"Napakaganda mo, Sabel," bulalas ni Amara habang inaayusan ito ng buhok. "Hindi nakapagtatakang mapaibig mo si Antonio."
"Salamat, Ate Amara." Ngumiti ito nang ubod tamis nang mapansin ang repleksyon sa salamin. Nakasuot siya ng puting gown na mukhang pang-prinsesa. Balloon ang pang-ibaba inito at mahaba sa likuran. Hindi nasunod ang unang plano na simpleng kasal at simpleng damit lang. Ang tabas nito ay mababasa sa bandang dibdib at kita ang likod. Off-shoulder ang estilo ng damit. Ang kaniyang belo ay halos tatlong metro ang haba at may suot siyang tiara.
"Naalala ko tuloy ang kasal namin ni Hellion," sambit ni Laura habang nagmumuni-muni.
"Sabel," tawag ni Bal mula sa labas ng silid niya. "May bisita ka."
"Sino, Kuya?" tanong ni Sabel. Pinagbuksan ni Laura si Bal, kasama nito ang is
