فيه حتدعي عليها كمان

والدته : خلاص يا حبيبي انت حتعيط يا بني و الله انت صعبان عليه قطيعه تقطع الحب و سنينه

♥️♥️♥️♥️♥️♥️♥️♥️