الحلقه الثالثه

4112 Words

الحلقه الثالثه من رواية غلطة أخي بقلمي : عبير سليم ??????? ما أجمل مرحلة الطفوله حيث نتمتع فيها بالبراءة و النقاء بعيدا عن خبث تلك الحياه لا نحمل للدنيا هما فقط يكفينا ما يملاء حياتنا من نعيم يكن اللعب هو كل هدفنا و اللهو هو أقصى غايتنا مرحله تمر سريعا علينا لا ندرك كيف و متى تنتهي و لكننا فقط نتمتع بها و ها هو أحمد يجلس بجوار اخته الصغيرة التي كانت تبكي و لكن بمجرد جلوس احمد بجوارها و حديثه معها تستمع اليه و كانما تفهمه رغم انها لا تعي شيئا مما يقوله لها : انتي عارفه يا موني انا بحبك اوي اوي بحبك لدرجه كبيرة اوي خدي بالك لما تكبري انا حود*كي الدروس بنفسي و حخاف عليكي اوي و عارفه لو حد عا**ك انا حض*به تدخل كوثر : يا حبيبي يا احمد ربنا يخليك لية و لابوك و لاخواتك يا حبيبي يا رب أحمد : ربنا يخليكي لينا يا ماما يا حبيبتى يا ماما ييجي مصطفى و يرن عليهم جرس الباب و احمد يروح يفتح الباب أحمد : مصطفى تعالى مصطفى : ماما بتولد يا احمد تيجي كوثر : تعالى يا حبيبي ادخل مصطفى : ماما بتولد كوثر : ايه شريفه بتولد أحمد خد يا حبيبي اختك و خللي بالك منها و من أخوك لحد ما ارجع تروح كوثر مع مصطفي و تولد شريفه و تجيب مها و مر الوقت و كان أحمد دايما يروح عند كوثر يلعب مع مصطفى و يلعب مع مشمش و أيمن كمان كان دايما يروح معاه يلعب مع مصطفى ما هما اد بعض في السن و تقى كانت جميله جدا و خصوصا عيونها الحلوة اللي ورثتها من جدتها و اللي كانت بتخللي اى حد يشوفها يعجب بيها على طول و اوقات كتير تقى كانت بتروح تلعب عندهم اما بقى مها و أمنيه دول حاجه تانيه طبعا ما هما اد بعض في السن و بيحبوا بعض جداً و فيوم عبد الله و هو في اوضه بيسمع اغنية سيرة الحب لأم كلثوم سيرة الحب و مندمج معاها تدخل عليه كوثر كوثر : يا سلام الله على الروقان عبد الله : فاكرة يا كوثر لما كنا بنسمعها مع بعض في أول جوازنا كوثر : طبعا فاكرة يا عبد الله و دي ايام تتنسى عبد الله انا قلقانه عبد الله : قلقانه من ايه حصل حاجه كوثر : احمد لسه مرجعش من الدرس و خايفه عليه عبد الله : خايفه عليه من ايه بس هو صغير كوثر : انا اللي غلطانه و اني سيبته يروح الدرس لوحده كان لازم اروح معاه عبد الله : يا كوثر احمد كبر خلاص و مينفعش تفضلي رايحه جايه بيه في كل حته كوثر : ربنا يجيبك بالسلامه يا حبيبي يا رب يا ترى خلصت الدرس و اللا لسه خرج احمد من الدرس و كان مروح البيت و هو في الطريق قابل شريفه ام مصطفى و تقى شريفه : ازيك يا حبيبي أحمد : انا كويس الحمد لله يا طنط شريفه : انت رايح الدرس و اللا خلصته أحمد : ايوة انا خلصت الدرس يا طنط شريفه : طب يا للا نروح سوا أحمد : هو مال شكلك يا طنط شكلك متضايقه من حاجه شريفه : لسه موديه تقى الحضانه و راجعه متعكننه أحمد : هي مشمش بردو مش راضيه تقعد في الحضانه شريفه : مش راضيه يا احمد و كل يوم يبعتولي في الحضانه عشان اروح اخدها و انا خلاص زهقت و مش حوديها تاني احمد : خلاص يا طنط متوديهاش تاني و سيبيها على راحتها كوثر : اديني حسيبها و اما نشوف بس كده البنت حضيع مني يا احمد أحمد : بعد الشر عنها تضيع ليه بس شريفه : ما هي عنيده و مش حترضى تخليني اقعد اذاكر معاها و لا افهمها حاجه أحمد : انا حذاكر لها يا طنط شريفه : انت اللي حتذاكرلها يا احمد و مذاكرتك يا حبيبي أحمد : انا بعرف أنظم وقتي المهم مشمش تبقى شطورة شريفه : ربنا يخليك يا حبيبي يا رب و نشوفك احلى بشمهندس في الدنيا كلها يا رب بعد مرور عامين كوثر و هي و شريفه قاعدين بيتكلموا مع بعض كوثر : شايفه العيال بدأت تكبر ازاي يا شريفه شريفه : ربنا يخليهم يا رب ده انا لما بشوفهم بيجروا و يلعبوا كده الدنيا مبتسعنيش من الفرحه كوثر : و مين سمعك دول نعمه من عند ربنا و محدش طايل ضوفارهم ربنا يباركلنا فيهم يا رب شريفه : كوثر انا حقوم امشي بقى كوثر : لسه بدري يا شريفه ما تخليكي قاعده معايا شويه كمان انتي يعني حتنامي دلوقتى شريفه : اه و الله انا عاوزة انام بدري النهارده عشان بكرة انا و حمدي حنروح نقدم لتقى فى المدرسه كوثر : على خير ان شاء الله شريفه : و الله انا قلقانه منها أوي دي مرضتش تروح الحضانه تفتكري حتبقى شاطرة في المدرسه زي اخوها كوثر : طبعا حتبقى شاطرة و جميله هو في كده عيال بيخافوا من الحضانه لكن أول ما يروحوا المدرسه ربنا بيفتحها في وشهم شريفه : يا رب يا تقى يا بتي ربنا يكرمك و يفتحها في وشك و يهد*كي يا رب انا نفسي اعلمهم اوي و كمان حمدي نفسه ربنا يكرمنا فيهم و يتعلموا كويس و كل واحد يبقى معاه شهادته العلام حلو يا كوثر كوثر : و الله حتبقى شاطرة و لا حتعللي صوتك و لا حتف*ج عليكي الشارع و بكرة تقولي كوثر قالت ???????? في إحدى محافظات الوجه القبلي تدخل امينه على ابنها عبد الرحمن و هو بيذاكر : الله ينور عليك يا حبيبي بس انت ليه تاعب نفسك اجده ديه احنا فاجازة يا جلب امك جوم العب مع صحابك و فرفش شوي مشايفش اخوك عبد الوهاب محيشبعش لعب كيف عبد الرحمن : لا يا امي اني ما عاوزش لعب و لا غيره اني عايز مذاكرتي و بس هي كل صحابي و لعبي و حياتي كلها و اني ما رايدش غير العلام امينه : يا حبيبي يا ولدي و يا ترى بجى نفسك تطلع ايه لما تكبر عبد الرحمن : نفسي جوي ابجى دكتور يا أمي و اعالج المرضى و العينين و اشفي كل الناس امينه : يا حبيبي يا ابني طول عمرك شاطر يا جلب امك ربنا يهد*ك و يصلح حالك و تحجج كل اللي تتمناه عبد الرحمن : ربنا يخليكي ليا ومنحرمش منك يا ست الحبايب يسمعوا صوت اللي جاي من وراهم يكلمهم يا سيدي يا سيدي على الدعوات الحلوة دي و احنا ملناش نصيب فيها عاد و اللا ايه يا حاجه امينه : يا لهوي و اني اجدر بردك ديه انت البكري و اول فرحتي و اول ما شافت عينيه و كل اللي بستمناه من دنيتي اني اشوفك انت و اخوك احسن الناس كلها عبد الوهاب : يا حبيبتي يا ما ربنا ميحرمناش منك يا رب أمينه : و لا يحرمني منكم يا حبايبي يا رب المهم جللي بجي مش ناوي تجعد تشوف مصلحتك انت كمان و اللا ايه عاد عبد الوهاب : بجوالك ايه يا ما بصي خلينا حبايب اجده و فكك من حوار التعليم ديه امينه : يا لهوي يعني ناوي تضيع مستجبلك يا عبد الوهاب عبد الوهاب : هههههه لا طبعا يا ما بس اني مليش في حوار المذاكرة الكتير دي اني المهم عندي اني انجح و خلاص و نجول الحمد لله جبرنا ركزي انتي مع الدكتور عبد الرحمن و اني سيبيني لحالي أمينه : ربنا يصلح حالك يا عبد الوهاب يا بني يا رب ????????? في إحدى المنازل المتواضعه تجلس مع بناتها من هم كل ما لها في تلك الدنيا يشاهدون احدى المسرحيات و يضحكون عليها انا كل ما بشوف المسرحيه دي بموت من الضحك فريال : فعلا انا لو اتف*جت عليها كل يوم بضحك بردو فريده : تمثيل محمد صبحي تمثيل راقي و هادف و فنفس الوقت فيه روح الكوميدية الجميله اللي بقينا بنفتقدها فايزة : ربنا يسعدكم و يحللي دنياكم يا بناتي يا رب يسمعوا صوت جرس الباب فيعرفوا انه هو مفيش غيره هادم اللذات و مفرق ا****عات و سر تعاستهم في الحياه في إيه مالكم شوفتوا عفريت فايزة : في إيه يا راجل هو انت داخل فين مش تقول الأول سلام عليكم و اللا مساء الخير و اللا اي حاجه و اللا انت داخل تقول يا شر اشتر عبد الكريم : بقولكم ايه انا جاي مصدع و مش فايقلكم قومي شوفيلي حاجه اطفحها فايزة : حاضر حاضر فريده : يا للا يا فرح تعالي يا حبيبتي ندخل جوة و انتي يا فريال قومي انتي كمان فريال : لاء انا مليش دعوه انا عاوزة اتف*ج على المسرحيه عبد الكريم : قومي يا بت انجري من مكانك هو انتوا مبتشبعوش ف*جه على الزفت ده قوموا و الا حولعلكم فيه تقوم فريال مع فريده و فرح و يدخلوا اوضتهم فريال : هو ليه بابا بيعمل فينا كده فريده : معلش يا فريال هو بس تلاقيه تعبان شويه فريال : تعبان من ايه دي ماما هي اللي تعبانه و بتشتغل عشان تصرف علينا و هو مش، بيعمل حاجه اصلا فريده : فريال مينفعش كده و يا للا نامي بقى فرح : تصبحي على خير يا فريده فريده : و انتي من اهل الخير يا قلب فريده ?????? و ها هي تلعب و تتمتع بما في الحياه من براءة و نقاء و ضحكة نابعه من القلوب تلك القلوب التي تجعلنا لا ننتظر غدرا و لا نتوقع شرا بل نظنها هي جنتنا على الأرض و ملاذنا في الحياة نرسم فيها أحلامنا على شاطئ الحياة و على رمالها نرسم بيوتا و نبنيها ظننا مننا انه لن تأتي تلك الأمواج التي ستمحي ما رسمناه عليها و لن تقوى على هدم حصونها قد يكون ذلك نابعا من صدق مشاعرنا و قد يكون مص*ره الاحتواء الذي نشعر به ممن حولنا و لكن إلى أين ستاخذنا براءاتنا و إلى أين ستقذف امواجها باحلامنا بعيدا هل ستقذف بها على شاطئ الأمان ام ستهوى بنا الى اسحاق بعيده لا نقدر على الخروج منها مما حاولنا و نتذوق بها كأس الهوان و لا يكن بمقدورنا فرصه للنجاة تبدأ الدراسه و كل الولاد بيروحوا مدارسهم و بيرجعوا يذاكروا اما بقى تقى كانت مع أطفال الشارع متجمعين و بيلعبوا و بيغنوا اغاني الأطفال الجميله واحد اثنين .. سرجي مرجي أنت حكيم و لا تمرجي و تقي كانت بتغني و بترقص معاهم و يصقفوا لها البنات : برافو عليكي يا تقى انتي حافظه الأغنيه كلها تقى : أيوة حافظاها و حافظه كل الاغاني التانيه ?يا دي النيله علية و على سنيني البنت دي حتشلني يا ناس مش فالحه غير في اللعب و الاغاني و بس يومها منيل على دماغها ان شاء الله تروح تقف في البلكونه اللي بتطل على الشارع و تنادي عليها : تقى انتي يا زفته يا تقى الله يخرببيتك و يخرببيت سنينك انتي ناويه تشيلليني يا بت تقى : عاوزة ايه يا ماما انا بلعب مع اصحابي شريفه : و الله انتي ما عندك دم عماله تلعبي و و لا على بالك حاجه هو انتي مش عندك واجب يابت الجذمه مكتبتيهوش لحد دلوقتي حتكتبيه امتى ان شاء الله تقى : بالليل يا ماما بالليل حكتبه شريفه : بالليل امتى يا تقى انتي ناويه تجلطيني ده انتي بتنامي مع الفراخ و الكتاكيت و اللا ناويه تقعدي تعيطيلي زي كل يوم و تقوليلي تعالي معايا المدرسة يا ماما لا يا عين امك و حياة غلاوتك عندي لو كنتي فاكره انك حتصعبي علية و اروح معاكي المدرسه زي كل مره و اقول للمدرسه معلش عشان خاطري متض*بيهاش و ربنا المعبود ما حيحصل يا تقى سامعه و ديني يا تقى لو ما طلعتي دلوقتى لحنزال اجيبك من شعرك و حرنك علقه و اخللي العيال دول يضحكوا عليكي تقى : خلاص يا ماما خلاص حطلع بس متشتمينيش قدام العيال خليتيهم يضحكوا علية يا ماما شريفه : تستاهلي ايوة يا ولاد عاوزاكم تضحكوا عليها الخايبه دي حرام عليكي يا بنتي كل يوم معلية صوتي و مف*جه علية الشارع كل ده عشان عاوزة مصلحتك و عاوزاكي تكتبي واجبك و تذاكري انا خايفه عليكي يا تقى و خايفه على مصلحتك و نفسي تبقي شاطرة و انتي و لا في دماغك انتي مش خايفه كل العيال ينجحوا و انتي لاء خلاصة الكلام حتطلعي و اللا انزلك تقى : خلاص يا ماما حطلع حطلع خلاص العيال الجذم دول بيضحكوا علية ييجي على صوتهم العالي خير ياطنط في إيه بتزعقي لمشمش ليه شريفه : قطيعه تقطع مشمش و سنين مشمش بقى دي مشمش دي محصلتش حتى جميز أحمد : لا يا طنط متقوليش كده على مشمش دي عسل شريفه : عسل اسود و منيل أحمد : لا الظاهر الموضوع شكله كبير أوي في ايه يا مشمش مزعله مامتك ليه تقى : انا مزعلتهاش لكن هي ماما اللي كل شويه تقوللي انتي بليده و مش نافعه و عاوزاني اطلع اكتب الواجب و انا عاوزة العب مع اصحابي و بعدين انا زهقت من الواجب كل شويه واجب واجب و انا مش بحب الواجب ده هما بيدونا واجب كتير اوي و انا ايدي بتوجعني أحمد : كلنا كده يا مشمش بنعمل الواجب عشان نبقى شاطرين و ماما عاوزاكي تبقي شطورة يا تقى تقى : بس انا مش بحب المدرسه و لا بحب الواجب شريفه : انت بتتكلم مع مين متتعبش نفسك معاها يا أحمد يا بني روح يا حبيبي شوف حالك شكلك لسه راجع من الدرس أحمد : لا يا طنط انا عاوز مشمش تبقى شاطرة بصي يا مشمش ايه رايك تجيبي كتبك و كراساتك و تيجي عندنا البيت وانا اذاكر لك و اكتب معاكي الواجب شريفه : لا يا حبيبي متشغلش بالك بيها روح شوف حالك انت عندك اعداديه و عاوزين نفرح بيك و بنجاحك و انا حنزل اجيبها من شعرها الفاشله دي تقى : لاء، متض*بنيش ابيه احمد الحقني و النبي ماما حتض*بني أحمد : طب بصي لو مش عاوزاها تض*بك يا للا اطلعي بسرعه هاتي شنطتك و حصليني على البيت اوام تقى : ماشي ماشي حاجي بسرعه اوي انا حطير بس بص قللها ما تض*بنيش أحمد : ماشي متخافيش مش حخليها تض*بك بس انتي يا للا اطلعي اوام تطلع تقى بسرعه شريفه : بص البت الجذمه سمعت كلامك و معبرتنيش ازاي أحمد : معلش بقى يا طنط قدرات شريفه : مش عارفه بس طالعه خايبه كده لمين ده مصطفي ما شاء الله عليه شاطر و مها اختها اللي عندها اربع سنين بتمسك القلم و الكراسه و تقوللي اكتبيلي يا ماما و تقعد تكتب و الخايبه دي تاعباني من دلوقتى و هي لسه فاولى ابتدائي امال لما تكبر حتعمل فينا ايه ده انا حسه انها حتشلنى و ربنا حتجيبلي السكر الضغط أحمد : ألف بعد الشر عليكي يا طنط و متخافيش مشمش ان شاء الله حتبقى شاطرة و زي الفل بس بالراحه عليها و بلاش تقوليلها كل شويه يا فاشله و يا بليده و يا خايله و ما نتيش نافعه كل الكلام ده بيخليها تقتنع انها فعلا كده و بيجيب نتيجه ع**يه بالع** حضرتك لازم تدفعها لادام و تشجعيها لكن حضرتك بتحبطيها شريفه : غصب عني و الله يا احمد يعني هو انا كنت عاوزة ازعلها كده ده انا لو علية نفسي اشوفها احسن الناس كلها بس عمايلها هي اللي بتزعلني منها أحمد : كل حاجه حتتعدل ان شاء الله يا طنط بصي انا حروح البيت و حستناها ماشي شريفه : ماشي يااحمد تسلم يا حبيبي و ربنا ينجحك يا رب تدخل جوة و تلاقي تقى بتحضر شنطتها عشان تاخدها و تمشي استني يا زفته حد*كي طبق بسبوسه تاخديه معاكي لطنط ام أحمد تقى : ماشي يا ماما بس متقوليليش فاشله تاني عشان انا بزعل شريفه : ماشي يا حسيسه اتفضلي خدي و اوعي يت**ر منك لا**ر رقبتك تقى : طيب طيب تاخد طبق البسبوسه و الشنطه بتاعتها و تروح على بيت احمد عشان يذاكرلها و هي طالعه على السلم تقابل أيمن اخوه و هو نازل أيمن : مشمش انتي طالعه عندنا تقى : اه احمد حيذاكرلي و انت رايح فين أيمن : عندي درس علوم يا تقى تقى: ايه العلوم دي انا معنديش علوم أيمن : لما تبقي في سنه رابعه حتاخدي علوم و دراسات اجتماعيه كمان تقى : بس انت مش في سنه رابعه بتاخدهم ليه أيمن : هههههههه عسل يا ناس و ربنا انتي سكر يا مشمش احنا بناخد علوم و دراسات من أول سنه رابعه و انا في سنه خامسه فعادي اخدها و يا للا بقى اطلعي عشان الحاجه تقيله عليكي تقى : طب خد حتة بسبوسه قبل ما تنزل أيمن : الله دي طعمها حلو أوي يا مشمش تقى : طب متقولش مشمش انا اسمي تقى أيمن : بس أحمد دايما بسمعه بيقولك مشمش تقى : هو أحمد بس، اللي بيقوللي مشمش أيمن : طب هاتي الشنطه اطلعهالك ايه ده يخرببيت سنينك انتي حاطه فيها طوب يخرببيت سنينك تقى : اصلي مكتبتش الواجب كله و الميس بكرة قالت اللي مش حيكتب الواجب حتمده على رجليه أيمن : ميس رانده؟ تقى : أيوة هي ميس رانده دي أيمن : اه بس دي طيبه و الله تلاقيكي انتي اللي جننتيها يخبط على الباب فتفتحله امه : أيمن إيه اللي رجعك تاني يا حبيبي في حاجه أيمن : كنت بطلع الشنطه لتقى يا للا انا ماشي بقى و ينزل يجري على السلم تقى : ماما بتقولك اتفضلي يا طنط كوثر : تسلم ايديها تعالي يا تقى اقعدي على ما اناديلك أحمد تقى: ازيك يا امنيه أمنيه : كويسه يا تقى تقى : بتعملي ايه أمنيه : بكتب يا تقى الميس كاتبالي ا ب ت ث ج ح خ و بكتب زيهم تقى : انتي بتحبي تروحي الحضانة يا أمنيه أمنيه : أيوة انا بحب الحضانه أوي و مبحبش أغيب ابدا عشان عاوزة ابقى شاطره تقى : بس انا مش بحب المدرسه و لا بحب ميس راندا أمنيه : انا معرفش المدرسه انا اعرف حضانتي بس جوة في اوضة أحمد كوثر : هو انت فاضي يا حبيبي لتقى عشان كل شويه تعطل نفسك و تقعد تذاكر لها دروسها أحمد : بتصعب علية يا ماما هي ذكيه و الله بس مش بتحب الدراسه و طنط شريفه كل شويه تقوللها يا فاشله البنت حتتعقد بالشكل ده و حتكره المدرسه كوثر : ياحبيبي انا بحبها و الله و غلاوتها من غلاوة امنيه دي مولوده على ايدي بس انا خايفه عليك انت عندك اعداديه السنه دي و محتاج كل وقتك يكون ليك مش تضيعه مع حد و اعمل حسابك لازم تطلع الأول زي كل سنه و الا حموت فيها و ربنا أحمد : بعد الشر عنك يا ماما ربنا يخليكي لينا يا رب اطمني يا ست الحبايب ابنك شاطر و حيرفع راسك ان شاء الله كوثر : انت رافع راسي على طول يا حبيبي و كل الناس بتقوللي عرفتي تربي راجل ربنا يحميك و يخليك لية يا رب بس برضو انا مش عاوزاك تضيع وقتك عاوزاك تذاكر و بس أحمد : حاضر و الله يا ام احمد اطمني علية انا بعرف انظم وقتي كويس طب فاكرة لما كنتي والده أمنيه مش ساعتها أيمن كان في أولى ابتدائي و انتي كنتي تعبانه و انا اللي كنت بوديه المدرسه و بذاكرله و كنت شاطر كوثر : انا عارفه اني مش حعرف اخد معاك لا حق و لا باطل اتفضل حضرتك اخرجلها اهي قاعده مستنياك يخرج أحمد و يقعد معاها : يا للا بينا يا مشمش تقى : يا للا يا ابيه أحمد : انتي ليه بتقوليلي أبيه تقى : عشان انت كبير و ماما قالتلي لازم تحترمي الكبير و تقوليله أبيه أحمد : طب قوليلي أحمد من غير ابيه دي تقى : حاضر حقولك يا ابيه احمد أحمد : ههههههه و ربنا عسل يا مشمش يا للا يا ستي و ريني عليكي ايه تطلع كوثر من المطبخ و في ايديها اطباق تحطها على السفرة كوثر : قوم يا احمد يا للا يا أمنيه و انتي يا تقى يا للا قومي انتي كمان تقى : ايه حتفسحينا كوثر : هههههه ربنا يهد*كي يا تقى يا بت شريفه يا رب هو انتي مفيش في دماغك غير اللعب و الفسح قومي يا حبيبتي عشان تاكلي مع اخواتك انا ناديت على مامتك و قالتلي انك ما اكلتيش تقى : لاء يا طنط شكرا مش عاوزة اكل كوثر : مش عاوزة ازاي يعني هو انتي مش جعانه تقى : لاء مش جعانه انا شبعانه كوثر : شبعانه ازاي و انتي ما اكلتيش تقى : هي ماما قالتلي متاكليش عند حد و تقولي شبعانه وانا بسمع كلام ماما كوثر : هههههه و ربنا عسل يا تقى لا يا حبيبتي ماما بتقولك تقولي كده لما تكوني عند حد غريب لكن عندنا تاكلي عادي يا للا قومي كلي مع احمد و أمنيه أحمد : يا للا يا مشمس ناكل الأول و بعد كده نقعد نذاكر تقى : هو انت حتفضل تقولي يا مشمش لحد امتى يا ابيه أحمد أحمد : طول العمر يا مشمش حقولهولك طول العمر و فعلا يقعدوا و ياكلوا مع بعض و أحمد يقعد يهزر و يضحك مع تقى عشان بحسن نفسيتها و بعد كده يستعدوا عشان يذاكروا و يبدأ يفهمها بالراحه و يديها اسئله و هي تجاوب و تصقف لنفسها انها عرفت تجاوب صح و أحمد كان مبسوط اوي انها بدات تتجاوب معاه و تحل كويس ?????? بعد مرور بعض الوقت يقوم حمدي من النوم و يسأل عن تقى و تقوله شريفه على اللي حصل حمدي : ما انتي السبب يا شريفه شريفه : انا السبب ازاي يعني حمدي : قلتلك تعالي نسكن في مكان تاني و خصوصا بعد الحمد لله ما وضعي بقى احسن و اشتغلت في البنك لكن انتي اللي مش راضيه تمشي من هنا شريفه : ايوة يا حمدي انا مش حمشي من هنا وحفضل هنا لحد ما اموت حمدي : بعد الشر عنك يا شريفه شريفه : بقى يهون عليك الجيرة الحلوة و العشرة الطيبه دي تسيبها و نروح مكان جديد لا نعرف فيه حد و لا حد يعرفنا حمدي : المكان مش بعيد عن هنا ده فرق شارعين بس شريفه : نعم ده المكان اللي عاوز تاخدنا فيه الجيران مبيقولوش لبعض صباح الخير حتى لا يا اخويا و الله ما ابيع جيرتي الحلوة و لا بكنوز الدنيا كلها حمدي : طول عمرك أصيله يا شريفه و هو انا يعني اللي يهونوا علية اسيبهم الاقي فين انا زي عبد الله ابو أحمد و اللا اسماعيل و اللا غيرهم شريفه : قول لنفسك بقى حمدي : انا بعمل عليكم انتوا بس و الله نفسي انقلكم مكان احسن و ولادك يبقوا عايشين في مكان ارقى شويه و تقى هانم اللي مغلباكي دي متلاقيش حد في الشارع تلعب معاه و تتلم و تقعد في البيت شريفه : لا بردو مليش دعوة انا مش حمشي من هنا حمدي : خلاص انتي حرة انا عملت اللي علية امال فين مصطفى صحيح شريفه : مصطفى نزل يشتري حاجه من تحت و حيروح يجيب تقى و ييجوا حمدي : طب انا عاوز أفهم إيه اللي يخللي أحمد يتعب نفسه معاها و هي عندها انا و انتي و اخوها ممكن نذاكرولها شريفه : تصدق انك ضحكتني و انا مكنش لية نفس اضحك بقى بزمتك يا راجل انت عندك خلق تقعد مع عيل تذاكر له حمدي : الصراحه لاء بس انا عامل على تعبه هو شريفه : اعمل ايه بس ما هي بتك دي حتشلني و انا لما بحاول اقعدها جمبي عشان اذاكر لها تفضل كل شويه تقولي أنا جعانه و عطشانه و عاوزه ادخل الحمام و عاوزه انام و سن القلم ان**ر و الجومه مش بتمسح بتخليني عاوزة اخنقها بايديا اقسم بالله انا بلطم على وشي منها حمدي : ههههههههه طب و ربنا تقى دي عسل شريفه : طب و الله ما في حاجه مبوظاها غير دلعك فيها حمدي : اعيش و ادلعها و هي البنت لو مكنتش تتدلع في عز ابوها حتدلع امتى و انا عارف بربيها ازاي دي تقى حبيبة قلبي بس انا بردو بعتب على اخوها انه مش بيقعد معاها شويه شريفه : اذا كان على مصطفى انت عارفه حنين عليها ازاي و بيحبها بس مبيطقش يقعد يذاكر لها بتشله بتجننه يا حمدي دي اخر مرة قعدت معاه خلته رمالها الكتاب في الشارع و انا اللي نزلت جبته و هو بردو مش راجل ادامك ده لسه عيل صغير حمدي : نقوم ندبسها في احمد بقى شريفه : طب يا رب تدبس فيه ده يبقى يوم المنى و تبقى احلى تدبيسه في الدنيا عارف يا حمدي لو تقوللي نفسك فايه يا شريفه اقولك نفسي في احمد لتقى نفسي تبقى من نصيبه حمدي : ما فيش حاجه بعيده عن ربنا احمد ده حبيبي و راجل من يومه و غلاوته من غلاوة مصطفى بس كل شي نصيب يا شريفة و ربنا هو العالم بنصيب كل واحد فين و لمين و بعدين تقى لسه عيله احنا فين و الكلام ده فين شريفه : و نعم بالله حمدى : و عروستي الصغيرة فين هي كمان شريفه : عروستك الصغيرة نامت حمدي : نامت بدري كده ليه شريفه : ما هي متعوده بتنام بدري حمدي : طب بقولك ايه بقى ما دمنا لوحدينا و العيال مش معانا ما تيجي نعمل زي فريد الأ**ش لما قال انا و انت و لا حد تالتنا انا و وأنا وإنت و لا حد ثالثنا أنا و إنت، أنا و إنت و بس شريفه : هههههه و الله دمك عسل يا حمدي حمدي : طب ممكن تعمليلي بقى كوباية شاي من ايد*كي الحلوين دول و تيجي نقعد مع بعض شويه و اللا اقولك بلاها الشاي عشان منضيعش وقت يا للا عشان الحق اقعد معاكي قبل ما مصطفى يطلعلنا شبه عفريت العلبه هادم اللذات و مفرق ا****عات ده شريفه : حرام عليك يا ابو مصطفى انت على طول كده حاطط عليه ده ابنك طيب و الله حمدي : و انتي حتقوليلي على ابني يا شريفه بس انا بجمد عليه عاوزه ببقى راجل يعرف يتحمل المسئوليه عشان لو حصللي حاجه يشيل اخواته و يا للا افضلي اتكلمي و ضيعي الوقت لحد ما نلاقيهم طبوا فوق راسنا و اللا مها تقوم و تعيط شريفه : ههههههههه و ربنا انت راجل تحفه على العموم عينيه ليك يا ابو ولادى حمدي : ايوة بقى هو ده الكلام استعنى على الشقا بالله ما أجمل أن يعيش الابوان حياة هادئه جميله ف*نع** على الجميع و تجعل الحياه جميله ??????

Free reading for new users

Scan code to download app

App Store Google Play

Facebookexpand_more