Naging bulung-bulungan ang sunud-sunod na p*****n sa isla mula sa mga alagang manok ni Ka Pedring, sa mga isda sa dagat hanggang sa mga taga-isla, maging ang karumal-dumal na pagpatay kina Mameng at Lumen. Iba't ibang kwento ang nagpasalin-salin ukol sa patayang nagaganap.
"Nakapangingilabot ang sinapit ng magpinsan, ano?" tanong ni Aling Huling sa mga nakaumpok sa kanyang tindahan habang nagsasalansan ng mga paninda. Nanginginig pa ito sa pagmamadali na mailigpit ang mga paninda at makalipat agad sa Ibayo.
"Tila pareho ang paraan ng pagkakapatay sa kanilang dalawa. Iisa lang kaya ang may gawa?" tanong ni Ka Pedring habang himas ang panabong nito. May laban siya ng sabong mamaya sa Ibayo.
"Mabuti't buhay pa ang mga panabong mo, Ka Pedring?" tanong ni Mang Lucio, ang isa pang sugarol ng
