TININGNAN ni Daxton ang wristwatch na suot ng sandaling iyon. At nang makita kung ano ang oras na ay umayos siya mula sa pagkakaupo niya. Tumingin nga din siya sa labas ng bintana. At ilang minuto ay nakita niya ang babaeng inaabangan niyang makita.
Si Amarah.
Hindi nga inalis ni Daxton ang tingin kay Amarah. At nang sandaling iyon ay gusto niyang bumaba ng kotseng sinasakyan, lapitan ito at yakapin ng mahigpit.
Miss na miss na ni Daxton si Amarah, halos mag-iisang linggo na simula noong umalis ito ng penthouse niya at umuwi na ito sa bahay ng mga ito. Araw-araw naman niya itong nakikita dahil maaga siyang umaalis ng penthouse para puntahan ito. Hindi naman siya nagpapakita dito, tinatanaw lang niya ito sa malayo at minsan hinahatid pa ng tanaw. Pero iba pa din kapag nasa harap niya it
