رواية غلطة أخي

الحلقه الرابعه

الحلقه الرابعه من رواية

غلطة أخي

بقلمي : عبير سليم

????????

تمر الأيام و تهب نسمات شهر رمضان الكريم بخيره و كرمه و نسائمه العطرة

تجتمع كل عائله حول شاشة التليفزيون للاستماع إلى ليلة الرؤيه

يقوم الشيخ بتلاوة بعض الآيات القرآنية التي تتحدث عن شهر رمضان

بسم الله الرحمن الرحيم

يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ.

ينتهي القارئ من التلاوة ثم بعد ذلك يتحدث مفتي الديار المصريه و يقول : تعلن دار الإفتاء المصريه ان غدا هو المتمم لشهر شعبان و بعد غد هو اول أيام شهر رمضان المبارك اعاده الله علينا و على الأمة الاسلاميه بالخير و اليمن و البركات

تعلو اصوات التهليل و الكل يقف في الشرفات يهنئون بعضهم البعض بحلول الشهر الفضيل

كل سنه و انتم طيبين يا حبيبتي

فترد عليها الأخرى : و انتي طيبه ربنا يجعله شهر كريم علينا يا رب

و لم تقل فرحة الأطفال عن فرحة و سعادة الكبار بهذا الشهر الذي يستمتعون فيه باشهى انواع الطعام و العصائر و الحلويات و اللعب والجري وقت الافطار و وقت السحور

حمدي : كل سنه و انتم طيبين يا ولاد ربنا يجعله شهر كريم علينا يا رب

شريفه : و انت طيب يا ابو مصطفى

و ربنا يخليك لينا يا حبيبي يا رب و ميحرمناش من لمتنا الحلوة و لا يحرمنا من وجودك فى وسطنا يا رب

مصطفى : بابا

حمدي : ايوة يا مصطفى يا حبيبي

مصطفى : عمي عبد الله عاوزك على التليفون

يقوم حمدي يرد على عبد الله : كل سنه و انت طيب يا عبد الله

عبد الله : و انت طيب يا حمدي يا رب و ربنا يجعله شهر كريم علينا ان شاء الله

بقولك ايه متنسوش بقى الفطار عندنا بعد بكرة اول يوم ان شاء الله

زي عادة كل سنه

حمدي : عاده متتقطعش ان شاء الله و انتوا اليوم اللي بعده ان شاء الله

عبدالله : ربنا يديم بيننا المحبه يا رب

حمدي : يا رب يا عبد الله يا رب

و يخليلنا ولادنا و نفرح بيهم يا رب

بعد شويه جرس الباب يرن تروح تقى تفتح الباب تلاقي أحمد و ايمن و عبد العزيز و اسلام واقفين و ماسكين في ايدهم كيس كبير

أحمد : كل سنه و انتي طيبه يا مشمش

تقى : و انت طيب يا أحمد

أيمن : عاوزين نعلق زينة رمضان يا مشمش

تقى : قللي تقى يا أيمن أحمد بس هو اللي بيقوللي مشمش

كم غمرته السعاده عندما شعر بسعادتها بذلك الاسم الذي اختصها به و عدم رغبتها في الا ينطق احد سواه هذا الاسم

أيمن : ماشي يا استاذه تقى اللي تؤمري بيه يا قمر

شريفه : مين اللي على الباب يا تقى

تقى : أحمد و أيمن و معاهم عبد العزيز صاحبهم و اسلام يا ماما عاوزين يعلقوا الزينه

يجري عليهم مصطفى : تعالوا تعالوا يا للا نعلق الزينه يا للا بينا

يبدأ الأولاد يعلقوا الزينه و يبادلوها مع بعض بين البلكونات

و الفرحه و السعاده مالية قلوب الناس كلها

ده غير اغاني شهر رمضان اللي اصواتها كانت عاليه جدا و مخلية الكل فرحان و سعيد بحاول شهر رمضان المبارك

و أشهر هم طبعا زي ما كلنا عارفين اغنية رمضان جانا و فرحنا بعد غيابه و بقاله زمان

يتصل حمدي على اخوه حامد عشان يقولله كل سنه و انت طيب

حامد : ازيك يا اخوي كيفك و كيف أحوالك انت، و ولادك

حمدي : كلنا بخير الحمد لله و انتوا عاملين ايه و ازي عبد الوهاب و عبد الرحمن أخبارهم ايه

حامد : بخير و زينين و زي الفل

و كل سنه و انتم كلياتكم بخير و ربنا بتجبل منكم الصيام يا رب

حمدي : و انت طيب و بالصحه و السلامه و رمضان كريم علينا جميعا يا رب

حامد : ايه يا حمدي منويتش تجيب الولاد و تاجي عندينا

حمدي : ان شاء الله يا اخويا جريب ان شاء الله

تهنئه بين الأهل و الجيران و زملاء العمل بمناسبة حلول شهر رمضان المبارك

يسهروا الولاد كلهم يعلقوا زينة رمضان و هما فرحانين و مبسوطين فضلوا طول الليل لحد النهار ما طلع

و مر اليوم لحد ما جه وقت السحور سحور اولليلة من ليالي رمضان بيبقى ليه نكهه و طعم و مذاق خاص

و كل اسرة بتحط سحورها عشان يتسحروا و البنات بتساعد امهاتها

خدي يا تقى يا للا يا حبيبتي خلصي اوام

تقى : حاضر يا ماما

يحطوا اطباق السحور على السفرة و يتجمعوا كلهم حمدي و جمبه البنات و مصطفى و شريفه

شريفه : تقى عاوزاكي تتسحري كويس عشان انتي حتصومي يا حبيبتي

تقى : حاضر ماما انا باكل اهوه

حمدي : كلي يا حبيبتي بالف هنا و شفا

يبص لمصطفى : مصطفى يا حبيبي انت بتاكل بسرعه كده ليه هو انت في حد بيجري وراك

مصطفى : لاء يا بابا بس انا و احمد و ايمن و عبد العزيز رايحين نفتح الجامع عشان صلاة الفجر

فضلوا الولاد في الشارع لحد ما النور ظهر و بعد كده دخلوا بيوتهم يناموا

?و النهارده أول يوم في شهر رمضان المبارك

?

و طبعا زي ما عرفنا ان عزومة اول يوم كانت في بيت عبد الله

و كوثر و شريفه عملوا الاكل مع بعض و الولاد عمالين يلعبوا في الشارع و كلهم كانوا صايمين ما عدا مها و امنيه لانهم كانوا لسه صغيرين

مها : ماما يا ماما

شريفه : ايوة يا مها

مها : انا عطشانه يا ماما انا عاوزة اشرب

شريفه : خدي يا حبيبتي اشربي

تقى : اشمعنى مها مش صايمه زينا انا كمان عطشانه و عاوزة اشرب مليش دعوه

شريفه : انتي صايمه يا تقى يا حبيبتي لكن مها اختك صغيرة و فاطره

تقى : انا مليش دعوه انا عاوزة افطر انا كمان انا عطشانه و جعانه انا عاوزة افطر زيها

شريفه : كده بردو يا تقى ده العصر اذن يا حبيبتي و المغرب قرب تقومي تفطري و تضيعي اليوم منك و تخللي ربنا يزعل منك

تقى : اعمل إيه بس يا ماما ما نا عطشانه و جعانه و انا زهقت انا صايمه من زمان هو رمضان فاضل فيه كتير

كوثر : هههههه هههههه ضحكتيني و الله يا تقى ده احنا لسه في اليوم الأول فكرتيني بواحد بعد ما عدى نص اليوم الأول من شهر رمضان قال و الله و عديت يا رمضان فاضل فيك عشرتين و تسعه و نص نهار

شريفه : انتي بتقولي فيها طب و الله احلى ايام و بتجري هوا

تقى : بس انا زهقت بقى

شريفه : يا سلام امال ليه كنتي كل شويه تقوليلي عاوزة رمضان ييجي عشان نعلق الزينه دلوقتى عاوزاه يمشي

تقى : ما انا مكنتش اعرف انه لما ييجي حيحصل معايا كده و بعدين انا كمان لسه صغير انا مليش دعوة انا عاوزة اشرب

شريفه : يا لهوي حتشيليني يا تقى

اقولك حاجه انزلي العبي مع صحابك في الشارع لحد ما انادي عليكي

تقى : بجد يا ماما

شريفه : أعمل إيه عشان اخلص من زنك

تنزل طبعا تقى جري على الشارع و تقعد تلعب مع الولاد عشان يضيعوا وقتهم و يبطلوا زن

و كمان احمد و أيمن و مصطفى و عبد العزيز و كتير كانوا بيلعبوا كورة

كوثر و هي بتحط الاكل في الفرن : كنتي خليتيها تفطر يا شريفه تقى لسه صغيرة على الصيام

شريفه : اسكتي يا كوثر خليها تتعود و هي و لا صغيرة و لاحاجه ده اللي في سنها حافظ نص القرآن

ده انا بشوف بعيني ستات و رجاله كبار و بشنبات و فاتحين بيوت و الله ي**فهم بيبقوا فاطرين عيني عينك

كوثر : انتي حتقوليلي ده عبد الله بيبقى زعلان اوي و هو بيحكيلي عن الورش اللي جنبه و هو شايف الرجاله و الشباب قاعدين في ورشهم و بياكلوا عيب عليهم و الله طب و النبي دول يعلموا ولادهم ايه

ده شهر في السنه يا ناس و بيعدي هوا ربنا يهديهم يا رب

شريفه : و بعدين ده العيال اصلا بيضيعوا نص اليوم في النوم و النص التاني في اللعب هما بيلحقوا يجوعوا اساسا

كوثر : ايوة على رايك المهم تعالي قلبي البشاميل ده على ما اعصج اللحمه

شريفه : بقولك ايه سيبيلي المكرونه اللي بالبشاميل انا حعملها و روحي انتي اخرطي الملوخيه الوقت حبي**قنا

كوثر : ماشي يا شريفه

يمر الوقت و يقف الولاد في الشارع للمؤذن لحد ما يفتح المسجد و يدخل يؤذن المغرب و هما طبعا يجروا على البيت

عبد الله : بقولكم ايه يا للا كله يدخل يتوضأ عشان نصلي كلنا جماعه و بعد كده ناكل

تقى : يا ربي بقى انا تعبت انا جعانه مش عاوزة اصلي انا عاوزة اكل

احمد : تعبتي من ايه بس يا مشمش ما خلاص اهوه المغرب اذن

تقى : انا مش عاوزة اصلي انا عاوزة اكل مليش دعوة

أحمد : لاء يا مشمش احنا حنصلي كلنا الاول و بعدين ناكل و الا حزعل منك

تقى : لاء متزعلش مني خلاص حصلي الاول يا أحمد

احمد بفرحه ان مشمش بتسمع كلامه : شطورة يا مشمش

يقف عبد الله يقيم بيهم الصلاة و يقف وراه حمدي و يقف جمبه أحمد و أيمن و مصطفى و وراهم يقفوا كوثر و شريفه و تقى و كمان مها و امنيه يقفوا يصللوا معاهم

و ياكلوا و يحمدوا ربنا و تتوالى ايام رمضان الكريمه و تبادل العزايم و الأطباق الشهيه

كوثر : أحمد يا حبيبي خد طبق الكنافه ده و وديه لطنط ام مصطفى

و بسرعه عشان تاخد طبق القطايف ده و توديه لطنط فايزة

أيمن : ههههههه ههههههه

كوثر : بتضحك على ايه يا بن الهبله

ايمن : كده خسرتي صيامك يا ماما

و بعدين انتي تبعتي و هما يبعتوا طيب ما كل واحد ياكل اكله و خلاص

أحمد : تهادوا تحابوا يا أيمن

أيمن : ماشي يا أحمد

كوثر : طب هات بقى يا احمد يا حبيبي خد انت يا مقصوف الرقبه ودي الطبق ده لعند مصطفى

احمد : لاء انا عاوز اوديه عندهم

أيمن :لاء هاته انا اوديه عشان العب مع مصطفى شويه

احمد : ماشي يا ايمن روح وديه

بس أحمد كان زعلان لانه ما بيصدق يلاقي فرصه يشوف بيها تقى مع انه تقريبا بيشوفها كل يوم بس لو عليه نفسه يشوفها كل ثانيه و متغيبش عن عينه لحظه

يخبط أيمن على الباب

تفتح تقى الباب : أيمن

ايمن : ازيك يا تقى مش حقولك يا مشمش عشان متزعليش يا ستي

تقى : هههههه انا كويسه يا أيمن

أيمن : صومتي النهارده يا تقى

تقى : أيوة و الله صايمه

أيمن : طب خدي حللي ماما باعتالك الكنافه اللي بتحبيها

تقى : الله انا بحب ها اوي

مصطفى : تعالى يا ايمن يا للا بينا ننزل نلعب

ايمن : طب ما تيجي نلعب هنا مع تقى و مها أحسن

مصطفى : خلاص يبقى نلعب لعبة الشايب و اللي يقع فى حطه حتحكم عليه يروح يلف على الجيران و يقول لكل حد فيهم اديني حاجه حلوه

يقعدوا مع بعض و يلعبوا و يضحكوا و أيمن كان بيعرف تقى ازاي تبعد عن الشايب

مصطفى : اللي يشوف شطارتك في اللعب ميشوفش خيبتك في الدراسه

تقى : بس انا مش خايبه

و انا مش حلعب معاكم

ايمن : عشان خاطري يا تقى العبي معانا انا بحب العب معاكي و مصطفى مش حيزعلك تاني

تقى : حاضر يا ايمن

مها : انا مش عارفه العب معاكم انا حقوم اتف*ج على الفزورة

يضحكوا كلهم عليها و على شقاوتها

(مها حلوة بس الصراحه مش في جمال تقى بس دمها زي العسل و ذكيه و شاطرة جدا بع** طبعا تقى اللي زي ما انتم فهمتوا مبتحبش الدراسه و لا المذاكرة)

????????

مرت ايام الشهر الكريم بسرعه

عبد الله رجع من صلاة التراويح لقى كوثر بتلبس و شكلها خارجه

عبد الله : رايحه فين يا كوثر

كوثر : رايحه اعمل الكحك مع شريفه و بعد كده حروح اعمل البسكوت لام اسلام

عبدالله : ايوة يعني حتتسحري معانا و اللا زي اليومين اللي فاتوا حتسحر انا و الولاد لوحدنا

كوثر : معلش بقى سامحنا اليومين دول كل سنه و انت طيب يا عبد الله

عبد الله : لا يا حبيبتي و لا يهمك ربنا يديم المحبه بينكم يا رب

كوثر : و ربنا يخليك لينا يا حبيبي و مننحرموش منك يا رب

ايمن : ماما يا ماما خديني معاكي

انا عاوز اروح معاكي العب مع مصطفى

كوثر : طب و احمد مش تقعد معاه

ايمن : هو اللي قاللي و الله عشان عاوز ينام

أحمد : خديه معاكي يا ماما عشان انا حنام

عبد الله : حتنام دلوقتى يا أحمد مش عادتك دي

كوثر : ما لك يا أحمد يا حبيبي في حاجه

أحمد : لا مفيش يا ماما بس راسي بتوجعني

كوثر : سلامتك يا ضنايا من وجع الراس

و تحط ايدها على جبينه

يا لهوي الحقني يا عبد الله احمد مولع نار

انا كان قلبي حاسس و ربنا انه حيتعب قلتله متطلعش من أوضة النوم كده على البكونه على طول و انت صحتك مبتستحملش اعمل ايه انا دلوقتى بس يا ربي

عبدالله : متشغليش بالك انتي يا كوثر

كوثر : و هو انا لو مشغلتش بالي بولادي حشغل بالي بمين

عبدالله : طب روحي انتي شوفي حالك و انا حتصرف

كوثر : لا يا اخويا انا لا انا رايحه و لا جايا انا حكلمهم و اعتذر لهم

ابني اولى بية يا عبد الله

تتصل على شريفه عشان تقولها ان احمد تعبان و مش حتعرف تجيلها تساعدها

شريفه : ألف بعد الشر عن أحمد و الف سلامه عليه يا كوثر ربنا يشفيه و يعافيه يا رب

لا كحك ايه و بتاع ايه مانا معايا جيراني و انا مش عامله كتير السنه دي

خليكي انتي مع احمد و انا حخلص و اروح لام اسلام اعملها البسكوت

و بكرة ان شاء الله حروح اشتري لبس العيد للولاد و اعدي عليكم نطمن على الباشمهندس بتاعنا

طبعا تفضل كوثر جمب احمد طول الليل عماله تعملله كمادات و تديله العلاج

عبد الله : كوثر انا حضرت السحور يا للا عشان تلحقي تاكليلك لقمه قبل الفجر ما يأذن

كوثر : يا حبيبي يا عبد الله حقك علية يا حبيبي تعب احمد نساني اعمل السحور

بس، انا مش عاوزة مليش نفس أكل و احمد تعبان كده

عبد الله : مينفعش يا كوثر انتي طول النهار بتتعبي و كده ممكن تدوخي قومي يا حبيبتي و هو أحمد نايم اهوه تعالي كليلك لقمه و ارجعيله تاني

كوثر : حاضر يا حبيبي انا جايه

تقوم كوثر و يا دوب تاكل حاجه بسيطه و ترجع تجري على أحمد و تصلي الفجر و تدعيله ربنا انه يشفيه

في اليوم التالي

يقوم احمد من النوم : صباح الخير يا ماما

كوثر : يا لهوي انت ايه اللي قومك من سريرك

أحمد : عاوز ادخل الحمام يا ماما

كوثر : تدخل الحمام و على اوضتك سامع البرد عاوز الراحه

أحمد : حاضر يا ماما

يجري عليه ايمن و يمسك ايده : هات ايدك يا احمد عشان متدوخش

كوثر : ربنا يخليكم لبعض يا حبايبي يا رب

يخرج احمد من الحمام و كوثر تجيبله العلاج عشان ياخده

احمد : لاء، يا ماما انا صايم

كوثر : تصوم ايه يا حبيب امك و انت تعبان كده انت حتفطر

أحمد : لاء يا ماما انا عاوز اصوم

كوثر : يا حبيبي انت عندك مضاد حيوي و لازم تاخده كل ست ساعات متتعبش، قلبي با احمد الله يخليك انت حتفطر يعني حتفطر و بعد رمضان ابقى عوضهم يا حبيبي

أحمد : حاضر يا ماما

♥️♥️♥️♥️♥️♥️♥️♥️

بعد الفطار

شريفه : يا للا يا ولاد حنتاخر

حمدي : حتتاخروا برة يا شريفه

شريفه : و الله مش عارفه يا حمدي على حسب ما ربنا يسهل و بعد ما نخلص ان شاء الله حروح اطمن على أحمد

حمدي : ماشي يا بطتي

شريفه : ههههههه عسل و ربنا يا حمدي

حمدي : و ربنا انتي العسل و السكر كله يا شوشو

شريفه : الله ما تتلم يا راجل العيال واقفين

حمدي : اعمل ايه بس ما احنا من اول رمضان و انا مش، عارف اتلم عليكي

شريفه : و هو انت شايف في وقت اصلا

حمدي : طب بقولك ايه انا عاوزك تدلعي نفسك كده على العيد

ده العيد فرحه و على راي الست ام كلثوم يا ليلة العيد انستينا و جددتي الامل فينا يا ليلة العيد

شريفه : هههه يا لهوي عليك يا حمدي طب قللي بقى عاوزني اعمل ابه و انا اعمله

حمدي : تصبغي شعرك و تجيبي حاجه حلوة كده تلبيسيهالي بعد ما ارجع من صلاة العيد عشان نعيشلنا يوم حلو بقى

شريفه : طب و الولاد انت نسيتهم

حمدي : حنسربهم ايه المشكله

شريفه : و هي بتض*به في ص*ره بدلع : اه منك يا ابو مصطفى

حمدي : حبيبة قلب ابو مصطفى من جوة

بعد مرور القليل من الوقت

في احد محلات الملابس الجاهزة

شريفه : يا بنتي حرام عليكي بقى تعبتيني معاكي و هديتي حيلي

تقى : مش عاجبني يا ماما مش حلو

شريفه : ده رابع محل ندخله و مفيش حاجه عجباكي

تقى : يعني انا اعمل ايه دلوقتى ما الحاجه مش حلوة

شريفه : يعني كل الحاجات دي مش حلوه يعني الناس دي كلها بتاخد حاجات وحشه و حضرتك بس اللي عارفه انها وحشه

بصي يا تقى و ديني و ما اعبد لو ما اخترتي حاجه دلوقتى و خلصتي ما انا شار يالك حاجه و حخليكي تلبسي طقم العيد بتاع السنه اللي فاتت

تقى : و العيال يضحكوا علية

شريفه : يبقى تخلصي انتي فاهمه

تقى : طيب طيب حجيب خلاص

شريفه : خلصي اخواتك اشتروا و خلصنا و انتي اللي تعباني على طول ده ايه الارف ده كل عيد على الموال الأ**د ده

بعد مرور الوقت

الف سلامه عليك يا احمد يا حبيبي كده بردو تقلقنا عليك يا باشمهندس

أحمد : الله يسلمك يا طنط

شريفه : يا حبيبي ده شكله تعبان أوي يا كوثر

كوثر : احنا كنا فين و بقينا فين ده ورانا ليله ما يعلم بيها الا ربنا و الحمد لله على كل حال

لا و طول الليل مفيش على ل**نه غير مشمش مشمش

شريفه : يا حبيبي كان بيخرف من السخونيه و طبعا ما فتكرش غير اللي قارفاه ليل و نهار

أحمد : لا يا طنط مشمش مش قارفاني و هي حتبقى شاطرة صح يا مشمش

تقى : أيوة يا ابيه احمد

شوف الفستان اللي ماما اشتريتهولي

أحمد : الله حلو أوي يا مشمش

كوثر : عقبال ما تشتريلها فستان فرحها يا رب

شريفه : فرحها و هي خايبه كده طب تتشطر عشان نلاقي حد يرضى بيها

كوثر : نعم دي تقى العرسان يقفوا لها طابور دي ست البنات كلهم

شريفه : بس تتشطر شويه

مها : بصي يا طنط فستاني انا كمان

كوثر : الله الله على الجمال ده حلو اوى يا موهه و الله انا لسه مجبتش ليهم حاجه عاوزة اطمن على احمد و انزل بيهم التلاته اجيبلهم مرة واحده

شريفه : كل سنه و هما طيبين يا رب و أهم حاجه دلوقتى نطمن على أحمد و ينجح و يطلع الاول يا للا يا ابو حميد اتجدعن امتحانك قرب

احمد : ان شاء الله يا طنط حنجح و حطلع الأول زي كل سنه

يدخل أيمن : اتفضلي با طنط العصير

شريفه : يا حبيبي يا ايمن تعبت نفسك ليه بس يا حبيبي

كوثر : ما الحاجه في البيت هو يعني عمل إيه

أيمن و هو بيدي كوباية العصير لتقى : خدي يا تقى عملتلك الليمون اللي بتحبيه

تقى : شكرا يا أيمن

شريفه : ربنا يبارك لك فيهم و يحفظهم من كل شر يا رب العالمين

كوثر : انا و انتي يا شريفه يا رب

أيمن قعد جمب مصطفى يتكلم معاه و اخده و طلعوا يلعبوا سوا برة في الصاله

اما كوثر و شريفه قعدوا يتكلموا مع بعض و مها و امنيه هما كمان طلعوا يلعبوا برة

و احمد كل تركيزه مع تقى

تقى : ابيه احمد

أحمد : نعم يا مشمش

تقى : انا عاوزاك تذاكرلي لما تخف

أحمد : حاضر يا مشمش

بس انا عاوزك توعديني تتشطري يا مشمش

تقى : انا مش عارفه يا ابيه انا ببقى عاوزة اذاكر و ابقي شاطرة بس في حاجه بتقوللي قومي العبي يا تقى اللعب أحلي من المذاكرة يا تقى

أحمد : يبقى لازم تتغلبي على نفسك و يكون عندك اراده يا مشمش

تقى : انا مش فاهمه يا ابيه

أحمد : حاضر حفهمك يا مشمش

يقعد احمد بتكلم مع تقى و يفهمها انها لازم تبقى ساطرة عشان تحقق اللي نفسها فيه ميعرفش ان تقى التعليم مش، في دماغها من أساسه

و لا عندها طموحات تحققها في يوم من الايام

كوثر : احنا نروح الكوافير بتاع سماح عندها ضمير في شغلها و بتستخدم حاجات حلوة

شريفه : ايوة سماح ماشي لكن الكوافير بتاع نهى زي الزفت البنت اللي، شغاله فيه اخر مرة عملت عندها شعري المتخلفه قلتلها ساوي الاطراف راحت قصاه و يومها حمدي ض*ب معايا خناقه لرب السما

كوثر : هههه و ربنا ابو مصطفى ده دماغ

شريفه : اصله بيحب الشعر الطويل ده حتى حالف علية ما اقصش لحد من البنات شعره

كوثر : ربنا يخليهولكم يا رب يا شريفه

شريفه : و بخليلكم ابو احمد يا رب

كوثر : يا رب يا شريفه يا رب

?????????

يجلس حامد و هو يتحدث إلى زوجته

هو الواد عبد الوهاب فين يا أمينه

أمينه : من وجت ما خرج بعد الفطار. ما رجعش، يا حامد

حامد : و ديه ينفع بردك دي احنا داخلين على السحور و هو لساته ما رجعش من برة ديه ليلته مطينه بطين

أمينه : مش طالع زي اخوه خالص سبحان الله بينهم عبد الرحمن حاجه و هو حاجه تانيه خالص

عبد الرحمن عارف مصلحته و بيخاف على نفسه لكن عبد الوهاب ضارب الدنيا صرمه و ولا في دماغه غير اللعب و السرمحه و بس

عبد الرحمن و هو جاي عليهم يجري بسرعه : يا بوي في واحد اتصل علية و جاللي ان عبد الوهاب اتخانج مع العيال و ض*بوه

امينه : يا لهوي ابني

ياخده حامد و يروحوا يلاقوا عبد الوهاب متخانق مع العيال و ضاربين بعض

و طبعا الرجاله يقعدوا مع بعض و يصلحوا الولاد و حامد ياخد عبد الوهاب و عبد الرحمن و يرجعوا البيت

أمينه : أجده بردك يا عبد الوهاب تعمل فينا أجده حرام عليك يا بني انت حتموتني و ربنا

عبد الوهاب : اني معملتش حاجه هما اللي غشاشين و كانوا بيغشوا في اللعب

حامد : انت تخرس خالص امشي انجر من جدامي

يطلع عبد الوهاب اوضته و امه تقعد تدعيله ان ربنا يهديه

????????

فايزة بتتكلم مع عبد الكريم و هي بتزعق معاه جامد : حرام عليك يا راجل ده عيد مش عاوزهم يفرحوا زي يقية البنات ليه

عبد الكريم : و هيا يعني فرحة العيد مش، حتكمل غير بلبس جديد ما يلبسوا اي حاجه و خلاص و اللا هي خسارة فلوس و خلاص

فايزة : ده عيد يا عبد الكريم حرام عليك و كل العيال بيلبسوا حاجه جديده بص انا حقولك انت ملكش دعوة انا حجيبلهم من معايا

عبد الكريم : و هي الفلوس اللي معاكي دي مش احنا اولى بيها

بقولك ايه انا قلت كلمه و مش حتنيها مفيش، لبس عيد حيتجاب يعني مفيش انتي سامعه

و يسببها و يخرج

تقعد فايزة تعيط و تدعي عليه : ربنا ينتقم منك يا عبد الكريم بحق الايام المفترجه دي منك لله يا عبد الكريم ربنا ي**ر بخاطرك زي ما نت كاسر بخاطر بناتك دايما و محسسهم انهم اقل من كل اللي في سنهم

ترجع فريده من برة و تدخل الشقه تلاقيها عماله تعيط فتقلق عليها : ماما مالك يا حبيبتي بتعيطي ليه

في إيه يا ماما

فايزة : بعيط على بختي اللي ما يعلم بيه الا ربنا اللي وقعتي في ابوكم و بليتكم بيه يا حبايبي

فريده : هو زعلك تاني يا ماما

فايزة : و هو بيعمل ايه في حياته غير انه بيزعلني و قهرني بس لو جت فية يا بنتي و الله ما كان يهمني انا اصلا مش عاوزة منه حاجه و لا حعوز منه حاجه و ربنا ما يحوجني ليه في يوم من الايام يا رب

لكن لحد عندكم و مقدرش اسكت يا بنتي ده انتوا اللي طلعت بيكم من الدنيا دي هي دي الحسنه الوحيده اللي عملها فية

فريده : هي فريال عملتله حاجه

يا ماما

فايزة : لا يا حبيبتي محدش من اخواتك عماله حاجه هو مش عاوز يجيبلكم لبس العيد يا حبيبتي

فريده : هو ده اللي مزعلك يا ماما

فايزة : ايوة طبعا يا بنتي هو احنا مش داخلين على عيد و لازم تفرحوا بلبس العيد زي كل الولاد و البنات اللي في سنكم

فريده : خلاص يا ماما ميهمكيش يا حبيبتي مش عاوزين هو احنا يعني حنروح بيه

فين لبس العيد ما احنا لا بنروح و لا بنيجي

تخرج فريال من جوة

بس انا عايزة لبس العيد انا مليش دعوة كل البنات بيجيبوا لبس جديد في العيد و بيغيظوني

و انا مليش دعوه انا عاوزة لبس العيد كل اصحابي جابوا

فريده : خلاص خلاص اهدى يا فريال و بطلي عياط يا حبيبتي انا حجيبلك لبس العيد

فايزة : حتجيبيلها لبس العيد منين يا فريده و انتي معاكي ايه يا حبيبتي تجيبي بيه

فريده : انا محوشه مصروفي يا ماما و حجيبلها بيه

و انتي يا ماما هاتي لفرح

فايزة : و انتي يا قلب امك مش حتجيبي لبس

فريده : لا يا ماما انا مش عاوزة اهم حاجه عندي اخواتي

فايزة : ربنا يرضيكي و يراضيكي يا حبيبتي يا رب

لا يا بنتي انا حجيبلكم انتي و اخواتك و يحصل اللي يحصل حيعمل فينا ايه يعني اكتر من كده

فريده : ان شاء الله خير يا ماما

فايزة : ان شاء الله يا حبيبتي يا رب

❤️❤️❤️❤️❤️❤️❤️❤️