TINOTOO talaga ni Daxton ang sinabi nito sa kanya dahil noong paglabas niya ng banyo na nasa loob ng kwartong tinutuliyan ay narinig ni Amarah ang pagtunog ng notification ng cellphone niya. At nang tingnan iyon ay doon niya nakita ang perang trinansfer ni Daxton sa bank account niya. At hindi nga din niya napigilan ang manlaki ng mga mata. Sampung libo kasi ang ibinalik nito, eh, wala pa sa dalawang libo ang nagastos niya. Sa palengke kasi siya namili kaya nakamura siya.
Nakalimutan ba ni Daxton ang sinabi niya dito sa nagastos niya sa pamamalengke niya?
At dahil sobra ang senend nito sa bank account niya ay ibinalik niya ang sobra dito. Ayaw naman kasi niyang isipin ni Daxton na pinag-i-interesan niya ang pera nito.
Nang maibalik niya ang pera dito ay umupo siya sa gilid ng kama. At
