"I LOVE you."
Napangiti si Amarah nang mabasa niya ang tatlong salita na iyon galing sa text message ni Daxton. Tatlong salita pero grabe na ang epekto niyon sa puso niya.
"Ate, anong nginingiti mo diyan?" Mayamaya ay inaalis ni Amarah ang tingin sa hawak na cellphone ng marinig ang sinabing iyon ng kapatid na si Amadeus.
"May crush ka na 'no, Ate?" mayamaya ay tukso sa kanya ng kapatid.
"May Kuya na ba kami, Ate Amarah?" wika naman ni Arthur sa kanya.
"Siya ba iyong ipapakilala mo sa amin, Marah?" singit naman ng Mama Arianne niya.
Ngumiti lang naman si Amarah sa Mama niya. Kahit na hindi siya sumagot ay alam na nitong may special someone siyang ipapakilala.
Sabado kaya umuwi siya sa bahay nila. Text kasi ng text si Amadeus sa kanya at tinatanong kung kailan siya uuwi, pinag
