Bumuntonghininga si Mark at saka ilang sandaling nakipag titigan sa akin bago nagsalita.
“Hayaan mo na lang na nakabukas ang pinto,” marahang utos niya at tinuro pa ang pinto pero tinaasan ko lang siya ng kilay at hindi man lang nagtangkang lumayo sa pinto.
“At bakit naman kita susundin? Ikaw ang kusang pumasok dito sa kwarto ko. Hindi naman kita pinilit,” sambit ko at saka naghahamon na sinalubong ang tingin niya. “Don’t tell me takot ka talagang mapikot kaya gusto mong nakabukas lang ang pinto?”
Sumandal ako sa pinto at saka humalukipkip habang nakatingin sa kanya. Muling bumuntonghininga siya at mukhang nagtitimpi nang nagsalita.
“Noon ko pa sinabi sayo na hindi ako naniniwala sa pikot. Hindi magpapakasal ang isang lalaki kung wala siyang nararamdaman sa isang babae–”
“So, you mean
