Sa pananatili ko sa Mijares Trine habang ginagawa namin ni Mark ang kasalukuyan kong project ay naging mas makulit at persistent si Engr. Del Fierro na kunin ang atensyon ko. Professional siya at hindi naman mukhang bastos kapag nakikipag usap sa akin kaya wala akong dahilan para ‘wag siyang pansinin.
Ngayon ay may binigay na naman siya sa akin na kape at nang makita kong kagaya na naman ‘yon ng kape na binigay niya sa akin dati ay napasimangot ako. Gusto ko pa naman sanang uminom ng kape ngayon lalo na at coffee break na pero tinatamad akong bumaba para bumili ng panibagong kape. Muling napatitig ako sa kape na hawak ko.
“If he’s really interested in me, he should’ve known what type of coffee I can drink,” naiiling na sambit ko at tatayo na sana para ibigay na lang kay Mau ang kape pero
