KUMAPIT si Amarah sa may sink nang makaramdam siya ng pagkahilo pagkatapos niyong sumuka. Kararating lang niya sa cubicle niya nang maramdaman niya ang paghahalukay ng kanyang sikmura.
And it was morning sickness. Mabuti nga at hindi niya iyon nararamdaman kapag nasa bahay siya, minsan nga ay nababahuan siya kapag nagluluto ang ina at ginagamitan nito iyon ng bawang, natitiis pa naman niya ang amoy pero kung minsan ay hindi na lang siya lumalabas para maiwasan niya ang makaramdam ng pagduduwal kapag nagluluto na ang Mama niya. Hindi na nga din siya tumutulong sa pagluluto, tanging paghuhugas lang ng pinggan ang naitutulong niya.
At nagpapasalamat siya kahit papaano dahil hindi naman siya naduduwal kapag nasa bahay, mukhang naawa sa kanya ang anak dahil ayaw nitong dumuwal siya sa bahay
