رواية غلطة أخي

الحلقه الثانيه

الحلقه الثانيه من رواية

غلطة أخي

بقلمي : عبير سليم

♥️♥️♥️♥️♥️♥️♥️♥️

تمر الأيام و احمد لازم يروح يشيل تقى و يلعب معاها و تمر الشهور و تبدأ تقى تلاغي و شريفه و حمدي فرحانين بيها أوي

و في يوم شريفه كانت شايلاها و ماشيه بيها في الشارع و اول ما شافهم أحمد جرى عليهم : ازيك يا طنط شريفه

شريفه : أحمد ازيك يا حبيبي عامل ايه

أحمد : انا كويس الحمد لله هو حضرتك رايحه فين

شريفه : تقى سخنه من امبارح بالليل و رايحه بيها للدكتورة اللي في المستشفى اللي على اول الشارع

أحمد : طب انا جاي معاكم

شريفه : لا يا حبيبي تيجى تيجي فين روح احسن كوثر تقلب عليك الدنيا

أحمد : لا متخافيش ماما عارفه اني عندي درس بس هو اتلغى و انا كنت مروح

شريفه : يا دي النيله روح يا أحمد روح يا حبيبي

أحمد : لاء يا طنط مليش دعوة انا حروح معاكي للدكتورة عشان اطمن على مشمش

شريفه : طب اتفضل قدامي و ربنا يستر و منتاخرش عشان كوثر متعملناش فضيحه

في العياده

شريفه : قوليلي يا حبيبتي هو احنا لسه قدامنا كتير

البنت السكرتيرة : فاضل قدامكم اللي جوة و اتنين بعديها و بعدين انتم

شريفه : أحمد أنا قلقانه اوي احنا كده حنتاخر

أحمد : متقلقيش حندخل دلوقتى

بعد مرور بعض الوقت

تنادي عليهم الممرضه عشان يدخلوا

الدكتورة : القمر بتاعنا اسمها ايه

أحمد : مشمش

الدكتورة : اسمها مشمش

شريفه : هههههه لا يا دكتورة مسمهاش مشمش اسمها تقى بس أحمد متعود يناديها بمشمش

الدكتورة : جميل اسم تقى بس تعرفي مشمش احلى عليها

شريفه : ربنا يخليكي يا رب يا دكتورة

الدكتورة : قوليلي بقى تقى ما لها

شريفه : من امبارح بالليل و هي سخنه و اديت لها خافض و الحرارة نزلت شويه و رجعت ارتفعت تاني

الدكتورة : طب هاتيها هنا اشوفها

عندها احتقان جامد في زورها

أحمد : حتكتبيلها مضاد حيوي صح

الدكتورة : اه يا حبيبي بس انت عرفت ازاي

أحمد : عشان حضرتك كنتي كاتباه لأيمن اخويا الاسبوع اللي فات

الدكتورة : ايوة و انا بقول وشك مش غريب علية

انت بقى مكلفينك تيجي مع واحد شويه

شريفه بعد ما عدلت لتقى هدومها : اه هو أصله بيخاف عليهم أوي

الدكتورة : ربنا يحميك يا حبيبي يا رب

بصي حبيبتي ده العلاج و ياريت تاخده في المواعيد و اشوفها بعد اربع أيام ان شاء الله و تعمليلها كمادات مياه من الحنفيه مش من التلاجه

شريفه : حاضر يا دكتورة

يا للا يا احمد خلينا نمشي قبل ما امك تذيع عليك في الجامع

يوصلوا الشارع و اول ما يوصلوا : يا لهوي أمك يا أحمد

كوثر : أحمد كنت فين يا أحمد حرام عليك يا بني حرام عليك قلبي كان حيقفةده انا واقفه في الشارع من ساعه كده يا أحمد

شريفه : حقك علية أنا يا كوثر و الله ما كنت عاوزاه ييجي معايا هو اللي **م

كوثر : يروح عاوز يروح يروح بس يقوللي ميسيبنيش كده قاعده على نار

ده انا واقفه مش عارفه أروح فين و لا اجي منين

أحمد : أنا آسف يا ماما

كوثر : لاء يا أحمد انا زعلانه منك

أحمد : لاء يا ماما متزعليش مني عشان خاطري مش حعمل كده تاني

شريفه : معلش يا كوثر عشان خاطري أنا

كوثر : ماشي يا شريفه ماشي

أحمد : انا اسف يا ماما

كوثر : خلاص خلاص يا أحمد الحمد لله ان قلبي اطمن عليك

يروح البيت مع كوثر و هو قلقان على تقى و قاعد مش على بعضه

فيقرر يكلم أمه : ماما

كوثر : خير يا أحمد عاوز إيه

أحمد : خلاص يا ماما مش عاوز

كوثر : تعال يا أحمد عاوز إيه يا أحمد عاوز تروح لتقى صح

أحمد : أصلها كانت سخنه أوي يا ماما و عاوز اشوفها عامله ايه خفت و اللا لسه تعبانه

كوثر : طيب ممكن تستنى علية احضر العشا لأبوك و حاخدك و نروح نطمن عليها سوا

أحمد : بجد يا ماما بجد حنروح سوا

كوثر : ايوة يا حبيبي هو انا عمري كدبت عليك يا أحمد

أحمد : لا يا ماما بس انا عارف انك زعلانه مني و قلت انك مش حتوافقي اني أروح

كوثر : بص يا احمد انا صحيح مضايقه منكرش لكن دي حاجه و كوني اطمن على تقى حاجه تانيه و انا كده كده كنت ناويه اروح يا حبيبي بس قلت لما ابوك يرجع و اعشيه عشان لو اتاخرت ميبقاش ورايا حاجه

أحمد : يا حبيبتي يا ماما ربنا يخليكي ليا يا رب

كوثر : و يخليك لية يا نور عينيه

أحمد : يعني خلاص مش زعلانه مني يا ماما

كوثر : انا مقدرش ازعل منك يا حبيبي أنا زعلت منك عشان رحت مشوار من غير ما تقولي انت متعرفش انا كنت حسه بأيه

أحمد : انا آسف يا ماما مش حعمل كده تاني اخر مرة و الله انا بحبك اوي يا ماما و مقدرش اشوفك زعلانه مني

كوثر : خلاص يا حبيبي يا للا بقى متعطلنيش عشان منتاخروش

أحمد : حاضر يا ماما

تحضر كوثر العشا لعبد الله و طبعا احمد قاعد على نار حيموت و يروح عند تقى

كوثر : عبد الله انا حاخد أحمد و نروح نطمن على تقى

أيمن : ماما انا عاوز اروح معاكم

كوثر : و ماله يا حبيبي تعالى

تاخدهم كوثر و تروح بيهم عند تقى

شريفه : تعبتي نفسك ليه بس يا كوثر و كمان مشحططه معاكي الولاد

كوثر : أولا انا جايه اطمن على تقى حبيبة قلبي انا خوفي و قلقي على أحمد خلاني مركز ش معلش حقك عليا فمكنش ينفع اليوم يعدي من غير ما اطمن عليها

و ثانيا بقى أحمد هو اصلا اللي كان حيموت و ييجي يطمن عليها

و الاستاذ أيمن طبعا شبط فينا و احنا جايين

شريفه : حبيبتي يا كوثر تسلميلي و ربنا يخليكي لية با رب اهيه الحمد لله الحرارة نزلت شويه

كوثر : خدي با لك منها يا شريفه و دفيها كويس

شريفه : هي مناعتها ضعيفه و على طول تعبانه كده

كوثر : معلش أن شاء الله بكرة تكبر و تبقى زي الفل

يبصوا على أحمد يلاقوه بيعملها كمادات على رأسها

شريفه : بسم الله ما شاء الله ربنا يبارك فيك و يحفظك يا أحمد يا رب

كوثر : احمد ده مفيش في حنيته

شريفه : انتي حتقوليلي على حنية أحمد

شوفي تقى بتلاغيه ازاي و بتضحكله

اما أيمن كان قاعد مع مصطفي و بيلعب معاه بلعبه

و فضل أحمد يعمل كمادات لتقى لحد ما بدأ يطمن ان حرارتها نزلت شويه

أحمد : ماما

كوثر : ايوة يا أحمد يا حبيبي

أحمد : مشمش حرارتها نزلت

شريفه و هي بتحط ايدها على جبهتها : اه الحمد لله و الله نزلت شويه

كوثر : ربنا يشفيها يا رب و اطمني يا شريفه على بكرة ان شاء الله حتبقى زي الفل

و يقعدوا شويه و تاخد كوثر احمد و أيمن و يمشوا

شريفه : تعرف يا حمدي احمد ده مشوفتش في حنيته و لا حشوف قاعد عمال يعمل كمادات لتقى و لا كأنها من لحمه و دمه

حمدي : طالع محترم لابوه و حنين زيه عارفه يا شريفه عبد الله مش ممكن يشوف حد في ضيقه و يقف من غير ما يمد له ايده و يساعده

شريفه : انت حتقوللي على عبد الله نسيت عمل معانا ايه في ولادة تقى و من قبلها مصطفى و اللا الحاجات اللي كان بيبعتها مع كوثر ربنا يكرمه يا رب و يفرحه بولاده

تمر الأيام و احمد تقريبا معظم الوقت بيلعب مع تقى و ايمن هو كمان كان دايما بيروح معاه يلعب مع تقى و مصطفى

و بدأت تقى تحبو و فرحة كل اللي حواليها كتيرة

و مرت الأيام لحد ما جه يوم عيد ميلاد تقى و قررت شريفه تعمل عيد ميلاد ليها و كان عيد ميلاد جميل و طبعاً كوثر و احمد و أيمن راحوا عيد الميلاد

و احمد اشترى هديه جميله عروسه عينيها نفس لون عينين تقى

كوثر : حلوه اوي يا حبيبي

راحوا عيد الميلاد و قضوا وقت جميل و تقى كانت لبسه فستان حلو اوي

و اكتر حاجه فرحتهم لما تقى خطت اول خطوة و احمد كان ماسك ايدها و الدنيا مكنتش سايعاه من الفرحه و هو ماسك ايدها و بتمشي معاه

و في يوم و تقى عندها سنه و تلت شهور و قاعده كوثر مع شريفه

كوثر : مالك يا شريفه شكلك مش مظبوط

شريفه : مش عارفه و الله يا كوثر بس حسه اني تعبانه و دايخه على طول

كوثر : لتكوني حامل يا شريفه

شريفه : حامل يا لهوي حرام عليكي فال الله و لا فالك يا كوثر

كوثر : ليه يا حبيبي ربنا يد*كي يا رب دول نعمه من ربنا

شريفه : نعمه طبعاً ما قولناش حاجه لكن مش وقته دي تقى لسه بترضع و اد*كي شايفاها تعباني ازاي

كوثر : ايوة بس لو حصل مش حتقدري تعملي حاجه

شريفه : لا لا يا كوثر متقلقينيش الله بخليكي

كوثر : طب بقولك ايه ما تعملى تحليل حمل و تشوفي و على الاقل تكوني اتاكدتي

شريفه : تحليل حمل يا لهوي طب و لو طلعت حامل ده انا حتعب اوي يا كوثر

كوثر : سيبيها على ربنا و انا مش عارفه ليه حسه انك حامل

شريفه : لا انتي خليتي الفار يلعب في عبي انا ماشيه

كوثر : ماشيه رايحه فين طيب

شريفه : حروح اشوف اي معمل تحليل اه ما نتي قلقتيني يا لهوي

كوثر : ههههههه مجنونه و ربنا طب استني حلبس و اجي معاكي

بعد نص ساعه في معمل التحليل

لو سمحتي عاوزين نعمل اختبار حمل

الممرضه : طب اتفضلي معايا

تدخل معاها شريفه و تدي تقى ل كوثر و تاخد منها الممرضه عينة دم و تطلب منها تستنى نص ساعه لحد النتيجه ما تظهر

طبعا النص ساعه عدت على شريفه كأنها سنه قاعده حتموت من القلق و الخوف و كوثر بتضحك عليها و على منظرها

خرجت الممرضه و اترعبت شريفه

الممرضه : الف مب**ك يا حبيبتي انتي حامل

شريفه : حامل انتي متأكده

الممرضه : ايوة طبعا متاكده

كوثر : الف الف مب**ك يا شريفه مب**ك يا حبيبتي

شريفه : مب**ك يا لهوي حقول ايه لي حمدي دلوقتى

كوثر : حتقوليله انك حامل يا شريفه لا هو عيب و لا حرام في ايه يا حبيبتي اللي يشوفك كده يقول انك بعد الشر حامل في الحرام بلاش هبل و يا للا تعالي اروحك و انا متاكده ان حمدي حيفرح ده بيموت في الولاد يا للا يا شريفه

توصل شريفه البيت و اول ما تدخل يلاقيها عينيها حمرا فيقلق

شريفه ما للك في ايه و كنتي فين و ده كله

شريفه : انا كنت عند كوثر و بعد كده رحت معمل التحاليل

حمدي : معمل تحاليل ليه

شريفه : بص حقولك بس و النبي متزعل مني و الله انا ما كنت اعرف ان ده ممكن يحصل

حمدي : هو ايه اللي ممكن يحصل ما تتكلمي يا شريفه انتي قلقتيني

شريفه : اصل انا انا حامل يا حمدي

حمدي : حامل بجد بجد يا شريفه

يا ااه اللهم لك الحمد و الشكر

شريفه : ايه ده انت فرحان يا حمدي

حمدي : فرحان طبعا فرحان و انا ايه اللي حيخليني مفرحش

شريفه : يعني على اساس ان تقى لسه صغيرة و لسه مفوقناش

حمدي : و ايه المشكله انها تبقى لسه صغيرة على الاقل هي و اخواتها يكبروا مع بعض

شريفه : يااه يا حمدي ده انا كنت قلقانه و خايفه انك تزعل

حمدي : هههههه ازعل اني حبقى اب للمرة التالته ده يوم الهنا لما اشوف ولادي بيجروا و يلعبوا حواليه

لا يا ستي هاتيلي انتي بس ولاد و متخافيش

شريفه : و افرض بقى جت بنت تاني

حمدي : بنت ما تيجي بنت و اللا اقولك يا رب ييجوا بنتين توائم ده البنات رزقهم واسع و اد*كي شايفه من وقت ما تقى شرفت و الخير هل علينا

شريفه : ايوة بس اخوك حامد

حمدي : حامد و انتي حتحطي كلام حامد في دماغك و اللا ايه لما يبقى يعرف يخلق صوباع منهم يبقى يتكلم

احنا حنكفر بنعمة ربنا و اللا ايه طب يا رب يا شريفه تجيبيلي بنت و حسميها مها كمان

شريفه : و دي مين مها دي كمان دي حب قديم و اللا ايه

حمدي : يا مجنونه حب قديم ايه و جديد ايه انتي كمان

شريفه : امال جبت الاسم ده منين ان شاء الله ايه جالك في الأحلام

حمدي : لاء و انتي الصادقه جاتلي في الشغل

شريفه : نهارك مش فايت يا حمدي اتكلم احسن و ربنا اولعلك في البيت

حمدي : هههههه مش بقولك مجنونه افهمي يا بنت الناس دي واحده مشتركه جت و كان معاها بنوته صغيرة ايه في الجمال و لما سألتها عن اسمها قالتلي مها قلت لو ربنا أراد و رزقني باخت لي تقى حسميها مها ان شاء الله

فهمتي يا للي دايما مستعجله

شريفه : لا لو الموضوع كده يبقى معنديش مانع

بعدها باسبوعين اكتشفت كوثر انها هي كمان حامل و الدنيا مكنتش سايعاها من الفرحه و دعت ربنا انه يرزقها ببنت و عبد الله كان فرحان اوي و احمد كان بيشتريلها كل حاجه عشان متنزلش و لا تتعب نفسها و كان بياخد باله من ايمن اخوه و بيراعيه لأن كوثر كانت تعبانه أوي في أول شهور الحمل

و كانت كل ما تجتمع عيلة عبد الله و عيلة حمدي يقعدوا الرجاله يتريقوا عليهم

و في يوم شريفه كانت رايحه تطعم تقى تطعيم السنه و نص و شافهم احمد و راح معاهم و كان مبسوط اوي و تقى ماشيه و ماسكه ايده

وبعد مرور عدة شهور ولدت كوثر قبل شريفه مع ان المفروض ان شريفه كانت تولد قبلها لكن كوثر تعبت اوي و ولدت و برغم ان شريفه كانت على اخرها و تعبانه جدا الا انها **مت انها تخدمها و دي اقل حاجه تعملهالها و طبعا كوثر سمت البنت أمنيه ما هي كانت امنيتها اللي اتمنيتها

?????????