"Halina't umuwi muna tayo. Nakapapagod ding magbantay at makiramay sa lamay maghapon hanggang gabi. Madilim na sa daan," aya ni Aling Huling sa mga kasamahan sa umpukan. Nag-inat-inat ito dahil sa pananakit ng kasu-kasuan mula sa maghapong pagkakaupo at pakikipaghuntahan.
"Sus, kumain at huntaan lang naman ang ginawa ninyo rito. Anong pagbabantay at pakikiramay ang sinasabi mo?" parinig ni Aling Sela na kasalukuyang dumaraan sa umpukan ng mga madadaldal sa isla.
"Ako ba ang pinariringgan mo, ha, Sela?" tanong ni Aling Huling. Tumayo nito na tila naghahanap ng away.
"Tinamaan ka ba? Aba'y umilag ka naman kung tingin mong hindi ikaw ang tinutukoy ko," nakangising sagot ni Aling Sela saka ito tumalikod sa umpukan.
"Aba't hinahamon talaga ako nitong---"
"Tama na, Aling Huling. Halika na't
