Patakbong lumapit si Sonia sa tarangkahang bakal ng mansyon. Sinipat-sipat muna ang looban. Kumapit ito sa rehas at saka tinawag ang kasintahan. "Roberto! Roberto! Mag-usap tayo!" Walang sagot mula sa mansyon. Kinalampag ni Sonia ang tarangkahan. "Roberto!"
"Sonia, anak. Baka makasama sa iyo 'yan," suway ni Aling Dela sa anak subalit hindi ito nagpatinag.
"Roberto! Lumabas ka riyan at mag-usap tayo!" tawag muli ni Sonia sa nobyo. Kinalampag muli nito ang tarangkahan.
Bumukas ang pinto ng mansyon. Lumabas mula roon si Roberto, kasunod ang ina nitong si Donya Asuncion, si Mameng, Si Mang Kardo at isang nakasuot ng abito. Ito ang prayleng tiyuhin ng ina ni Mameng.
"Sonia," malamig na bati ni Roberto sa kasintahan.
"Roberto, totoo ba?" Saglit na pinagmasdan ni Sonia ang nakangising si Ma
